Viral Video: ವಿಡಿಯೋ ಮಾಡ್ತಾ ಮಾಡ್ತಾ ಈಜುಕೊಳಕ್ಕೆ ಬಿದ್ದ ಕ್ಯಾಮರಾ ಮ್ಯಾನ್​​; ವಧು – ವರ ಕಂಗಾಲು! ವಿಡಿಯೋ ವೈರಲ್​

ಸಾಮಾಜಿಕ ಜಾತಾಣದಲ್ಲಿ ಅದೆಷ್ಟೋ ವಿಡಿಯೋಗಳು ಹರಿದಾಡುತ್ತಿರುತ್ತವೆ. ಕೆಲವು ವಿಡಿಯೋಗಳು ಹೊಟ್ಟೆ ಹುಣ್ಣಾಗುವಷ್ಟು ನಗುತರಿಸುತ್ತವೆ. ಇನ್ನು ಕೆಲವರು ಸ್ಪೂರ್ತಿ ತುಂಬುವ ವಿಡಿಯೋಗಳಾಗಿರುತ್ತವೆ. ಇತ್ತೀಚೆಗೆ ಸೆರೆಯಾದ ಮತ್ತೊಂದು ತಮಾಷೆಯ ವಿಡಿಯೋ ಫುಲ್ ವೈರಲ್ ಆಗಿದೆ. ವಿಡಿಯೋ ನೋಡಿದ ನೆಟ್ಟಿಗರಲ್ಲಿ ಕೆಲವರು ನಗುತ್ತಿದ್ದರೆ ಇನ್ನು ಕೆಲವರು ಹೀಗಾಗಬಾರದಿತ್ತು! ಎಂಬ ಪ್ರತಿಕ್ರಿಯೆ ನೀಡುತ್ತಿದ್ದಾರೆ. ಹಾಗಿದ್ದಲ್ಲಿ ಅಂತಹ ಘಟನೆ ಏನಾಗಿರಬಹುದು? ಎಂಬ ಕುತೂಹಲ ಮೂಡಿರಬೇಕಲ್ವೇ? ವಿಡಿಯೋ ಇದೆ ನೀವೂ ನೋಡಿ.

ಮದುವೆ ಮನೆಯಲ್ಲಿ ಮನೆ ತುಂಬ ಅತಿಥಿಗಳು, ಹೊಸ ಉಡುಪು ಜತೆಗೆ ಫೋಟೋಗ್ರಫಿ ಇದ್ದೇ ಇರುತ್ತದೆ. ಈ ಛಾಯಾಚಿತ್ರಗ್ರಾಹಕ ಕೆಲಸದಲ್ಲಿ ಎಷ್ಟು ತಲ್ಲೀನನಾಗಿದ್ದಾನೆ ಎಂಬುದಕ್ಕೆ ಈ ವಿಡಿಯೋವೇ ಸಾಕ್ಷಿ. ವಧು ವರರೇ ಒಂದು ಕ್ಷಣ ಕಂಗಾಲಾಗುವಂತಹ ಘಟನೆ ನಡೆದಿದೆ. ವಿಡಿಯೋ ನೋಡಿ ನೀವೂ ನಗುತ್ತೀರಾ!

ವಧು ವರ ನಡೆದು ಬರುವಾಗ ವಿಡಿಯೋ ಮಾಡಲೆಂದು ಛಾಯಾಚಿತ್ರಗ್ರಾಹಕ ಹಿಂಬದಿಯಿಂದ ನಡೆದು ಸಾಗುತ್ತಿರುತ್ತಾನೆ. ಆದರೆ ಹಿಂದೆ ಸ್ವಿಮ್ಮಿಂಗ್​ಫೂಲ್​ ಇರುವುದು ಆತನಿಗೆ ಗಮನವೇ ಇಲ್ಲ. ವಿಡಿಯೋ ಮಾಡ್ತಾ ಮಾಡ್ತಾ ಈಜುಕೊಳದಲ್ಲಿ ಬಿದ್ದು ಬಿಟ್ಟಿದ್ದಾನೆ.

View this post on Instagram

A post shared by Wish N Wed | Wedding Trends (@wishnwed)

ಘಟನೆ ನೋಡ್ತಾ ನೊಡ್ತಾ ಒಂದು ಕ್ಷಣ ವಧು- ವರ ಕಂಗಾಲಾಗಿದ್ದಾರೆ. ಸುತ್ತಲೂ ನಿಂತಿದ್ದ ಅತಿಥಿಗಳು ಧಂಗಾಗಿದ್ದಾರೆ. ಪಕ್ಕದಲ್ಲೇ ಇದ್ದ ಮತ್ತೋರ್ವ ಛಾಯಾಚಿತ್ರಗ್ರಾಹಕ ಕೊಳಕ್ಕೆ ಬಿದ್ದ ಕ್ಯಾಮರಾ ಮ್ಯಾನ್ಅನ್ನು ಮೇಲಕ್ಕೆತ್ತಿದ್ದಾರೆ. ನೀರಲ್ಲಿ ಬಿದ್ದ ತಕ್ಷಣ ಕ್ಯಾಮರಾ ಸುರಕ್ಷಿತವಾಗಿದೆಯೇ ಎಂದು ಒಮ್ಮೆ ನೋಡುತ್ತಾನೆ. ಕೆಲವು ಬಾರಿ ಕೆಲಸದಲ್ಲಿ ಮುಳುಗಿದ್ದಾಗ ಈಥರಹದ ಘಟನೆಗಳು ನಡೆಯುತ್ತವೆ. ಕೆಲವು ತಮಾಷೆಯಾಗಿರುವ ಘಟನೆಗಳು ಜೀವನಪೂರ್ತಿ ನೆನಪುಳಿಯುವಂತದ್ದಾಗಿರುತ್ತದೆ.

ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು … ಓಹ್ ನೋ … ಎಂಬ ಶೀರ್ಷಿಕೆಯೊಂದಿಗೆ ವಿಡಿಯೋ ಹಂಚಿಕೊಳ್ಳಲಾಗಿದೆ. ದೃಶ್ಯಕ್ಕೆ ಮ್ಯೂಸಿಕ್ ಹೊಂದಿಸಿ ಇನ್ಸ್ಟಾಗ್ರಾಂನಲ್ಲಿ ಹರಿಬಿಡಲಾಗಿದೆ.

ಇದನ್ನೂ ಓದಿ:

Viral Video: ಬೈಕ್ ಸವಾರನ ಜೊತೆ ಬಾಲಿವುಡ್ ಹಾಡಿಗೆ ಸಖತ್ತಾಗಿ ಸ್ಟೆಪ್ ಹಾಕಿದ ಪೊಲೀಸ್; ವೈರಲ್ ವಿಡಿಯೋ ಇಲ್ಲಿದೆ

Viral Video: ಕಾಮನಬಿಲ್ಲು ಬಣ್ಣದ ಹೆಬ್ಬಾವನ್ನು ಎಂದಾದರೂ ನೋಡಿದ್ದೀರಾ?

(Camera man fall in swimming pool in wedding video goes viral)

Published On - 9:50 am, Sun, 8 August 21