Video: ಕಿಲಾಡಿ ಜೋಡಿ; ತಾನ್ ಕುಡಿಯೋದಲ್ದೆ ನಾಯಿಗೂ ಎಣ್ಣೆ ಕುಡಿಸಿ ತೂರಾಡುತ್ತಾ ಹೋದ ವ್ಯಕ್ತಿ

ಕೋತಿ (Monkey) ತಾನು ಕೆಡೋದಲ್ಲದೇ ವನನೆಲ್ಲಾ ಕೆಡಿಸ್ತು ಎನ್ನುವ ಮಾತಿದೆ. ಈ ವಿಡಿಯೋ ನೋಡಿದ ಮೇಲೆ ನಿಮಗೆ ಈ ಮಾತು ನಿಜವೆನಿಸುತ್ತದೆ. ಕನಿಷ್ಠ ಪ್ರಜ್ಞೆಯಿಲ್ಲದೇ ವರ್ತಿಸುವ ಜನರನ್ನು ಕಂಡಾಗ ಏನಪ್ಪಾ ಕಾಲ ಬಂತು ಎಂದು ಅನಿಸುವುದು ನಿಜ. ಇಲ್ಲೊಬ್ಬ ಕುಡುಕಮಹಾಶಯ ತಾನು ಕುಡಿದದ್ದಲ್ಲದೇ ಶ್ವಾನಕ್ಕೂ (Dog) ಎಣ್ಣೆ ಕುಡಿಸಿದ್ದಾನೆ. ತನ್ನ ಎಣ್ಣೆ ಪಾರ್ಟರ್ ಜೊತೆಗೆ ತೂರಾಡುತ್ತಾ ನಡೆದುಕೊಂಡು ಹೋಗುತ್ತಿರುವ ವ್ಯಕ್ತಿಯ ವಿಡಿಯೋ ವೈರಲ್ ಆಗಿದ್ದು, ನೆಟ್ಟಿಗರು ಈ ಕ್ಲಿಪಿಂಗ್ ನೋಡಿ ಬಿದ್ದು ಬಿದ್ದು ನಕ್ಕಿದ್ದಾರೆ.

ರಘುಮೂರ್ತಿ (@raghumurthy77) ಹೆಸರಿನ ಎಕ್ಸ್ ಖಾತೆಯಲ್ಲಿ ಶೇರ್ ಮಾಡಲಾದ ಈ ವಿಡಿಯೋಗೆ ಇವನ್ಯಾರ್ ಗುರು ತಾನ್ ಕುಡಿಯೋದಲ್ದೆ ನಾಯಿಗೂ ಕುಡುಸ್ಕೊಂಡು ಎಂದು ಶೀರ್ಷಿಕೆಯಲ್ಲಿ ಬರೆಯಲಾಗಿದೆ. ಈ ವಿಡಿಯೋದಲ್ಲಿ ವ್ಯಕ್ತಿಯೊಬ್ಬನು ನಾಯಿಗೂ ಎಣ್ಣೆ ಕುಡಿಸಿದ್ದಾನೆ. ವ್ಯಕ್ತಿಯ ಕೈಯಲ್ಲಿನ ಎಣ್ಣೆ ತುಂಬಿದ ಕವರ್‌ನ್ನು ಕಾಣಬಹುದು. ಎಣ್ಣೆಯ ಮತ್ತಿನಲ್ಲಿ ವ್ಯಕ್ತಿ ಹಾಗೂ ಶ್ವಾನವು ತೂರಾಡುತ್ತಾ ನಡೆದುಕೊಂಡು ಹೋಗುತ್ತಿರುವುದನ್ನು ಕಾಣಬಹುದು.

ಇದನ್ನೂ ಓದಿ

ಮಗುವಿಗೆ ತಾಯಿ ಕಥೆ ಹೇಳುತ್ತಿದ್ದಂತೆ ಮುದ್ದಾಗಿ ರಿಯಾಕ್ಷನ್ ಕೊಟ್ಟ ಶ್ವಾನ

ಬೆಂಗಳೂರು ಏರ್‌ಪೋರ್ಟ್‌ನ ಪ್ರಯಾಣಿಕರ ಸೀಟಿನಲ್ಲೇ ನಿದ್ರೆಗೆ ಜಾರಿದ ಶ್ವಾನ

18 ಅಡಿ ಎತ್ತರದ ಗೋಡೆ ಹಾರಿದ ಭಾರತೀಯ ಶ್ವಾನ

28 ಗೋಲ್ಡನ್‌ ರಿಟ್ರೈವರ್ ಶ್ವಾನಗಳ ಜತೆ ಬೆಂಗಳೂರಿನ ಮಹಿಳೆಯ ವಾಕಿಂಗ್

ವೈರಲ್‌ ವಿಡಿಯೋ ಇಲ್ಲಿದೆ ನೋಡಿ

ಇವನ್ಯಾರ್ ಗುರು ತಾನ್ ಕುಡಿಯೋದಲ್ದೆ ನಾಯಿಗೂ ಕುಡುಸ್ಕೊಂಡು 😂😂😂 pic.twitter.com/npG2wP4qjV

— wHatNext 🚩 (@raghunmurthy77) October 13, 2025

ಇದನ್ನೂ ಓದಿ:Video: ಪುಟ್ಟ ಮಗುವಿಗೆ ತಾಯಿ ಕಥೆ ಹೇಳುತ್ತಿದ್ದಂತೆ ಮುದ್ದಾಗಿ ರಿಯಾಕ್ಷನ್ ಕೊಟ್ಟ ಶ್ವಾನ

ಅಕ್ಟೋಬರ್ 13 ರಂದು ಶೇರ್ ಮಾಡಲಾದ ಈ ವಿಡಿಯೋವು ಇದುವರೆಗೂ ಹದಿನೈದು ಸಾವಿರಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿದ್ದು ಒಬ್ಬ ಬಳಕೆದಾರ ನಿಯತ್ತು ಅಂದ್ರೆ ಇದೇ ಬ್ರದರ್ ಎಂದಿದ್ದಾರೆ. ಇನ್ನೊಬ್ಬ ಬಳಕೆದಾರ ಹೌದು ನೋಡೋರಿಗೆ ಏನೋ ಚೇಷ್ಟೆ ಆಗಿರಬಹುದು, ಆದರೂ ಇದರಲ್ಲಿ ಏನೋ ಒಂಥರಾ ಗಿಮಿಕು ಇದೆ ಅಲ್ವಾ ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು ಕೋತಿ ತಾನು ಕೆಡುವುದಲ್ಲದೇ ವನನ್ನೆಲ್ಲಾ ಕೆಡಿಸ್ತು ಅಂತಾರೆ ಹಂಗೆ ಆಯ್ತು ಎಂದು ಹೇಳಿದ್ದಾರೆ. ಇನ್ನು ಕೆಲವರು ನಗುವ ಇಮೋಜಿ ಕಳುಹಿಸಿ ತಮಾಷೆ ಮಾಡಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 12:53 pm, Wed, 15 October 25