Viral Video: ಏಕಾಂಗಿಯಾಗಿ ಸರ್ಫಿಂಗ್ ಮಾಡಿ ಅಚ್ಚರಿ ಮೂಡಿಸಿದ ಶ್ವಾನ; ಇಲ್ಲಿದೆ ವಿಡಿಯೋ

ಸಾಮಾಜಿಕ ಜಾಲತಾಣಗಳಲ್ಲಿ ಸಾಕು ಪ್ರಾಣಿಗಳ ವಿಡಿಯೋಗಳು ನೆಟ್ಟಿಗರ ಗಮನ ಸೆಳೆಯುತ್ತಿರುತ್ತವೆ. ಅದರಲ್ಲೂ ಶ್ವಾನಗಳ ತುಂಟಾಟಗಳಂತೂ ಪ್ರಾಣಿ ಪ್ರಿಯರಿಗೆ ಬಹು ಆಪ್ತವಾಗುತ್ತವೆ. ಇತ್ತೀಚೆಗೆ ಅಂಥದ್ದೇ ಒಂದು ವಿಡಿಯೋ ವೈರಲ್ (Viral Video) ಆಗಿದೆ. ಅದರಲ್ಲಿ ಶ್ವಾನವೊಂದು ಸಮುದ್ರದಲ್ಲಿ ಸರ್ಫಿಂಗ್ (Surfing) ಮಾಡಿದ್ದು ಎಲ್ಲರನ್ನೂ ಅಚ್ಚರಿಗೆ ತಳ್ಳಿದೆ. ಇದಕ್ಕೆ ಕಾರಣಗಳೂ ಇಲ್ಲದಿಲ್ಲ. ತನ್ನ ಒಡೆಯನ ಜತೆಗೆ ಶ್ವಾನಗಳು ಸರ್ಫಿಂಗ್ ಮಾಡುವುದನ್ನು ನೀವು ನೋಡಿರಬಹುದು. ಆದರೆ ಈ ಶ್ವಾನವು ಏಕಾಂಗಿಯಾಗಿ ಕುಳಿತು ಸರ್ಫಿಂಗ್ ನಡೆಸಿದೆ. ದೊಡ್ಡ ಅಲೆಗಳ ನಡುವೆ ಕಸರತ್ತು ಮಾಡುವ ಅದರ ವಿಡಿಯೋ ಸದ್ಯ ನೆಟ್ಟಿಗರ ಮನಗೆದ್ದಿದೆ. 25 ಸೆಕೆಂಡ್​ಗಳ ಈ ವಿಡಿಯೋವನ್ನು ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳಲಾಗಿದೆ.

ಅಂದಹಾಗೆ ಈ ಶ್ವಾನದ ಹೆಸರು ರೋಸಿ ಡ್ರಾಟ್ಟರ್ (Rosie Drottar). ಇನ್​ಸ್ಟಾಗ್ರಾಂನಲ್ಲಿ ರೋಸಿಗೆ ಅಪಾರ ಅಭಿಮಾನಿ ಬಳಗವಿದೆ. ವಿಡಿಯೋದಲ್ಲಿ ರೋಸಿಯ ತರಬೇತುದಾರ ಸರ್ಫಿಂಗ್ ಬೋರ್ಡ್​ ಮೇಲೆ ಅದನ್ನು ಹತ್ತಿಸುತ್ತಾನೆ. ಅಲೆ ಬರುತ್ತಿದ್ದಂತೆಯೇ ‘ಸರ್ಫ್, ಸರ್ಫ್’ ಎಂದು ಸಲಹೆ ನೀಡುತ್ತಾನೆ. ಅಲ್ಲಿಂದ ರೋಸಿ ಸರ್ಫ್ ಮಾಡುತ್ತಾ ತೆರಳುವುದು ಸೆರೆಯಾಗಿದೆ. ಈ ವಿಡಿಯೋವನ್ನು ಸುಮಾರು 11ಸಾವಿರ ಜನರು ಇಷ್ಟಪಟ್ಟಿದ್ದಾರೆ.

ಇದನ್ನೂ ಓದಿ

Viral: ಯದ್ವಾತದ್ವಾ ಗಾಡಿ ಓಡಿಸಿ ಅರೆಸ್ಟ್​ ಆದ 19 ವರ್ಷದ ಯುವತಿ; ಕಾರಣ ಕೇಳಿ ದಂಗಾದ ಪೊಲೀಸರು

Viral Video: ಸೌತೆಕಾಯಿ ಕಟ್ ಮಾಡಿ ಟ್ರೋಲ್ ಆದ ಮಾಡೆಲ್; ಈ ವಿಡಿಯೋ ಮಿಸ್ ಮಾಡಬೇಡಿ

ಅಡುಗೆಯ ಲೈವ್-ಸ್ಟ್ರೀಮ್ ಮಾಡುವಾಗ ಹೊತ್ತಿಕೊಂಡ ಬೆಂಕಿ; ತಪ್ಪಿದ ಭಾರಿ ಅನಾಹುತ, ಪ್ರಾಣಾಪಾಯದಿಂದ ಪಾರಾದ ಮಹಿಳೆ

ಪಟಾಕಿ ಶಬ್ದಕ್ಕೆ ಬೆಚ್ಚಿ ವರನನ್ನೇ ಹೊತ್ತು ಓಡಿದ ಕುದುರೆ; ಮುಂದೇನಾಯ್ತು? ಇಲ್ಲಿದೆ ವೈರಲ್ ವಿಡಿಯೋ

ಇಲ್ಲಿದೆ ವಿಡಿಯೋ:

View this post on Instagram

A post shared by Rosie Drottar (@rippinrosiedog)

ರೋಸಿ ಡ್ರಾಟ್ಟರ್​​ಗೆ ಇನ್​​ಸ್ಟಾಗ್ರಾಂನಲ್ಲಿ ಸುಮಾರು 38 ಸಾವಿರಕ್ಕೂ ಅಧಿಕ ಫಾಲೋವರ್​ಗಳಿದ್ದಾರೆ. ವಿಶೇಷವೆಂದರೆ ರೋಸಿ ಇದೇ ಮೊದಲ ಬಾರಿಗೆ ಸರ್ಫಿಂಗ್ ಮಾಡಿದ್ದೇನೂ ಅಲ್ಲ. ಅದು ಸರ್ಫಿಂಗ್​ ವಿಭಾಗದಲ್ಲಿ ತರಬೇತಿ ಪಡೆದಿರುವ ವಿಶೇಷ ಶ್ವಾನ. ಇನ್​ಸ್ಟಾಗ್ರಾಂನಲ್ಲಿ ಆಗಾಗ ರೋಸಿಯ ಸರ್ಫಿಂಗ್ ವಿಡಿಯೋಗಳನ್ನು ಹಂಚಿಕೊಳ್ಳಲಾಗುತ್ತದೆ. ಅವುಗಳೆಲ್ಲವೂ ವೈರಲ್ ಆಗಿವೆ. ಇದೇ ಕಾರಣದಿಂದ ರೋಸಿಯ ಅಭಿಮಾನಿ ಬಳಗ ದಿನದಿಂದ ದಿನಕ್ಕೆ ಏರುತ್ತಲೇ ಇದೆ.

ರೋಸಿ ಸರ್ಫಿಂಗ್ ಮಾಡುತ್ತಿರುವ ಮತ್ತೊಂದು ವಿಡಿಯೋ:

View this post on Instagram

A post shared by Rosie Drottar (@rippinrosiedog)

ರೋಸಿ ಡ್ರಾಟ್ಟರ್​​ ವಿಡಿಯೋಗಳನ್ನು ನೋಡಿದ ನೆಟ್ಟಿಗರು ಮನಸೋತಿದ್ದು, ಬಗೆಬಗೆಯ ಕಾಮೆಂಟ್​ಗಳ ಮೂಲಕ ಅದನ್ನು ಹೊಗಳಿದ್ದಾರೆ. ಹಲವರು ರೋಸಿಯ ಧೈರ್ಯವನ್ನು ಮೆಚ್ಚಿದ್ದಾರೆ. ವಿಡಿಯೋ ನೋಡಿದ ನಿಮಗೇನನ್ನಿಸಿತು?

ಮತ್ತಷ್ಟು ಕುತೂಹಲಕರ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ | ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 10:02 am, Tue, 17 May 22