ಬಹಳ ಒಳ್ಳೇವ್ಳ್ ನಮ್ಮಮ್ಮ, ಕೊಡಿಸ್ತಾಳೆ ಗೋಲ್ಗಪ್ಪ, ಯಾಕೆ ಬೇಡ ಅಂತೀದಿರಿ ನೀವೆಲ್ಲ
Golgappa : ಪ್ರಾಣಿಗಳು ಮೊದಲೇ ಸೂಕ್ಷ್ಮ, ರೀಲ್ಸ್ ಮಾಡಲೆಂದೋ ನಿಮ್ಮ ಖುಷಿಗೆಂದೂ ಅವುಗಳನ್ನು ಹೀಗೆಲ್ಲ ಹಿಂಸಿಸಬೇಡಿ ಎಂದು ಬುದ್ಧಿ ಹೇಳುತ್ತಿದ್ದಾರೆ ನೆಟ್ಟಿಗರು. 8 ಲಕ್ಷ ಜನರು ಈ ವಿಡಿಯೋ ನೋಡಿದ್ದಾರೆ.
Updated on:Nov 17, 2022 | 12:22 PM
Viral Video : ಮನುಷ್ಯ ತಾನಲ್ಲದೇ ಪ್ರಾಣಿಗಳನ್ನೆಲ್ಲ ಹೀಗೆ ಭಯಂಕರವಾಗಿ ‘ರುಚಿ’ಗೆ ಕೆಡವುತ್ತಿದ್ದಾನೆ. ಇದೀಗ ವೈರಲ್ ಆಗಿರುವ ಈ ವಿಡಿಯೋದಲ್ಲಿ ಈ ನಾಯಿಯ ಪೋಷಕಿ ಗೋಲ್ಗಪ್ಪಾ ತಿನ್ನಿಸುತ್ತಿದ್ದಾಳೆ. ಆಕೆಯೂ ಖುಷಿ, ಅಂಗಡಿಯವನೂ ಖುಷಿ, ಇನ್ನು ನಾಯಿಯಂತೂ ಭಲೇ ಖುಷಿ! ಆದರೆ ನೆಟ್ಟಿಗರು? ಸಿಕ್ಕಾಪಟ್ಟೆ ಬಯ್ಯುತ್ತಿದ್ಧಾರೆ. ಇಂಥ ತಿಂಡಿತಿನಿಸುವಳೆಲ್ಲ ನಾಯಿಯ ಆರೋಗ್ಯಕ್ಕೆ ಒಳ್ಳೆಯದಲ್ಲ ಎನ್ನುತ್ತಿದ್ದಾರೆ.
View this post on Instagram
ಈಗಾಗಲೇ ಈ ವಿಡಿಯೋ 8 ಲಕ್ಷಕ್ಕೂ ಹೆಚ್ಚು ಜನರನ್ನು ಸೆಳೆಇದೆ. ಧೀರಜ್ ಛಬ್ರಾ ಎಂಬುವವರು ಇದನ್ನು ಹಂಚಿಕೊಂಡಿದ್ದಾರೆ. ಸಿಹಿ, ಹುಳಿ, ಉಪ್ಪು, ಖಾರವಿರುವ ಯಾವ ಖಾದ್ಯವೂ ಯಾರನ್ನೂ ಮರಳು ಮಾಡದೆ ಬಿಡದು. ಹಾಗೆಯೇ ಈ ನಾಯಿಯನ್ನೂ, ಅದಕ್ಕೇ ಅದು ತನ್ನ ರುಚಿಗೆ ಇದನ್ನು ಕೆಡವಿಕೊಂಡುಬಿಟ್ಟಿದೆ.
ನೆಟ್ಟಿಗರೋ ಹಿಗ್ಗಾಮುಗ್ಗಾ ಬಯ್ಯುತ್ತಿದ್ದಾರೆ. ಮಕ್ಕಳಂತೆ ನಾಯಿಗಳೆಂದರೆ. ಇಷ್ಟು ಪುಟ್ಟನಾಯಿಗೆ ಇಂಥದೆಲ್ಲ ತಿನ್ನಿಸಬೇಡಿ ಎನ್ನುತ್ತಿದ್ದಾರೆ. ನಿಮ್ಮ ಖುಷಿಗೆ ಈ ಪ್ರಾಣಿಗಳಿಗೆ ಹಿಂಸೆ ಕೊಡಬೇಡಿ ಎಂದಿದ್ದಾರೆ ಮತ್ತೊಬ್ಬರು. ರೀಲ್ಸ್ ಮಾಡಲು ನೀವು ಏನನ್ನೂ ಮಾಡಬಲ್ಲಿರಿ ಎಂದಿದ್ದಾರೆ ಮಗದೊಬ್ಬರು. ಈ ನಾಯಿ ಮೊದಲೇ ಸೂಕ್ಷ್ಮ ಸ್ವಲ್ಪ ಹುಷಾರು ಎಂದಿದ್ದಾರೆ ಹಲವರು.
ಈ ವಿಡಿಯೋ ನೋಡಿದ ನಿಮಗೆ ಏನನ್ನಿಸುತ್ತಿದೆ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 12:21 pm, Thu, 17 November 22
