ಯುವಜನರೊಂದಿಗೆ ಮತ್ತೆ ಸಂಪರ್ಕ ಸಾಧಿಸಲು ಹೊಸ Gen-Z ಅಂಚೆ ಕಚೇರಿ ಸ್ಥಾಪಿಸಿದ ಇಂಡಿಯಾ ಪೋಸ್ಟ್
ಕೇಂದ್ರ ಸರ್ಕಾರವು ಯುವಕರನ್ನು ಆಕರ್ಷಿಸಲು ಮತ್ತು ಅಂಚೆ ಸೇವೆಗಳನ್ನು ಆಧುನೀಕರಿಸಲು Gen-Z ಅಂಚೆ ಕಚೇರಿಗಳನ್ನು ಪರಿಚಯಿಸಿದೆ. ಕೇರಳ ಮತ್ತು ಆಂಧ್ರದಲ್ಲಿ ಸ್ಥಾಪಿಸಲಾದ ಈ ಕಚೇರಿಗಳು ಸೃಜನಾತ್ಮಕ ವಿನ್ಯಾಸ, ತಂತ್ರಜ್ಞಾನ ಮತ್ತು QR-ಆಧಾರಿತ ಸೇವೆಗಳನ್ನು ಒಳಗೊಂಡಿವೆ. ಇದು ವಿದ್ಯಾರ್ಥಿಗಳಿಗೆ ಸಂಶೋಧನೆ ಮತ್ತು ಅಂಚೆ ಸೇವೆಗಳನ್ನು ಸುಲಭವಾಗಿ ಬಳಸಲು ಸಹಕಾರಿ. ಯುವಜನರೊಂದಿಗೆ ಇಂಡಿಯಾ ಪೋಸ್ಟ್ ಸಂಪರ್ಕ ಸಾಧಿಸಲು ಇದು ಮಹತ್ವದ ಹೆಜ್ಜೆಯಾಗಿದೆ.
Updated on: Dec 12, 2025 | 4:13 PM
ಕೇಂದ್ರ ಸರ್ಕಾರ ಅಂಚೆ ಕಚೇರಿಗಳನ್ನು (India Post) ಉಳಿಸಲು ಹಾಗೂ ಮತ್ತೆ ಹೆಚ್ಚು ಹೆಚ್ಚು ಕಾರ್ಯನಿರ್ವಹಿಸಲು ಹೊಸ ಪ್ಲಾನ್ ಮಾಡಿದೆ. Gen Z (ಜೆನ್-ಜಿ) 1997 ರಿಂದ 2012 ರ ನಡುವೆ ಜನಿಸಿದ ತಲೆಮಾರಿಗಾಗಿ ಹೊಸ ಯೋಜನೆಯೊಂದನ್ನು ಅಂಚೆ ಕಚೇರಿ ಮೂಲಕ ಪರಿಚಯಿಸಿದೆ. ಡಿಸೆಂಬರ್ 9 ರಂದು ಇಂಡಿಯಾ ಪೋಸ್ಟ್ ಎರಡು ಆಧುನಿಕ ಮತ್ತು ವಿದ್ಯಾರ್ಥಿ ಕೇಂದ್ರಿತ Gen-Z ಅಂಚೆ ಕಚೇರಿಗಳನ್ನು ಸ್ಥಾಪಿಸಿದೆ. ಒಂದನ್ನು ಕೇರಳದ ಕೊಟ್ಟಾಯಂನ CMS ಕಾಲೇಜು, ಮತ್ತೊಂದು ವಿಶಾಖಪಟ್ಟಣಂನ ಆಂಧ್ರ ವಿಶ್ವವಿದ್ಯಾಲಯದಲ್ಲಿ ಸ್ಥಾಪಿಸಲಾಯಿತು. ಈ ಹೊಸ ಅಂಚೆ ಕಚೇರಿಗಳ ವಿನ್ಯಾಸಗಳು ಸೃಜನಶೀಲತೆ ಮತ್ತು ತಂತ್ರಜ್ಞಾನದಿಂದ ಕೂಡಿದೆ. Gen-Z ಆಧಾರಿತ ಅಂಚೆ ಕಚೇರಿಗಳು ಇಂದಿನ ಮಕ್ಕಳಿಗೆ ತುಂಬಾ ಅಗತ್ಯವಾಗಿದೆ. ಇದು ವಿದ್ಯಾರ್ಥಿಗಳಿಗೆ ಹೆಚ್ಚು ಸಂಶೋಧನೆ ಮಾಡಲು ಸಹಾಯ ಮಾಡುತ್ತದೆ.
ಕೇರಳದ ಕೊಟ್ಟಾಯಂನಲ್ಲಿರುವ ಸಿಎಮ್ಎಸ್ ಕಾಲೇಜಿನಲ್ಲಿ ಎರಡು ಆಧುನಿಕ ಶೈಲಿಯ ಜೆನ್-ಝಡ್-ವಿಷಯದ ಅಂಚೆ ಕಚೇರಿಗಳನ್ನು ತೆರೆಯಲಾಗಿದೆ. ಇನ್ನೊಂದು ಆಂಧ್ರಪ್ರದೇಶದ ವಿಶಾಖಪಟ್ಟಣದಲ್ಲಿರುವ ಆಂಧ್ರ ವಿಶ್ವವಿದ್ಯಾಲಯದಲ್ಲಿ. ಮೊದಲ Gen-Z ಅಂಚೆ ಕಚೇರಿಯನ್ನು ಐಐಟಿ ದೆಹಲಿಯಲ್ಲಿ ತೆರೆಯಲಾಗಿದೆ. ಇದು ಅಂಚೆ ಸೇವೆಗಳಿಗೆ ಆಧುನಿಕ ಸ್ಪರ್ಶವನ್ನು ತರುವ ಪ್ರಯತ್ನದ ಭಾಗವಾಗಿದೆ. ಕೇರಳ ಹಾಗೂ ಆಂಧ್ರದಲ್ಲಿರುವ ಎರಡು Gen-Z ಅಂಚೆ ವಿಶಿಷ್ಟವಾದ ಆಧುನಿಕ ಒಳಾಂಗಣಗಳನ್ನು ಹೊಂದಿವೆ. ಉತ್ತಮ ತಂತ್ರಜ್ಞಾನಗಳನ್ನು ಬಳಸಲಾಗಿದೆ. ಜತೆಗೆ ಯುವಕರಿಗೆ ವಿಶ್ರಾಂತಿ ವಾತಾವರಣವನ್ನು ನೀಡುತ್ತವೆ. ಇನ್ನು ಕೇರಳದಲ್ಲಿ ಅಂಚೆ ಕಚೇರಿ ಸ್ಥಳವನ್ನು ವಿದ್ಯಾರ್ಥಿಗಳು ಸ್ವತಃ ಇಂಡಿಯಾ ಪೋಸ್ಟ್ ಸಹಯೋಗದೊಂದಿಗೆ ವಿನ್ಯಾಸಗೊಳಿಸಿದ್ದಾರೆ.
ಇದನ್ನೂ ಓದಿ: ಇಂಥಾ ಸುಗಂಧ ದ್ರವ್ಯ ನೋಡಿರಲು ಸಾಧ್ಯವೆ ಇಲ್ಲ, ಇದರ ಬೆಲೆ ಕೇಳಿದ್ರೆ ಶಾಕ್ ಆಗ್ತೀರ
ಎಕ್ಸ್ ಪೋಸ್ಟ್ ಇಲ್ಲಿದೆ ನೋಡಿ:
When Gen Z design their own @IndiaPostOffice in the ‘City of Letters’, this is how it turns out…refreshing, creative & rooted in tradition.
The Gen Z extension counter in Kerala’s CMS College, Kottayam brings together creativity, sustainability & modern service delivery in a… pic.twitter.com/WYMwuMyFZz
— Jyotiraditya M. Scindia (@JM_Scindia) December 8, 2025
ಇದು QR-ಆಧಾರಿತವಾಗಿದ್ದು, ‘ಮೈ ಸ್ಟಾಂಪ್’ ಮುದ್ರಕವನ್ನು ಹೊಂದಿದೆ. ಅಂಚೆ ಕಚೇರಿಗಳನ್ನು ಹೆಚ್ಚು ಬಳಸಲು ಹಾಗೂ ಇಂಡಿಯಾ ಪೋಸ್ಟ್ ಭಾರತದ ಯುವಜನರೊಂದಿಗೆ ಮತ್ತೆ ಸಂಪರ್ಕ ಸಾಧಿಸಲು ಈ ಪ್ರಯತ್ನವನ್ನು ಮಾಡಿದೆ. ಯುವಕ -ಯುವತಿಯರನ್ನು ಹೆಚ್ಚು ಹೆಚ್ಚು ಆಕರ್ಷಣೆ ಮಾಡಲು ಸರ್ಕಾರ ಈ ಹೊಸ ಪ್ಲಾನ್ ಮಾಡಿದೆ. ಹೊಸ ಕಚೇರಿಗಳು ಅಂಚೆ ಸೇವೆಗಳನ್ನು ವಿದ್ಯಾರ್ಥಿಗಳಿಗೆ ಹೆಚ್ಚು ಸುಲಭವಾಗಿ ಮತ್ತು ಆರಾಮದಾಯಕವಾಗಿಸಿವೆ.
ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
