‘ಬಹಳ ಚೆಂದ ಮೇಕಪ್ ಮಾಡಿದ್ದೀಯಾ’ ಕಲಾವಿದೆಗೆ ಮುದ್ದಿಸಿದ ಅಜ್ಜಿಯ ವಿಡಿಯೋ ವೈರಲ್
Make up : ಈ ಅಜ್ಜಿಯ ಜೀವನೋತ್ಸಾಹ ನೋಡಿ. ಯಾರದೋ ಮದುವೆಗೆ ತಯಾರಾಗಿ ಹೊರಟಿದ್ದಾರೆ. ಅದಕ್ಕೂ ಮುನ್ನ ಮೇಕಪ್ ಮಾಡಿಸಿಕೊಂಡಿದ್ದಾರೆ. ಭಲೇ ಖುಷಿಯಾಗಿದ್ದಾರೆ ತಮ್ಮನ್ನು ತಾವು ಕನ್ನಡಿಯಲ್ಲಿ ನೋಡಿಕೊಂಡು.
Viral Video : ಯಾರಿಗೇ ಆಗಲಿ ತಾನು ಸುಂದರವಾಗಿ ಕಾಣಬೇಕೆಂಬ ಬಯಕೆ ಸಹಜವಲ್ಲವೆ? ಅಂತರಂಗವೇ ಬಹಿರಂಗದ ಪ್ರತಿಫಲನ ಎನ್ನುತ್ತೇವೆ. ನಿಜ ಅದೇ ಮಹತ್ವದ್ದು. ಆ ಅಂತರಂಗ ಶುದ್ಧಿಯಾಗಿದ್ದಾಗಲೇ ಪರರ ಶ್ರದ್ಧೆ, ಶ್ರಮವನ್ನು ಮೆಚ್ಚುವಂಥ ಔದಾರ್ಯ ಹೊಮ್ಮುತ್ತದೆ. ಈಗ ವೈರಲ್ ಆಗುತ್ತಿರುವ ಈ ವಿಡಿಯೋ ಅನ್ನು ಈತನಕ 1.7 ಮಿಲಿಯನ್ ಜನ ನೋಡಿದ್ದಾರೆ. ಈ ವಯಸ್ಸಾದ ಅಜ್ಜಿಗೆ ಮೇಕಅಪ್ ಆರ್ಟಿಸ್ಟ್ ಮೇಕಪ್ ಮಾಡುತ್ತಾರೆ. ಖುಷಿಗೊಂಡ ಅಜ್ಜಿ ಆರ್ಟಿಸ್ಟ್ಗೆ ಮುದ್ದಿಸುತ್ತಾರೆ.
View this post on Instagram
ಅಜ್ಜಿ ತನ್ನಿಷ್ಟದಂತೆ ಅಲಂಕರಿಸಿಕೊಂಡು ಯಾವುದೋ ಪಾರ್ಟಿ ಅಥವಾ ಮದುವೆಗೆ ತಯಾರಾಗಿ ಹೊರಟಿರುವಂತೆ ಕಾಣುತ್ತಿದೆ. ಅದಕ್ಕೂ ಮುನ್ನ ಹೀಗೆ ಮೇಕಪ್ ಮಾಡಿಸಿಕೊಳ್ಳಬೇಕು ಎನ್ನಿಸಿದೆ. ತಮ್ಮನ್ನು ತಾವೇ ಕನ್ನಡಿಯಲ್ಲಿ ನೋಡಿಕೊಂಡ ಅಜ್ಜಿಗೆ ಭಲೇ ಖುಷಿಯಾಗಿದೆ. ಆರ್ಟಿಸ್ಟ್ನ ಕೆನ್ನೆ ಹಿಡಿದು ಮುದ್ದಿಸಿಯೇ ಬಿಟ್ಟಿದ್ಧಾರೆ! ಮೇಕಪ್ ಆರ್ಟಿಸ್ಟ್ ಜಾಸ್ಮೀನ್ ಕೌರ್ ಇವರಿಗೆ ಸಹಾಯ ಮಾಡಿದ್ಧಾರೆ. ನಂತರ ಜಾಸ್ಮೀನ್ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಈ ವಿಡಿಯೋ ಹಂಚಿಕೊಂಡಿದ್ದಾರೆ.
ಈ ಅಜ್ಜಿಯ ಜೀವನೋತ್ಸಾಹವನ್ನು ನೆಟ್ಟಿಗರು ಕೊಂಡಾಡುತ್ತಿದ್ದಾರೆ. ನನಗೂ ಇಂಥ ಮುದ್ದಾದ ಲವಲವಿಕೆಯ ಅಜ್ಜಿ ಇರಬೇಕಿತ್ತು ಅನ್ನಿಸುತ್ತಿದೆ ಎಂದಿದ್ದಾರೆ ಒಬ್ಬರು. ಈ ವಯಸ್ಸಿನಲ್ಲಿಯೂ ಅಷ್ಟು ಮಜಬೂತಾದ ಲೆಹೆಂಗಾ ತೊಟ್ಟಿರುವುದು ನೋಡಿ ಎಂದಿದ್ದಾರೆ ಕೆಲವರು. ಹೀಗಿರಬೇಕು ಅಜ್ಜಿ ಎಂದರೆ ಎಂದಿದ್ದಾರೆ ಹಲವರು.
ಈ ವಿಡಿಯೋ ನೋಡಿದ ನಿಮಗೆ ಏನು ಅನ್ನಿಸುತ್ತಿದೆ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
