Viral Video: ‘ಜಪಾನಿನ ಸುಶಿ’; ಅನ್ನ ಬೇಳೆಯನ್ನು ದಯವಿಟ್ಟು ಅವಮಾನಿಸಬೇಡಿ ಎನ್ನುತ್ತಿರುವ ನೆಟ್ಟಿಗರು

Japan : ಉತ್ತರ ಕರ್ನಾಟಕದ ಕಡೆ ಹೋದರೆ ಇದು ಅನ್ನ ಬೇಳೆ. ಉತ್ತರ ಭಾರತದ ಕಡೆ ಹೋದರೆ ಇದು ದಾಲ್​ ಚಾವಲ್​ (Dal Chawal) ಬೆಂಗಳೂರಿನಲ್ಲಿ ರೈಸ್​ ದಾಲ್​ (Rice Dal)! ಉಳಿದ ಯಾವ ಪದಾರ್ಥವೂ ಇಲ್ಲದಿದ್ದರೆ ನಡೆಯುತ್ತದೆ. ಊಟಕ್ಕೆ ಈ ಸರಳ ಮತ್ತು ಪೌಷ್ಠಿಕವಾದ ಖಾದ್ಯ ಮಾತ್ರ ಇರಲೇಬೇಕು. ಇದೀಗ ಇದು ಅಂತರ್ಜಾಲದಲ್ಲಿ ಸದ್ದು ಮಾಡುತ್ತಿದೆ. ಅನ್ನದಿಂದ ಮಾಡುವ ಸುಶಿ ಎಂಬ ಜಪಾನೀ ಖಾದ್ಯದ ಬಗ್ಗೆ ನಿಮಗೆ ಗೊತ್ತಿರಬಹುದು. ಅನ್ನದ ರೋಲ್​ನಲ್ಲಿ ಮೀನುಗಳನ್ನು ಹಾಕುತ್ತಾರೆ ಇಲ್ಲವೇ ತರಕಾರಿಗಳನ್ನೂ ಹಾಕುತ್ತಾರೆ. ಆದರೆ ಇದೀಗ ವೈರಲ್ ಆಗಿರುವ ಈ ರೋಲ್​ಜೊತೆ ಬೇಳೆ ಪದಾರ್ಥವನ್ನೂ ಬಡಿಸಿದ್ದಾರೆ ಅನುಶ್ರೀ ಎಂಬ ಇನ್​ಸ್ಟಾಗ್ರಾಂ ಖಾತೆದಾರರು. ನೆಟ್ಟಿಗರಂತೂ ಸಿಟ್ಟಿಗೆದ್ದಿದ್ದಾರೆ, ಇದು ನಮ್ಮ ಅನ್ನ ಮತ್ತು ಬೇಳೆಗೆ ಮಾಡುವ ಅವಮಾನ ಎಂದು.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

View this post on Instagram

A post shared by Anushree (@anushreebhutada)

ಓಹ್ ದೇವರೇ! ಅನ್ನ ಮತ್ತು ಬೇಳೆಯಿಂದ ನಾನು ಸುಶಿ ತಯಾರಿಸಿದೆ ಎಂದು ಅನುಶ್ರೀ ವಿಡಿಯೋಗೆ ಒಕ್ಕಣೆ ಬರೆದಿದ್ದಾರೆ. ಇದಕ್ಕೆ ಉಪಯೋಗಿಸಿದ ಸಾಮಗ್ರಿಗಳ ಪಟ್ಟಿಯನ್ನೂ ನೀಡಿದ್ದಾರೆ; ಅಕ್ಕಿ, ದಾಳಿಂಬೆ ಮತ್ತು ಬೆಳ್ಳುಳ್ಳಿ ಚಟ್ನಿ, ಈರುಳ್ಳಿ ಮತ್ತು ಬೇಳೆ. ಆದರೆ ನೆಟ್ಟಿಗರು, “ದಯವಿಟ್ಟು ಅಡುಗೆಯನ್ನು ಈ ರೀತಿ ಅವಮಾನಿಸಬೇಡಿ” ಎಂದಿದ್ದಾರೆ. “ನಾನಂತೂ ಕೂತು ಅಳುತ್ತಿದ್ದೇನೆ, ದಯವಿಟ್ಟು ಹೀಗೆಲ್ಲ ಪ್ರಯೋಗ ಮಾಡಬೇಡಿ” ಎಂದು ಮತ್ತೊಬ್ಬರು.

ಇದನ್ನೂ ಓದಿ : Viral Video: ವಿಶೇಷ ಮಕ್ಕಳ ಕ್ಷೌರದಂಗಡಿ; ಮನದುಂಬಿ ಪ್ರತಿಕ್ರಿಯಿಸುತ್ತಿರುವ ಬಿಲ್ಲಿಯ ಗ್ರಾಹಕರು

ಬೇಡ ಬೇಡ ಬೇಡವೇ ಬೇಡ ಎಂದು ಅನೇಕರು ಹೇಳಿದ್ದಾರೆ. ಆಹಾ ಎಂಥಾ ವಿಶಿಷ್ಟ ಪರಿಕಲ್ಪನೆ, ನಿಮ್ಮ ಸೃಜನಶೀಲತೆಯನ್ನು ಪ್ರೀತಿಸುತ್ತಿದ್ದೇನೆ ಎಂದು ಕೆಲವರು ಮಾತ್ರ ಹೇಳಿದ್ದಾರೆ. ಈತಕ ಸುಮಾರು 2 ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ದಾರೆ. ಈ ಪ್ರಯೋಗದ ಬಗ್ಗೆ ನಿಮ್ಮ ಅನಿಸಿಕೆ ಏನು? ಇದು ಜಪಾನಿನ ಸುಶಿಯೋ ಭಾರತದ ಅನ್ನ ಬೇಳೆಯೋ?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 11:45 am, Mon, 3 July 23