Fact Check: ವೈರಲ್ ಆಗುತ್ತಿರುವ ಈ ಸುಂದರ ಪಕ್ಷಿಗಳ ವಿಡಿಯೋದ ಅಸಲಿ ಕಥೆ ಏನು?: ಇಲ್ಲಿದೆ ನೋಡಿ
ಪಕ್ಷಿಗಳ ವೈರಲ್ ವಿಡಿಯೋಗೆ ಸಂಬಂಧಿಸಿದಂತೆ ವೈರಲ್ ಆಗುತ್ತಿರುವ ಹೇಳಿಕೆ ಸುಳ್ಳು ಎಂದು ಟಿವಿ9 ಕನ್ನಡ ತನ್ನ ತನಿಖೆಯಲ್ಲಿ ಕಂಡುಹಿಡಿದಿದೆ. ವಾಸ್ತವವಾಗಿ, ವಿಡಿಯೋದಲ್ಲಿ ಕಂಡುಬರುವ ಪಕ್ಷಿಗಳು ನಿಜವಲ್ಲ, ಅವುಗಳನ್ನು AI ಅಂದರೆ ಕೃತಕ ಬುದ್ಧಿಮತ್ತೆಯ ಸಹಾಯದಿಂದ ರಚಿಸಲಾಗಿದೆ.
Updated on: Nov 24, 2024 | 5:40 PM
ಎರಡು ಸುಂದರವಾದ ವರ್ಣರಂಜಿತ ಪಕ್ಷಿಗಳು ಮರದ ಕೊಂಬೆಯ ಮೇಲೆ ಕುಳಿತಿರುವ ವೀಡಿಯೊವನ್ನು ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿದೆ. ಈ ಪಕ್ಷಿಗಳು ಅಲಂಕೃತವಾಗಿವೆ ಮತ್ತು ತಲೆಯ ಮೇಲೆ ಟೋಪಿಗಳಿವೆ. ವಿಶಿಷ್ಟ ನೋಟವನ್ನು ಹೊಂದಿರುವ ಅವುಗಳ ಗರಿಗಳ ಮೇಲೆ ಮಣಿಗಳನ್ನು ಅಲಂಕರಿಸಿರುವುದನ್ನು ನೋಡಬಹುದು. ಕೊಕ್ಕು ಮತ್ತು ಕುತ್ತಿಗೆಗೆ ಬೆಳ್ಳಿಯ ಅಲಂಕಾರಗಳಿವೆ. ಇದು ಅದ್ಭುತವಾದ ಜಪಾನೀ ಪಕ್ಷಿಗಳು ಎಂಬ ಶೀರ್ಷಿಕೆಯೊಂದಿಗೆ ಅನೇಕರು ಹಂಚಿಕೊಳ್ಳುತ್ತಿದ್ದಾರೆ.
ಫೇಸ್‌ಬುಕ್ ಬಳಕೆದಾರರೊಬ್ಬರು ನವೆಂಬರ್ 21 ರಂದು ಈ ವೈರಲ್ ವಿಡಿಯೋವನ್ನು ಹಂಚಿಕೊಂಡು, “ಪ್ರಕೃತಿಯೇ ಅವುಗಳನ್ನು ಅಲಂಕರಿಸಿದೆ, ನೀವು ಅಂತಹ ಸುಂದರವಾದ ಪಕ್ಷಿಗಳನ್ನು ನೋಡಿರಲು ಸಾಧ್ಯವಿಲ್ಲ” ಎಂದು ಬರೆದುಕೊಂಡಿದ್ದಾರೆ. ಅಂತೆಯೇ, ಇನ್ಸ್ಟಾಗ್ರಾಮ್ ಬಳಕೆದಾರರು ಸಹ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ.
Fact Check:
ಈ ಸುದ್ದಿಯ ಸತ್ಯಾಸತ್ಯತೆಯನ್ನು ಟಿವಿ9 ಕನ್ನಡ ಪರಿಶೋದಿಸಿದಾಗ ಸುಳ್ಳು ಹೇಳಿಕೆಯೊಂದಿಗೆ ಈ ವಿಡಿಯೋ ವೈರಲ್ ಆಗುತ್ತಿದೆ ಎಂಬುದು ಕಂಡುಬಂದಿದೆ. ವಾಸ್ತವವಾಗಿ, ವಿಡಿಯೋದಲ್ಲಿ ಕಂಡುಬರುವ ಪಕ್ಷಿಗಳು ನಿಜವಲ್ಲ, ಇದನ್ನು AI ಅಂದರೆ ಕೃತಕ ಬುದ್ಧಿಮತ್ತೆಯ ಸಹಾಯದಿಂದ ರಚಿಸಲಾಗಿದೆ.
ವೈರಲ್ ವಿಡಿಯೋದ ಸತ್ಯವನ್ನು ತಿಳಿಯಲು, ನಾವು ಇನ್ವಿಡ್ ಟೂಲ್ ಸಹಾಯದಿಂದ ವಿಡಿಯೋದ ಹಲವಾರು ಕೀಫ್ರೇಮ್‌ಗಳನ್ನು ಹೊರತೆಗೆದಿದ್ದೇವೆ ಮತ್ತು ಅವುಗಳನ್ನು ಗೂಗಲ್ ರಿವರ್ಸ್ ಇಮೇಜ್ ಸಹಾಯದಿಂದ ಹುಡುಕಿದ್ದೇವೆ. ಆಗ ಎಂಟರ್‌ಟೈನ್‌ಮೆಂಟ್.29 ಎಂಬ ಯೂಟ್ಯೂಬ್ ಚಾನಲ್‌ನಲ್ಲಿ ನಾವು ಈ ವಿಡಿಯೋವನ್ನು ಕಂಡುಕೊಂಡಿದ್ದೇವೆ. 14 ನವೆಂಬರ್ 2024 ರಂದು ಅಪ್ಲೋಡ್ ಮಾಡಿದ ವಿಡಿಯೋದಲ್ಲಿ, ಇದನ್ನು AI ನಿಂದ ರಚಿಸಲಾಗಿದೆ ಎಂದು ವಿವರಿಸಲಾಗಿದೆ.
ಹಾಗೆಯೆ ಹುಡುಕಾಟದ ಸಮಯದಲ್ಲಿ, Moses Ekene Obiechina ಎಂಬ ಹೆಸರಿನ ಫೇಸ್‌ಬುಕ್ ಬಳಕೆದಾರರಿಂದ ಹಂಚಿಕೊಂಡ ವಿಡಿಯೋವನ್ನು ನಾವು ಕಂಡುಕೊಂಡಿದ್ದೇವೆ. ನವೆಂಬರ್ 14, 2024 ರಂದು ಅಪ್ಲೋಡ್ ಮಾಡಿದ ವಿಡಿಯೋದ ಶೀರ್ಷಿಕೆಯು “ಈ ವೀಡಿಯೊ ನಿಜವಲ್ಲ” ಎಂದು ಹೇಳುತ್ತದೆ. ಈ ವಿಡಿಯೋವನ್ನು AI ಬಳಕೆಯಿಂದ ಮಾಡಲಾಗಿದೆ. ಇದು ದೇವರ ಸೃಷ್ಟಿ ಎಂದು ಪರಿಗಣಿಸಿ ಜನರು ಹಂಚಿಕೊಳ್ಳುತ್ತಿದ್ದಾರೆ. ಪಕ್ಷಿಗಳ ತಲೆಯ ಮೇಲೆ ಗೋಚರಿಸುವ ಛತ್ರಿ ಮತ್ತು ಗರಿಗಳನ್ನು ನೋಡಿದರೆ ಅದು ನಿಜವಲ್ಲ ಎಂದು ಸ್ಪಷ್ಟವಾಗಿ ತೋರಿಸುತ್ತದೆ ಎಂದು ಬರೆದುಕೊಂಡಿದ್ದಾರೆ.
ಹೆಚ್ಚಿನ ತನಿಖೆಗಾಗಿ, ನಾವು ವಿಡಿಯೋವನ್ನು ಹೈವ್ ಮಾಡರೇಶನ್ ಟೂಲ್‌ಗೆ ಅಪ್ಲೋಡ್ ಮಾಡಿದ್ದೇವೆ. ಇದರಲ್ಲಿ, ವಿಡಿಯೋವನ್ನು 88.3 ಪ್ರತಿಶತ AI ನಿಂದ ಮಾಡಲಾಗಿದೆ ಎಂದು ತೋರಿಸಿದೆ. ಹಾಗೆಯೆ ನಾವು ವಿಡಿಯೋಗಳ ಸ್ಕ್ರೀನ್‌ಶಾಟ್‌ಗಳನ್ನು ತೆಗೆದುಕೊಂಡು AI ಟೂಲ್ ಸೈಟ್ ಎಂಜಿನ್ ಸಹಾಯದಿಂದ ಅವುಗಳನ್ನು ಹುಡುಕಿದ್ದೇವೆ. ಲಭ್ಯವಿರುವ ಮಾಹಿತಿಯ ಪ್ರಕಾರ, ಇದು 99 ಪ್ರತಿಶತ AI ರಚಿತವಾಗಿದೆ ಎಂದು ಹೇಳಿದೆ.
ಇದನ್ನೂ ಓದಿ: ದಿನಕ್ಕೆ ಒಂದು ಲಕ್ಷ ಸಂಪಾದನೆ ಮಾಡಲು ಸುಧಾ ಮೂರ್ತಿ ಹೇಳಿದ್ದಾರೆಂಬ ವಿಡಿಯೋ ವೈರಲ್
ಹೀಗಾಗಿ ಪಕ್ಷಿಗಳ ವೈರಲ್ ವಿಡಿಯೋಗೆ ಸಂಬಂಧಿಸಿದಂತೆ ವೈರಲ್ ಆಗುತ್ತಿರುವ ಹೇಳಿಕೆ ಸುಳ್ಳು ಎಂದು ಟಿವಿ9 ಕನ್ನಡ ತನ್ನ ತನಿಖೆಯಲ್ಲಿ ಕಂಡುಹಿಡಿದಿದೆ. ವಾಸ್ತವವಾಗಿ, ವಿಡಿಯೋದಲ್ಲಿ ಕಂಡುಬರುವ ಪಕ್ಷಿಗಳು ನಿಜವಲ್ಲ, ಅವುಗಳನ್ನು AI ಅಂದರೆ ಕೃತಕ ಬುದ್ಧಿಮತ್ತೆಯ ಸಹಾಯದಿಂದ ರಚಿಸಲಾಗಿದೆ.
ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
