Video: ತನ್ನ ಮಾಲೀಕಳ ಜೊತೆಗೆ ಮುನಿಸಿಕೊಂಡು ಗುರ್ ಎಂದ ಮರಿಯಾನೆ

ಪ್ರಾಣಿಗಳು (Animals) ತಮ್ಮ ಭಾವನೆಗಳನ್ನು ವಿಭಿನ್ನ ರೀತಿಯಲ್ಲಿ ತೋರ್ಪಡಿಸುತ್ತವೆ. ಯಾರು ತನ್ನನ್ನು ಪ್ರೀತಿ, ಕಾಳಜಿಯಿಂದ ನೋಡಿಕೊಳ್ಳುತ್ತಾರೋ ಅವರ ಜೊತೆಯಲ್ಲಿ ಮಗುವಿನಂತೆ ವರ್ತಿಸುತ್ತವೆ. ಸಲುಗೆ ಬೆಳೆಸಿಕೊಂಡು ಮುದ್ದಾಡುತ್ತವೆ, ಸಿಟ್ಟು ಬಂದರೆ ಕೋಪಿಸಿಕೊಳ್ಳುತ್ತವೆ. ಈ ಮರಿಯಾನೆಯೂ (Baby elephant) ಅದೇ ರೀತಿ ಮಾಡಿದೆ. ತನ್ನ ಕೇರ್ ಟೇಕರ್‌ ತನ್ನ ಜೊತೆಗೆ ಆಟ ಆಡಲು ಬರುತ್ತಿಲ್ಲ ಎನ್ನುವ ಒಂದೇ ಕಾರಣಕ್ಕೆ ಮುನಿಸಿಕೊಂಡಿದೆ. ಈ ಪುಟಾಣಿ ಮರಿಯಾನೆಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದ್ದು ನೆಟ್ಟಿಗರ ಗಮನ ಸೆಳೆಯುತ್ತಿದೆ.

wildlife.report ಎಂಬ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಶೇರ್ ಮಾಡಲಾಗಿದ್ದು, ಶೀರ್ಷಿಕೆಯಲ್ಲಿ ಈ ಮರಿಯಾನೆಯೂ ತನ್ನ ಧ್ವನಿಯನ್ನು ಹೆಚ್ಚಿಸಿ, ತನ್ನ ಆರೈಕೆ ಮಾಡುವವಳ ಗಮನ ಸೆಳೆಯಲು ಪ್ರಯತ್ನಿಸುತ್ತಿದೆ. ಆಕೆ ಆಟ ಆಡಲು ಬರಲು ನಿರಾಕರಿಸಿದಾಗ ಜೋರಾಗಿ ಘರ್ಜಿಸಿ ಕೋಪವನ್ನು ಹೊರಹಾಕಿದೆ ಎಂದು ಬರೆದುಕೊಳ್ಳಲಾಗಿದೆ. ಈ ವಿಡಿಯೋದಲ್ಲಿ ತಾಯಾನೆ ಹಚ್ಚಹಸಿರಾದ ಹುಲ್ಲನ್ನು ತಿನ್ನುತ್ತಿದೆ. ಇತ್ತ ಪುಟಾಣಿ ಆನೆಯೂ ಮಾಲೀಕಳನ್ನು ತನ್ನ ಜೊತೆಗೆ ಆಟ ಆಡಲು ಬರುವಂತೆ ಕರೆದಿದೆ. ಆಕೆಯು ಓಲ್ಲೆ ಎಂದು ಸುಮ್ಮನೆ ನಿಂತುಕೊಂಡಾಗ ಈ ಮರಿಯಾನೆಯು ಗುರ್‌ ಗುರ್ ಎಂದು ಜೋರಾಗಿ ಸದ್ದು ಮಾಡುವುದನ್ನು ನೀವಿಲ್ಲಿ ನೋಡಬಹುದು.

ವೈರಲ್ ವಿಡಿಯೋ ಇಲ್ಲಿದೆ ನೋಡಿ

ಇದನ್ನೂ ಓದಿ:Video: ಸತ್ತು ಹೋದ ಆನೆಯ ತಲೆಬುರುಡೆಯನ್ನು ಕಂಡು ರೋಧಿಸಿದ ಹೆಣ್ಣಾನೆ

ಈ ವಿಡಿಯೋವನ್ನು ಇದುವರೆಗೆ ಹಲವಾರು ಬಳಕೆದಾರರು ವೀಕ್ಷಿಸಿದ್ದು, ಬಳಕೆದಾರರು ತಾಯಾನೆ ಅಲ್ಲಿನ ಪರಿಸ್ಥಿತಿ ಅರ್ಥ ಆಗಿದೆ. ಹೇ ಪುಟಾಣಿ ಇಲ್ಲಿ ಬಾ ಆಹಾರ ಕೊಡುವೆ ಎಂದು ಕರೆಯುವಂತಿದೆ ಎಂದು ಹೇಳಿದ್ದಾರೆ. ಮತ್ತೊಬ್ಬರು, ಈ ಪುಟಾಣಿ ಆನೆಯೊಂದಿಗೆ ಆಟವಾಡಿ ಎಂದು ಕಾಮೆಂಟ್ ಮಾಡಿದ್ದಾರೆ. ಈ ಮರಿಯಾನೆ ಕೋಪಿಸಿಕೊಂಡ ರೀತಿ ಎಷ್ಟು ಮುದ್ದಾಗಿದೆ. ಯಾರಿಗೂ ಕೂಡ ಈ ಆನೆಯ ಜೊತೆ ಆಟ ಆಡದೇ ಇರಲು ಮನಸ್ಸು ಬರಲ್ಲ ಎಂದು ಇನ್ನೊಬ್ಬರು ಹೇಳಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ