Viral Video : ಚಲಿಸುತ್ತಿರುವ ರೈಲಿನ ಬೆನ್ನುಹತ್ತಿದ ಡಂಝೋ ಡೆಲಿವರಿ ಏಜೆಂಟ್, ಡಿಡಿಎಲ್​ಜೆ ಭಾಗ 2 ಎಂದ ನೆಟ್ಟಿಗರು

Dunzo : ‘ಪುಷ್ಪಾ ಝುಕೇಗಾ ನಹೀಂ, ಡಂಝೋ ರುಕೇಗಾ ನಹೀಂ’ ಶೀರ್ಷಿಕೆಯಡಿ ವೈರಲ್ ಭಯಾನಿ ಎಂಬ ಇನ್​ಸ್ಟಾಗ್ರಾಂ ಪುಟದಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. 1.2 ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ದಾರೆ.

Viral Video : ಚಲಿಸುತ್ತಿರುವ ರೈಲಿನ ಬೆನ್ನುಹತ್ತಿದ ಡಂಝೋ ಡೆಲಿವರಿ ಏಜೆಂಟ್, ಡಿಡಿಎಲ್​ಜೆ ಭಾಗ 2 ಎಂದ ನೆಟ್ಟಿಗರು
ಚಲಿಸುತ್ತಿರುವ ರೈಲಿನೊಂದಿಗೆ ಓಡಿದ ಡೆಲಿವರಿ ಏಜೆಂಟ್
TV9kannada Web Team

| Edited By: ಶ್ರೀದೇವಿ ಕಳಸದ | Shridevi Kalasad

Sep 16, 2022 | 3:54 PM

Viral Video : ಆನ್​ಲೈನ್​ ಶಾಪಿಂಗ್​ನಿಂದ ಬಹಳಷ್ಟು ಜನರಿಗೆ ಅನುಕೂಲವಾಗಿದೆ. ಡಂಝೋನಂತಹ ಅಪ್ಲಿಕೇಶನ್​ಗಳಿಂದಾಗಿ ಮಹಾನಗರವಾಸಿಗಳಿಗೆ ಮನೆಬಾಗಿಲಿಗೇ ದಿನಸಿ ಮತ್ತು ಇತರೇ ಅತ್ಯಗತ್ಯ ವಸ್ತುಗಳು ತ್ವರಿತ ಗತಿಯಲ್ಲಿ ತಲುಪುತ್ತಿರುವುದರಿಂದ ಸಮಯದ ಉಳಿತಾಯವಾಗುತ್ತಿದೆ. ಶ್ರಮವೂ ಕಡಿಮೆಯಾಗುತ್ತಿದೆ. ಇಲ್ಲಿರುವ ವಿಡಿಯೋ ಗಮನಿಸಿ. ರೈಲಿನಲ್ಲಿದ್ದ ಮಹಿಳೆಗೆ ಆರ್ಡರ್​ ಮಾಡಿದ ಸಾಮಾನನ್ನು ತಲುಪಿಸಲು ಡಂಝೋ ಡೆಲಿವರಿ ರೈಲ್ವೇ ಸ್ಟೇಷನ್​ಗೆ ಬರುತ್ತಾರೆ. ಅಷ್ಟರಲ್ಲಿ ರೈಲು ಚಲಿಸಿಬಿಡುತ್ತದೆ. ಆಗ ಸುಮ್ಮನೆ ನಿಲ್ಲುವ ಬದಲು, ಏಜೆಂಟ್ ಓಡಲು ಶುರುಮಾಡುತ್ತಾರೆ. ಈ ದೃಶ್ಯವನ್ನು ಡಿಡಿಎಲ್​ಜೆ ಭಾಗ 2 ಎಂದು ಕರೆದಿದ್ದಾರೆ ನೆಟ್ಟಿಗರು.

‘ಪುಷ್ಪಾ ಝುಕೇಗಾ ನಹೀಂ, ಡಂಝೋ ರುಕೇಗಾ ನಹೀಂ’ ಶೀರ್ಷಿಕೆಯಡಿ ವೈರಲ್ ಭಯಾನಿ ಎಂಬ ಇನ್​ಸ್ಟಾಗ್ರಾಂ ಪುಟದಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈತನಕ ಸುಮಾರು 1.2 ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ದಾರೆ. 70,000ಕ್ಕೂ ಹೆಚ್ಚು ಜನರು ಇದನ್ನು ಇಷ್ಟಪಟ್ಟಿದ್ದಾರೆ.

ಆರ್ಡರ್ ಮಾಡಿದ ವಸ್ತು ಪಡೆಯುತ್ತಿದ್ದಂತೆ ಈ ಮಹಿಳೆ ಖುಷಿಯಿಂದ ಕೈಬೀಸಿ ಧನ್ಯವಾದ ತಿಳಿಸುತ್ತಾಳೆ. ಈ ರೀಲಿಗೆ ‘ತುಜೆ ದೇಖಾ ತೋ ಯೇ ಜಾನಾ ಸನಮ್’ ಹಾಡು ಅಳವಡಿಸಲಾಗಿದೆ. ನೆಟ್ಟಿಗರು ಈ ದೃಶ್ಯವನ್ನು ನೋಡಿ, ಇದು ಡಿಡಿಎಲ್​ಜೆ ಭಾಗ 2 ಎಂದಿದ್ದಾರೆ.

ಈ ದೃಶ್ಯವನ್ನು ನಾನು ಬಹುವಾಗಿ ಮೆಚ್ಚಿದ್ದೇನೆ ಎಂದು ಒಬ್ಬರು ಪ್ರತಿಕ್ರಿಯಿಸಿದ್ದಾರೆ. ಇನ್ನೊಬ್ಬರು, ಹೀಗೆಲ್ಲ ಮಾಡುವ ಇವರು ಪ್ರಚಾರ ಪಡೆದುಕೊಳ್ಳಲು ಅರ್ಹರು ಎಂದು ಟೀಕಿಸಿದ್ದಾರೆ. ಮತ್ತೊಬ್ಬರು ಡಂಝೋ ಈ ವಿಡಿಯೋವನ್ನು ತನ್ನ ಜಾಹೀರಾತಿಗಾಗಿ ಉಪಯೋಗಿಸಿಕೊಳ್ಳಬಹುದು ಎಂದಿದ್ದಾರೆ. ಇದು ಮಾರ್ಕೆಟಿಂಗ್ ಸ್ಟ್ರ್ಯಾಟಜಿ ಎಂದು ಕಾಲೆಳೆದಿದ್ದಾರೆ ಮಗದೊಬ್ಬರು.

ಇದನ್ನೂ ಓದಿ

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada