Video: ಮೊದಲ ಬಾರಿ ಐಸ್​​​ಕ್ರೀಮ್​​​ ತಿಂದ ಮಗು, ಕಂದಮ್ಮನ ರಿಯಾಕ್ಷನ್​​ ಹೇಗಿತ್ತು ನೋಡಿ

ಐಸ್ ಕ್ರೀಮ್ (Ice Cream) ಅಂದ್ರೆ ದೊಡ್ಡವರಿಂದ ಹಿಡಿದು ಮಕ್ಕಳಿಗೆ ತುಂಬಾನೇ ಇಷ್ಟ. ಯಾರಾದ್ರೂ ಐಸ್ ಕ್ರೀಮ್ ತಿನ್ನುತ್ತಿದ್ದರೆ ನಮಗೂ ತಿನ್ನಬೇಕು ಅನಿಸುತ್ತದೆ. ಇನ್ನು ಹೆತ್ತವರು ಪುಟಾಣಿ ಮಕ್ಕಳ ಮುಂದೆ ಐಸ್ ಕ್ರೀಮ್ ತಿನ್ನೋ ಆಗಿಲ್ಲ. ನಂಗೂ ಕೊಡು ಎನ್ನುತ್ತಾ ಅಮ್ಮನನ್ನೇ ದಿಟ್ಟಿಸಿ ನೋಡುತ್ತವೆ. ನೀವೇನಾದ್ರೂ ಪುಟಾಣಿ ಮಕ್ಕಳ ಬಾಯಿಗೆ ಐಸ್ ಕ್ರೀಮ್ ಇಟ್ಟರೆ ನಾಲಿಗೆ ಹೊರ ಹಾಕುತ್ತಾ ಬಾಯಿ ಚಪ್ಪರಿಸಿಕೊಂಡು ರುಚಿ ಸವಿಯುವುದನ್ನು  ನೋಡಿರುತ್ತೀರಿ. ಈ ಪುಟ್ಟ ಮಗುವು (little baby) ಮೊದಲ ಬಾರಿಗೆ ಐಸ್ ಕ್ರೀಮ್ ಸವಿಯುತ್ತಿದ್ದಂತೆ ಮುದ್ದು ಮುದ್ದಾಗಿ ರಿಯಾಕ್ಷನ್ ಕೊಟ್ಟಿದೆ. ಈ ವಿಡಿಯೋ ಸದ್ಯ ನೆಟ್ಟಿಗರ ಹೃದಯ ಗೆದ್ದಿದೆ.

ಐಸ್ ಕ್ರೀಮ್ ಸವಿದ ಕಂದಮ್ಮನ ರಿಯಾಕ್ಷನ್ ಹೇಗಿತ್ತು ನೋಡಿ

contractopia ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಶೇರ್ ಮಾಡಿಕೊಳ್ಳಲಾದ ಈ ವಿಡಿಯೋಗೆ ಮೊದಲ ಐಸ್ ಕ್ರೀಂ ತಿಂದಾಗ ಸಿಗುವ ಸಂತೋಷಕ್ಕೆ ಯಾವುದೂ ಸಾಟಿಯಿಲ್ಲ, ಅವಳ ಪ್ರತಿಕ್ರಿಯೆ ಇಂದು ನೀವು ನೋಡುವ ಅತ್ಯಂತ ಸಿಹಿಯಾದ ವಿಷಯಗಳಲ್ಲಿ ಒಂದು ಎಂದು ಶೀರ್ಷಿಕೆ ನೀಡಲಾಗಿದೆ. ಇಲ್ಲಿ ನೀವು ಮಗುವೊಂದು ಮೊದಲ ಬಾರಿಗೆ ಐಸ್ ಕ್ರೀಮ್ ಸವಿಯುವುದನ್ನು ಕಾಣಬಹುದು. ರುಚಿ ಸವಿದ ಬಳಿಕ ಮುದ್ದಾಗಿ ರಿಯಾಕ್ಷನ್ ನೀಡಿದೆ. ಹೌದು, ಕ್ಯಾಂಡಿಯನ್ನು ಮಗುವಿಗೆ ಬಾಯಿಗೆ ಇಡಲಾಗಿದ್ದು, ಈ ಮಗುವಿಗೆ ಐಸ್ ಕ್ರೀಮ್ ಇಷ್ಟವಾಯಿತು ಎಂದು ಕಾಣಿಸುತ್ತದೆ. ಈ ವೇಳೆ ಅರ್ಧದಷ್ಟು  ಕ್ಯಾಂಡಿಯನ್ನೇ ತನ್ನ ಬಾಯೊಳಗೆ ತುಂಬಿಸಿಕೊಂಡು ಖುಷಿ ಪಟ್ಟಿದೆ.

ಇದನ್ನೂ ಓದಿ

ಹಸಿವು ತಾಳಲಾರದೇ ಈ ಪುಟ್ಟ ಬಾಲಕ ಮಾಡಿದ ಕೆಲಸ ನೋಡಿದ್ರೆ ಶಾಕ್‌ ಆಗ್ತೀರಾ

ಟೀಚರ್‌ಗೆ ಗೊತ್ತಾಗದಂತೆ ಬಿಸ್ಕೆಟ್‌ ತಿನ್ನುತ್ತಾ ಸಿಕ್ಕಿ ಬಿದ್ದ ಪುಟಾಣಿ

ಮುದ್ದಿನ ಮಗನಿಗೆ ಕಷ್ಟ ಕೊಡದೇ ತಾನೇ ಹೋಮ್ ವರ್ಕ್ ಮಾಡಿದ ಅಮ್ಮ

ಅಪ್ಪನ ವರ್ಕ್ ಫ್ರಮ್ ಹೋಮ್ ಸ್ಥಿತಿಗತಿಯನ್ನು ಅನುಕರಣೆ ಮಾಡಿದ ಪುಟಾಣಿ

ವೈರಲ್‌ ವಿಡಿಯೋ ಇಲ್ಲಿದೆ ನೋಡಿ

View this post on Instagram

A post shared by Olapade Adedamola (@contractopia)

ಇದನ್ನೂ ಓದಿ:Video: ಅಯ್ಯಯ್ಯೋ ನನಗೆ ಹಸಿವು ತಡೆಯೋಕೆ ಆಗ್ತಿಲ್ಲ; ರಸ್ತೆಯಲ್ಲಿ ಕುಳಿತು ಟಿಫಿನ್ ಬಾಕ್ಸ್ ತೆರೆದು ನೂಡಲ್ಸ್ ತಿಂದ ಪುಟ್ಟ ಬಾಲಕ

ಈ ವಿಡಿಯೋ 26 ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿದ್ದು ಮಗುವಿನ ರಿಯಾಕ್ಷನ್ ಗೆ ಬಳಕೆದಾರರು ಮನಸೋತಿದ್ದಾರೆ. ಒಬ್ಬ ಬಳಕೆದಾರ ಈ ಪುಟಾಣಿಯ ರಿಯಾಕ್ಷನ್ ಗೆ ನಾನು ಮನಸೋತೆ ಎಂದಿದ್ದಾರೆ. ಇನ್ನೊಬ್ಬರು, ಅವಳಿಗೆ ಎಷ್ಟು ಖುಷಿಯಾಯ್ತು ಅನ್ನೋದು ನನಗೆ ಗೊತ್ತು. ನಾನು ಈ ರೀತಿಯೇ ಮಾಡ್ತೇನೆ ಎಂದು ಹೇಳಿದ್ದಾರೆ. ಎಷ್ಟು ಮುದ್ದಾಗಿದೆ ಈ ದೃಶ್ಯ ಎಂದು ಮತ್ತೊಬ್ಬರು ಕಾಮೆಂಟ್ ಮಾಡಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ