ಈ ಫ್ರೆಂಚ್ ಫ್ರೈಸ್ ಬೆಲೆ ಬರೋಬ್ಬರಿ 15,000 ರೂಪಾಯಿ! ಕಾರಣವೇನು? ವಿವರ ಇಲ್ಲಿದೆ

ನಾವು ಪ್ರತಿನಿತ್ಯವೂ ವಿವಿಧ ಶೈಲಿಯ, ಬಗೆಬಗೆಯ ಆಹಾರವನ್ನು ಸೇವಿಸುತ್ತಿರುತ್ತೇವೆ. ನಮ್ಮೂರಿನ, ನಮ್ಮ ಸಂಪ್ರದಾಯದ ತಿಂಡಿ ತಿನಿಸುಗಳ ಜೊತೆಗೆ, ಸೌತ್ ಇಂಡಿಯನ್ ಆಹಾರ ಎಂದು ಕರೆಯಲ್ಪಡುವ ಇತರ ಊಟ, ಉಪಾಹಾರ ಸೇವಿಸುತ್ತೇವೆ. ಅಷ್ಟೇ ಅಲ್ಲದೆ, ನಾರ್ತ್ ಇಂಡಿಯನ್, ಚೈನೀಸ್ ಫುಡ್​ಗಳ ಬಗ್ಗೆಯೂ ಆಸಕ್ತಿ ವಹಿಸಿ ಅದನ್ನು ಇಷ್ಟಪಡುವ ಜನರು ನಮ್ಮ ನಡುವೆ ಬಹಳಷ್ಟು ಮಂದಿ ಇದ್ದಾರೆ. ದಕ್ಷಿಣ ಭಾರತೀಯ ಶೈಲಿಯ ತಿನಿಸುಗಳಿಗೆ ಹೋಲಿಸಿದರೆ ಉತ್ತರ ಭಾರತೀಯ ಅಥವಾ ಚೈನೀಸ್ ತಿನಿಸುಗಳಿಗೆ ಸಾಮಾನ್ಯವಾಗಿ ಹೆಚ್ಚು ಹಣ ನಿಗದಿಯಾಗಿರುತ್ತದೆ.

ಇಲ್ಲೀಗ ತಿಂಡಿ- ತಿನಿಸು, ಸೌತ್ ಇಂಡಿಯನ್, ನಾರ್ತ್ ಇಂಡಿಯನ್, ಚೈನೀಸ್, ಅದಕ್ಕೆಷ್ಟು ಹಣ ಅನ್ನೋ ಚರ್ಚೆ ಯಾಕೆ ಅಂತೀರಾ, ಅಲ್ಲೇ ಇರೋದು ವಿಶೇಷ. ಬಹುತೇಕ ಮಂದಿ ಸಾಮಾನ್ಯವಾಗಿ ಫ್ರೆಂಚ್ ಫ್ರೈಸ್ ತಿಂದೇ ಇರುತ್ತೀರಾ. ಸುಮಾರು 40 ರೂಪಾಯಿಯಿಂದ 200 ರೂಪಾಯಿ ವರೆಗೂ ಈ ಫ್ರೆಂಚ್ ಫ್ರೈಸ್​ಗೆ ನೀವು ಕೊಟ್ಟಿರಬಹುದು. ಆದರೆ, ವಿಶ್ವದ ಅತ್ಯಂತ ದುಬಾರಿ ಫ್ರೆಂಚ್ ಫ್ರೈಸ್​ ಬಗ್ಗೆ ಇಲ್ಲಿ ಮಾಹಿತಿ ಇದೆ.

ನ್ಯೂಯಾರ್ಕ್​ನ ಈ ವಿಶೇಷ ಫ್ರೆಂಚ್ ಫ್ರೈಸ್ ಹೆಸರು ಕ್ರೀಮ್ ಡೆ ಲಾ ಕ್ರೀಮ್ ಪೊಮ್ ಫ್ರೈಸ್ ಎಂದಾಗಿದೆ. ಈ ಫ್ರೆಂಚ್ ಫ್ರೈಸ್ ಜಗತ್ತಿನ ಅತ್ಯಂತ ದುಬಾರಿ ಫ್ರೆಂಚ್ ಫ್ರೈಸ್ ಎಂದು ಹೆಸರು ಪಡೆದಿದೆ. ಆಲೂಗಡ್ಡೆ ಹಾಗೂ ಇನ್ನಿತರ ಪದಾರ್ಥಗಳೊಂದಿಗೆ ತಯಾರಿಸಲ್ಪಟ್ಟ ಈ ಫ್ರೈಸ್ ಬೆಲೆ ಬರೋಬ್ಬರಿ 200 ಡಾಲರ್. ಅಂದರೆ, ಸುಮಾರು 15,000 ರೂಪಾಯಿಗಳು!

ಈ ಬಗ್ಗೆ ನ್ಯೂಯಾರ್ಕ್​ನ ರೆಸ್ಟೋರೆಂಟ್ ಮಾಹಿತಿ ಹಂಚಿಕೊಂಡಿದೆ. ಚೆಫ್ ಜೋಯ್ ಹಾಗೂ ಚೆಫ್ ಫ್ರೆಡ್ಡಿ ಈ ಫ್ರೆಂಚ್ ಫ್ರೈಸ್ ತಯಾರಿಸುವ ಮೂಲಕ, ಗಿನ್ನೆಸ್ ವಿಶ್ವದಾಖಲೆ ಮಾಡಿದ್ದಾರೆ. ಜಗತ್ತಿನ ಅತ್ಯಂತ ದುಬಾರಿ ಫ್ರೆಂಚ್ ಫ್ರೈಸ್ ಎಂಬ ದಾಖಲೆ ಮಾಡಿದ್ದಾರೆ ಎಂದು ಹೇಳಿದೆ.

View this post on Instagram

A post shared by Serendipity 3 (@serendipity3nyc)

ಈ ದುಬಾರಿ ಫ್ರೆಂಚ್ ಫ್ರೈಸ್​ಗೆ ಅಷ್ಟೊಂದು ಬೆಲೆ ನಿಗದಿಯಾಗಲು ಕಾರಣವೇನು ಗೊತ್ತಾ? ಫ್ರೆಂಚ್ ಫ್ರೈಸ್​ಗೆ ಬಲಸುವ ಸಾಮಾನ್ಯ ಹಾಗೂ ವಿಶೇಷ ಪದಾರ್ಥಗಳ ಜೊತೆಗೆ 23 ಕ್ಯಾರೇಟ್ ಎಡಿಬಲ್ ಚಿನ್ನದ ಧೂಳನ್ನು (ಗೋಲ್ಡ್ ಡಸ್ಟ್) ಕೂಡ ಈ ಫ್ರೆಂಚ್ ಫ್ರೈಸ್ ಮೇಲೆ ಉದುರಿಸಲಾಗಿದೆ. ನ್ಯೂಯಾರ್ಕ್​ನ ಹೊಟೇಲ್ ತನ್ನ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ದುಬಾರಿ ಫ್ರೆಂಚ್ ಫ್ರೈಸ್​ನ ಫೋಟೊಗಳನ್ನು ಕೂಡ ಹಂಚಿಕೊಂಡಿದೆ.

ಇದನ್ನೂ ಓದಿ: ಕ್ರಿಮಿನಲ್​ಗೆ ಕೇಕ್ ತಿನ್ನಿಸಿದ ಮುಂಬೈ ಪೊಲೀಸ್ ಇನ್ಸ್​ಪೆಕ್ಟರ್​​; ವಿಡಿಯೋದಲ್ಲಿ ದೃಶ್ಯ ಸೆರೆ, ತನಿಖೆಗೆ ಆದೇಶ

Viral Video: ಜೋಕಾಲಿ ಆಡ್ತಾ ಆಡ್ತಾ ಬಂಡೆ ಅಂಚಿನಿಂದ ಬಿದ್ದ ಯುವತಿಯರು; ಭಯಾನಕ ದೃಶ್ಯದ ವಿಡಿಯೋ ವೈರಲ್