Viral Video: ಮರಳಲ್ಲಿ ಗೆರೆ ಎಳೆಯುತ್ತ ಕುಣಿಯುವ ಆಟ ಗೊತ್ತಾ ನಿಮಗೆ? ಬನ್ನಿ ಇವರು ಕಲಿಸ್ತಾರೆ
Dog: ಈ ವಿಡಿಯೋ ನೋಡಿದ ತಕ್ಷಣ ಈ ವಾರಾಂತ್ಯದಲ್ಲಿ ಹತ್ತಿರದ ಬೀಚಿಗೆ ಹೋಗಿ ಈ ನಾಯಿಯಂತೆಯೇ ಮನಸಾರೆ ಆಟವಾಡಬೇಕೆನ್ನಿಸುವುದು ಗ್ಯಾರಂಟೀ. ನೆಟ್ಟಿಗರಂತೂ ಈ ವಿಡಿಯೋ ನೋಡಿ ಮನಸೋತಿದ್ದಾರೆ. ಹೀಗೆ ಉಲ್ಲಾಸಮಯವಾಗಿ ಸಮಯ ಕಳೆಯಲು ನಾ ಮುಂದು ತಾ ಮುಂದು ಎನ್ನುತ್ತಿದ್ದಾರೆ. ನೀವೇನಂತೀರಿ? ನಿಮ್ಮ ನಾಯಿಯನ್ನೂ ಕರೆದುಕೊಂಡು ಹೋಗುತ್ತೀರೇ?
Dog Lover: ಮನುಷ್ಯರಾದ ನಮಗೂ ಹೇಗೆ ನಮ್ಮ ಏಕಾಂತ ಬೇಕೋ ಹಾಗೆ ಪ್ರಾಣಿಗಳಿಗೂ. ಪ್ರಾಣಿಗಳು ತಮ್ಮ ಲೋಕದಲ್ಲಿರುವಾಗ ಹೇಗಿರುತ್ತವೆ ಏನು ಮಾಡುತ್ತಿರುತ್ತವೆ ಎನ್ನುವುದು ಬಹುಪಾಲು ಕಣ್ಣಿಗೆ ಬಿದ್ದಿರುತ್ತದೆ. ಆದರೆ ಇದೀಗ ವೈರಲ್ ಆಗಿರುವ ಈ ವಿಡಿಯೋ ಮಾತ್ರ ವಿಭಿನ್ನವಾಗಿದೆ. ಈ ನಾಯಿ ಸಮುದ್ರದಡದ ಮರಳಿನಲ್ಲಿ ಮಕ್ಕಳಂತೆ ಗೆರೆ ಕೊರೆದು ಆಟದಲ್ಲಿ ಮುಳುಗಿರುವ ದೃಶ್ಯ ನೆಟ್ಟಿಗರನ್ನು ವಿಶೇಷವಾಗಿ ಸೆಳೆದಿದೆ. ಇದು ಡ್ಯಾನ್ಸ್ (Dance) ಮಾಡುತ್ತಿದೆಯೇ? ಎಂದು ಕೇಳುತ್ತಿದ್ದಾರೆ ಅನೇಕರು. ಎರಡು ದಿನಗಳ ಹಿಂದೆ ರೆಡ್ಡಿಟ್ನಲ್ಲಿ ಹಂಚಿಕೊಂಡ ಈ ವಿಡಿಯೋದಡಿ ಅನೇಕರು ಪ್ರತಿಕ್ರಿಯಿಸಿದ್ದಾರೆ. ಇದನ್ನು ನೋಡಿ ಮನಸ್ಸು ಉಲ್ಲಸಿತಗೊಂಡಿತು ಎಂದಿದ್ದಾರೆ.
ಇದನ್ನೂ ಓದಿ : Viral Optical Illusion : ಈ ವೃತ್ತವು ಚಲಿಸುವಾಗ ಬಣ್ಣಗಳನ್ನು ಬದಲಾಯಿಸುತ್ತದೆಯೇ?
ಈತನಕ ಈ ವಿಡಿಯೋ ಅನ್ನು 3,100 ಜನರು ಲೈಕ್ ಮಾಡಿದ್ದಾರೆ. ಸುಮಾರು 30 ಜನರು ಪ್ರತಿಕ್ರಿಯಿಸಿದ್ದಾರೆ. ಇಂಥ ಸಂತೋಷವನ್ನು ನಾನೂ ಪಡೆಯಬೇಕು ಎಂದು ಅನ್ನಿಸತೊಡಗಿದೆ ಈ ವಿಡಿಯೋ ನೋಡಿದ ಮೇಲೆ ಎಂದಿದ್ದಾರೆ ಒಬ್ಬರು. ಆಹಾ ಇಂಥ ದಿವ್ಯವಾದ ನೋಟಕ್ಕಾಗಿ ನಾನು ಕಾಯುತ್ತಿದ್ದೆ ಎಂದಿದ್ದಾರೆ ಇನ್ನೊಬ್ಬರು. ದೇವರೇ, ಇದು ಎಂಥ ಮುದ್ದಾದ ನಾಯಿ ಎಂದಿದ್ದಾರೆ ಮತ್ತೊಬ್ಬರು. ಇಂಥ ಆನಂದವನ್ನು ಅನುಭವಿಸಲು ನನಗೂ ಅವಕಾಶವೀಯು ದೇವರೇ ಎಂದಿದ್ದಾರೆ ಮಗದೊಬ್ಬರು.
ಕಡಲತಡಿಯಲ್ಲಿ ನಾಯಿಯ ಈ ಆಟ
Doggo dancing and drawing a line in the sand byu/QuaintMushrooms inAnimalsBeingDerps
ಪ್ರತೀ ಜೀವಿಗೂ ಇಂಥ ಏಕಾಂತ, ಇಂಥ ಖುಷಿ ಬೇಕೇಬೇಕು. ಅಂದಾಗಲೇ ಜೀವನದಲ್ಲಿ ಉತ್ಸಾಹವಿರುತ್ತದೆ ಎಂದಿದ್ದಾರೆ ಒಬ್ಬರು. ನಾನೂ ನಿನ್ನೊಂದಿಗೆ ಈಗ ಈ ಬೀಚಿನಲ್ಲಿರಬೇಕಿತ್ತು ಎಂದಿದ್ದಾರೆ ಮತ್ತೊಬ್ಬರು. ನಾನು ಆಗಾಗ ನನ್ನ ನಾಯಿಯೊಂದಿಗೆ ಬೀಚಿಗೆ ಹೋಗುತ್ತೇನೆ. ಅದೂ ಕೂಡ ಹೀಗೆಯೇ ತನ್ನ ಪಾಡಿಗೆ ತಾನು ಆಟವಾಡಿ ಖುಷಿಗೊಳ್ಳುತ್ತದೆ ಎಂದಿದ್ದಾರೆ ಮತ್ತೊಬ್ಬರು.
ಇದನ್ನೂ ಓದಿ: Viral Video: ಹೀಗೆ ಎಂದೆಂದೂ ರೈಲ್ವೇ ಕ್ರಾಸಿಂಗ್ ಮಾಡದಿರಿ, ನೋಡಿ ಈ ವಿಡಿಯೋ
ಈ ನಾಯಿ ಬೆಕ್ಕುಗಳು ತಮ್ಮಷ್ಟಕ್ಕೆ ತಾವು ಆಟವಾಡುವುದನ್ನು ನೋಡುವುದರಿಂದ ನಮ್ಮಲ್ಲಿ ಒಂದು ರೀತಿಯಲ್ಲಿ ಹೊಸ ಉತ್ಸಾಹ ಚಿಮ್ಮುತ್ತದೆ ಎಂದಿದ್ದಾರೆ ಒಬ್ಬರು. ಅವುಗಳ ಆಟವನ್ನು ನೀವು ನೋಡಲು ಹೋದರೆ ಅವುಗಳಿಗೆ ಇನ್ನೂ ಹುರುಪು ಬಂದು ನಿಮ್ಮನ್ನು ಆಟಕ್ಕೆ ಎಳೆಯುತ್ತವೆ, ಮುದ್ದು ಮಾಡುತ್ತವೆ ಎಂದಿದ್ದಾರೆ ಇನ್ನೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
