Viral Video: ನೀವು ಕೊಟ್ಟ ಮುತ್ತನ್ನು ಅದು ವಾಪಾಸು ಮರಳಿಸಿಬಿಟ್ಟರೆ?
Cobra : ''ನಿಜಕ್ಕೂ ನೀವು ಮೃತ್ಯುವನ್ನು ಆಹ್ವಾನಿಸಿಕೊಳ್ಳುತ್ತಿದ್ದೀರಿ. ಹಾವುಪ್ರಿಯರು ಹಾವಿನಿಂದಲೇ ಮರಣವನ್ನಪ್ಪುತ್ತಾರೆ ಎನ್ನುವ ಸತ್ಯ ನಿಮಗೆ ತಿಳಿದಿದೆಯೇ? ಸುಮ್ಮನೆ ಇಂಥ ಹುಚ್ಚಾಟಕ್ಕೆ ಇಳಿಯಬೇಡಿ ಮತ್ತು ಇತರರನ್ನು ಪ್ರೇರೇಪಿಸಬೇಡಿ.''
Updated on:Jul 15, 2023 | 5:25 PM
Kissing : ಹಾವು ಹಿಡಿಯುವವರು ಅಥವಾ ಹಾವುಪ್ರಿಯರು ಹಾವು ಕಡಿತದಿಂದಲೇ ಸಾಯುತ್ತಾರೆ ಎನ್ನುವ ಸತ್ಯ ನಿಮಗೆ ಗೊತ್ತಿದೆಯೇ? ಏಕೆ ಇಂಥ ಹುಚ್ಚು ಸಾಹಸಗಳಿಗೆ ತೆರೆದುಕೊಳ್ಳುತ್ತಿದ್ದೀರಿ? ಒಂದೊಮ್ಮೆ ಅದು ತಿರುಗಿ ನಿಮಗೆ ಮುತ್ತಿಟ್ಟರೆ ಪರಿಸ್ಥಿತಿ ಏನಾಗಬಹುದು ಎಂದು ಊಹಿಸಿದ್ದೀರಾ? ಚುಂಬಿಸುವ ಪ್ರಯತ್ನದಲ್ಲಿ ಅದೆಷ್ಟು ಬಾರಿ ನಾಗರಹಾವಿನಿಂದ (Cobra) ಕಡಿಸಿಕೊಂಡಿದ್ದೀರೋ ಏನೋ. ಒಟ್ಟಾರೆಯಾಗಿ ಇದು ಭಯಾನಕವಾಗಿದೆ. ದಯವಿಟ್ಟು ಇಂಥವನ್ನೆಲ್ಲ ಪ್ರಯತ್ನಿಸಬೇಡಿ. ಈ ವಿಡಿಯೋ ನೋಡಿದ ಕೆಲವರು ಅನುಕರಿಸಲು ಹೋಗಿ ಜೀವಕ್ಕೆ ಅಪಾಯ ತಂದುಕೊಳ್ಳುವ ಸಾಧ್ಯತೆ ಇರುತ್ತದೆ ಎಂದು ನೆಟ್ಟಿಗರು ಬುದ್ಧಿವಾದ ಹೇಳುತ್ತಿದ್ದಾರೆ ಈ ಯುವಕನಿಗೆ.
ಅಣ್ಣಾ ಈ ವಿಡಿಯೋ ತುಂಬಾ ಸುಂದರವಾಗಿದೆ. ಆದರೆ ಹುಷಾರು, ನಿನ್ನ ಕತ್ತಿನಲ್ಲಿ ನೇತಾಡುತ್ತಿರುವ ಚೈನು ಅದಕ್ಕೆ ತಾಗಿದರೆ ಪರಿಣಾಮ ಏನಾಗಬಹುದೆಂದು ಗೊತ್ತಿದೆಯೇ? ಎಂದಿದ್ದಾರೆ ಒಬ್ಬರು. ಅಯ್ಯೋ ನೀವು ನನ್ನ ಹಳೆಯ ಪ್ರೇಮಿಗೆ ಯಾಕೆ ಚುಂಬಿಸುತ್ತಿದ್ದೀರಿ? ಎಂದು ತಮಾಷೆ ಮಾಡಿದ್ದಾರೆ ಇಬ್ಬೊಬ್ಬರು. ಅಯ್ಯೋ ನೀವು ಚುಂಬಿಸಿದ ರೀತಿಗೆ ಅವನು ಸುಸ್ತಾಗಿರಬೇಕು, ಸ್ವಲ್ಪ ಕಾಯಿರಿ ನಿಮ್ಮನ್ನು ವಾಪಾಸು ಚುಂಬಿಸುತ್ತಾನೆ ಎಂದಿದ್ದಾರೆ ಮತ್ತೊಬ್ಬರು.
ಇದನ್ನೂ ಓದಿ : Viral: ಒಂಟಿತನ ಕಾಡುತ್ತಿದೆಯೇ? ಬಾಡಿಗೆ ಗೆಳತಿಯನ್ನು ನೇಮಿಸಿಕೊಳ್ಳಿ!
ವಿಷಪೂರಿತ ಸಂಬಂಧದ ವ್ಯಾಖ್ಯಾನ (Toxic Relationship) ಇದೇ ಅಲ್ಲವೇನೋ ಅಣ್ಣಯ್ಯಾ? ಎಂದಿದ್ದಾರೆ ಮತ್ತೊಬ್ಬರು. ಕಿಸ್ ಆಫ್ ಡೆಥ್ ಎಂದರೆ ಇದೇ ಅಲ್ಲವಾ ಎಂದಿದ್ದಾರೆ ಮಗದೊಬ್ಬರು. ಅತ್ಯಂತ ಸ್ಪಷ್ಟವಾಗಿ ಈತ ಸಾವನ್ನು ಆಹ್ವಾನಿಸುತ್ತಿದ್ದಾನೆ ಎಂದಿದ್ದಾರೆ ಇನ್ನೂ ಒಬ್ಬರು.
ಇದನ್ನೂ ಓದಿ : Viral Video: ಶ್ರೀಮಂತರು ಷೋಕಿಗಾಗಿ ನಾಯಿ ಸಾಕುತ್ತಾರೆ, ಅವರು ಪ್ರೀತಿಸುವುದಿಲ್ಲ; ನೆಟ್ಟಿಗರ ಚರ್ಚೆ
ಈತನಕ ಸುಮಾರು 1 ಲಕ್ಷ ಜನರು ಈ ವಿಡಿಯೋ ನೋಡಿದ್ದಾರೆ. ಸುಮಾರು 14,000 ಜನರು ಲೈಕ್ ಹಾಕಿದ್ದಾರೆ. ನೂರಾರು ಜನರು ಈ ಹಾವುಪ್ರಿಯನಿಗೆ ಜಾಗ್ರತೆಯಾಗಿ ಇರುವಂತೆ ಪ್ರತಿಕ್ರಿಯಿಸಿದ್ದಾರೆ. ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 5:25 pm, Sat, 15 July 23
