Viral: ತಂದೆ-ಮಗಳ ಜುಗಲ್ಬಂದಿ… ಅಪ್ಪನೊಂದಿಗೆ ಮುದ್ದಾಗಿ ಹಾಡು ಹಾಡಿದ ಕಂದಮ್ಮ; ವಿಡಿಯೋ ವೈರಲ್‌

ಕೆಲವು ಮಕ್ಕಳು ಡ್ಯಾನ್ಸ್‌, ಹಾಡಿನ ಮೂಲಕ ಮೂಲಕ ಎಲ್ಲರ ಗಮನ ಸೆಳೆದರೆ, ಇನ್ನೂ ಕೆಲವು ಮಕ್ಕಳು ತಮ್ಮ ಮುದ್ದು ಮುದ್ದು ಮಾತುಗಳಿಂದ ಎಲ್ಲರ ಮನ ಗೆಲ್ಲುತ್ತಾರೆ. ಹೀಗೆ ಪುಟಾಣಿ ಮಕ್ಕಳ ಹಾಡು, ಕುಣಿತ, ತರ್ಲೆ ತಮಾಷೆಗಳಿಗೆ ಸಂಬಂಧಿಸಿದ ಸಾಕಷ್ಟು ವಿಡಿಯೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಲೇ ಇರುತ್ತವೆ. ಇದೀಗ ಅಂತಹದ್ದೇ ಕ್ಯೂಟ್‌ ವಿಡಿಯೋವೊಂದು ವೈರಲ್‌ ಆಗಿದ್ದು, ಅಪ್ಪನ ಜೊತೆ ಸೇರಿ ಪುಟ್ಟ ಕಂದಮ್ಮ ಮುದ್ದು ಮುದ್ದಾಗಿ ಹಿಂದಿ ಹಾಡೊಂದನ್ನು ಹಾಡಿದ್ದಾಳೆ. ತಂದೆ-ಮಗಳ ಹಾಡಿನ ಜುಗಲ್ಬಂದಿಗೆ ನೆಟ್ಟಿಗರು ಫುಲ್‌ ಫಿದಾ ಆಗಿದ್ದಾರೆ.

ವೃತ್ತಿಯಲ್ಲಿ ಸಿ.ಎ ಆಗಿರುವ ಹಾಗೂ ಸಂಗೀತಗಾರ ರೋನಕ್‌ ಹೆಚ್.‌ ಜೈನ್‌ ಎಂಬವರು ತಮ್ಮ ಪುಟಾಣಿ ಮಗಳೊಂದಿಗೆ ಸೇರಿ ಬಂದಿಶ್‌ ಬ್ಯಾಂಡಿಟ್ಸ್‌ ವೆಬ್‌ ಸಿರೀಸ್‌ನ ʼಗರಾಜ್‌ ಗರಾಜ್‌ʼ ಎಂಬ ಹಾಡನ್ನು ಬಹಳ ಚಂದವಾಗಿ ಹಾಡಿದ್ದು, ತಂದೆ-ಮಗಳ ಹಾಡಿನ ಜುಗಲ್ಬಂದಿಗೆ ನೆಟ್ಟಿಗರು ಫುಲ್‌ ಫಿದಾ ಆಗಿದ್ದಾರೆ.

ಈ ಮುದ್ದಾದ ವಿಡಿಯೋವನ್ನು ರೋನಕ್‌ ಹೆಚ್.‌ ಜೈನ್‌ (ca.ronakjainofficial) ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಶೇರ್‌ ಮಾಡಿದ್ದಾರೆ. ವೈರಲ್‌ ಆಗುತ್ತಿರುವ ವಿಡಿಯೋದಲ್ಲಿ ರೋನಕ್‌ ಹಾಗೂ ಅವರ ಮುದ್ದಿನ ಮಗಳು ಗರಾಜ್‌ ಗರಾಜ್‌ ಎಂಬ ಹಿಂದಿ ಹಾಡನ್ನು ಬಹಳ ಮುದ್ದಾಗಿ ಹಾಡುವಂತಹ ದೃಶ್ಯವನ್ನು ಕಾಣಬಹುದು.

ಇದನ್ನೂ ಓದಿ: ಅಸಂಬದ್ಧ ಪ್ರಶ್ನೆಗಳನ್ನು ಕೇಳಿದ ಯೂಟ್ಯೂಬರನ್ನು ಹೊಡೆದೋಡಿಸಿದ ನಾಗಾ ಸಾಧು; ವಿಡಿಯೋ ವೈರಲ್

ಮೂರು ದಿನಗಳ ಹಿಂದೆ ಹಂಚಿಕೊಳ್ಳಲಾದ ಈ ವಿಡಿಯೋ 2 ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಹಾಗೂ ಹಲವಾರು ಕಾಮೆಂಟ್ಸ್‌ಗಳನ್ನು ಪಡೆದುಕೊಂಡಿದೆ. ಒಬ್ಬ ಬಳಕೆದಾರರು ʼಇಂತಹ ಜುಗಲ್ಬಂದಿಯನ್ನು ನಾನೆಂದು ನೋಡಿಲ್ಲʼ ಎಂಬ ಕಾಮೆಂಟ್‌ ಬರೆದುಕೊಂಡಿದ್ದಾರೆ. ಇನ್ನೊಬ್ಬ ಬಳಕೆದಾರರು ʼಆಹಾ… ಎಷ್ಟು ಮುದ್ದಾಗಿದೆ. ಹೀಗೆ ಚಿಕ್ಕ ವಯಸ್ಸಿನಲ್ಲಿಯೇ ಮಕ್ಕಳಿಗೆ ಸಂಗೀತಾಸಕ್ತಿಯನ್ನು ಬೆಳೆಸಬೇಕುʼ ಎಂಬ ಕಾಮೆಂಟ್‌ ಬರೆದುಕೊಂಡಿದ್ದಾರೆ. ಮತ್ತೊಬ್ಬ ಬಳಕೆದಾರರು ʼತಂದೆ-ಮಗಳ ಹಾಡಂತೂ ತುಂಬಾನೇ ಮುದ್ದಾಗಿʼ ಎಂದು ಹೇಳಿದ್ದಾರೆ.

ವೈರಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ