Goldfish: ಗೋಲ್ಡ್​ ಫಿಶ್​ಗಳಿಗೆ ವಾಹನ ಚಲಾಯಿಸುವ ತರಬೇತಿ ನೀಡಿದ ವಿಜ್ಞಾನಿಗಳು

Goldfish: ಗೋಲ್ಡ್​ ಫಿಶ್​ಗಳಿಗೆ ವಾಹನ ಚಲಾಯಿಸುವ ತರಬೇತಿ ನೀಡಿದ ವಿಜ್ಞಾನಿಗಳು
ಗೋಲ್ಡ್​ ಫಿಶ್​

6 ಗೋಲ್ಡ್​ ಫೀಶ್​ಗಳಿಗೆ  ವಾಹನ ಚಲಾಯಿಸುವ ತರಬೇತಿ ನೀಡಿದ್ದಾರೆ.  ಮೀನುಗಳು ವಾಹನವನ್ನು ಚಲಾಯಿಸುವ ವೀಡಿಯೋವನ್ನು ವಿಜ್ಞಾನಿಗಳ ತಂಡ ಹಂಚಿಕೊಂಡಿದ್ದು ಜಗತ್ತಿನಾದ್ಯಂತ ನೆಟ್ಟಿಗರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.

TV9kannada Web Team

| Edited By: Pavitra Bhat Jigalemane

Jan 07, 2022 | 12:09 PM

ಇಸ್ರೆಲ್​ನ ವಿಜ್ಞಾನಿಗಳ ತಂಡವು ಗೋಲ್ಡ್​ ಫಿಶ್​ಗೆ ವಾಹನ ಚಲಾಯಿಸುವ ತರಬೇತಿ ನೀಡಿದ್ದಾರೆ.  ಬೆನ್ ಗುರಿಯನ್​ ವಿಶ್ವವಿದ್ಯಾಲಯದ ವಿಜ್ಞಾನಿಗಳ ತಂಡವು ಕೋಣೆಯ ಒಳಗೆ ಫಿಶ್​ ಆಪರೇಟೆಡ್​ ವೆಹಿಕಲ್​ ಅನ್ನು ನಿರ್ಮಿಸಿದ್ದು ಅದನ್ನು ಚಲಾಯಿಸಲು ಗೋಲ್ಡ್​ ಫಿಶ್​ಗೆ ತರಬೇತಿ ನೀಡಿದ್ದಾರೆ. ಒಟ್ಟು 6 ಗೋಲ್ಡ್​ ಫೀಶ್​ಗಳಿಗೆ  ವಾಹನ ಚಲಾಯಿಸುವ ತರಬೇತಿ ನೀಡಿದ್ದಾರೆ.  ಮೀನುಗಳು ವಾಹನವನ್ನು ಚಲಾಯಿಸುವ ವೀಡಿಯೋವನ್ನು ವಿಜ್ಞಾನಿಗಳ ತಂಡ ಹಂಚಿಕೊಂಡಿದ್ದು ಜಗತ್ತಿನಾದ್ಯಂತ ನೆಟ್ಟಿಗರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.

ವಿಜ್ಞಾನಿಗಳು ಬಿಹೇವಿಯರಲ್​ ಬ್ರೈನ್​ ರಿಸರ್ಚ್​ ಜರ್ನಲ್​ನಲ್ಲಿ ಮೀನುಗಳು ಕೂಡ ವಾಹನವನ್ನು ನಿಯಂತ್ರಿಸುವುದನ್ನು ಕಲಿಯಬಹುದು ಎನ್ನುವ ಬಗ್ಗೆ ನಡೆಸಿದ ಸಂಶೋಧನೆಯ ವರದಿಯನ್ನು ಪ್ರಕಟಿಸಿದ್ದಾರೆ. ಮೀನು ವಾಹನ ಚಲಾಯಿಸುತ್ತಿರುವ ವಿಡಿಯೋದಲ್ಲಿ  ಮೋಟಾರ್​ ಅಳವಡಿಸಿದ ನಾಲ್ಕು ಚಕ್ರದ ವಾಹನವನ್ನು ಕಾಣಬಹುದು, ಚಕ್ರದ ಮೇಲೆ ಗ್ಲಾಸ್​ನ ಟ್ಯಾಂಕನ್ನು ನಿಲ್ಲಿಸಿದ್ದಾರೆ. ಅದರಲ್ಲಿ ನೀರನ್ನು ಹಾಕಲಾಗಿದೆ. ನೀರಿನೊಳಗೆ  ಗೋಲ್ಡ್​ ಫೀಶ್​ಗಳನ್ನು ಬಿಡಲಾಗಿದೆ. ಅದರಲ್ಲಿರುವ ಮೀನುಗಳು ತಮ್ಮ ಬಾಯಿಯ ಮೂಲಕ ಗ್ಲಾಸ್​ ಟ್ಯಾಂಕ್​​ಅನ್ನು ಮುಟ್ಟುತ್ತವೆ. ಆಗ ವಾಹನವು ಚಲಿಸುತ್ತದೆ.

ಮೀನುಗಳ ಚಲನೆಯನ್ನು ಪತ್ತೆಹಚ್ಚಲು ಕ್ಯಾಮರವಾವನ್ನು ಅಳವಡಿಸಲಾಗಿದೆ. ಮೀನುಗಳು ಮೂರರಿಂದ ನಾಲ್ಕು  ಮೀಟರ್​ ಕೋಣೆಯಲ್ಲಿ ನ್ಯಾವಿಗೇಟ್​ ಮಾಡುವುದನ್ನು ಮೊದಲು ಕಲಿತಿವೆ. ನಂತರ ಕೆಲವು ದಿನಗಳ ತರಬೇತಿಯ ಬಳಿಕ ಮೀನುಗಳು ಯಶಸ್ವಿಯಾಗಿ ವಾಹನವನ್ನು ಸರಿಯಾದ ಮಾರ್ಗದಲ್ಲಿ ಚಲಾಯಿಸುವುದನ್ನು ಕಲಿತಿವೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ. ಸದ್ಯ ಗೋಲ್ಡ್​ ಫೀಶ್​ಗಳ ವಾಹನ ಚಲಾವಣೆಯನ್ನು ಕಂಡು ನೆಟ್ಟಿಗರು ಬೆರಗಾಗಿದ್ದಾರೆ.

ಇದನ್ನೂ ಓದಿ:

ಪುಷ್ಪ ಚಿತ್ರದ ‘ಓ ಅಂಟಾವಾ’ ಹಾಡಿಗೆ ಸಖತ್​ ಸ್ಟೆಪ್​ ಹಾಕಿದ ಡ್ಯಾನ್ಸಿಂಗ್​ ಡ್ಯಾಡ್​: ವಿಡಿಯೋ ವೈರಲ್​

Follow us on

Most Read Stories

Click on your DTH Provider to Add TV9 Kannada