Viral Video: ಮಟಮಟ ಮಧ್ಯಾಹ್ನ ಮಟನ್ ಮ್ಯಾಗೀ, ಬೆಲೆ ಕೇವಲ ರೂ. 600!
Delhi: ಬೀದಿಬದಿಯಲ್ಲಿ ಇದನ್ನು ತಿಂದವರು ಕೊಲೆಸ್ಟ್ರಾಲ್ ಚೆಕ್ ಮಾಡಿಸ್ಕೊಳ್ಳಿ ಎನ್ನುತ್ತಿದ್ದಾರೆ ನೆಟ್ಟಿಗರು. ಒಟ್ಟಾರೆ ಭಾರತೀಯ ಖಾದ್ಯಗಳನ್ನೆಲ್ಲಾ ತಮಾಷೆಯ ವಸ್ತುಗಳನ್ನಾಗಿ ಮಾಡಿದ್ದಾರೆ ಈ ಫುಡ್ ವ್ಲಾಗರ್ಗಳು ಎಂದು ಬೈಯ್ಯುತ್ತಿದ್ದಾರೆ ಅವರು.
Updated on:Jul 03, 2023 | 1:48 PM
Maggie: ಉತ್ತರಭಾರತದ ಲೇಹ್ ಲಡಾಕ್ನ ಗೂಡಂಗಡಿಗಳಿಂದ ಹಿಡಿದು ದಕ್ಷಿಣದ ಕನ್ಯಾಕುಮಾರಿಯವರೆಗೆ ಈ ಚೀನಿ ಖಾದ್ಯ ಎಲ್ಲೆಡೆಯೂ ಲಭ್ಯ. ಮುಪ್ಪಾನುಮುದುಕರಿಂದ ಹಿಡಿದು ಎಳೆಕೂಸುಗಳ ತನಕವೂ ಇದು ತನ್ನ ಆಕರ್ಷಣೆಯನ್ನು ಉಳಿಸಿಕೊಂಡಿದೆ. ಆದರೆ ಇದೀಗ ವೈರಲ್ ಆಗಿರುವ ಈ ವಿಡಿಯೋ ಅನ್ನು ಮ್ಯಾಗಿಪ್ರಿಯರಾದ ನೀವು ನೋಡಲೇಬೇಕು. ಏಕೆಂದರೆ ನಿಮ್ಮ ಮ್ಯಾಗಿಯನ್ನು ಮತ್ತೊಮ್ಮೆ ಕೊಲೆ ಮಾಡಲಾಗಿದೆ. ಈ ಬಾರಿ ದೆಹಲಿಯ ರಸ್ತೆಬದಿ ವ್ಯಾಪಾರಿಯೊಬ್ಬರು ಈ ಕೃತ್ಯದಲ್ಲಿ ಭಾಗಿಯಾಗಿದ್ದಾರೆ. ಪ್ರತೀ ಬಾರಿಯ ಸುಪಾರಿಗೆ ಕೊಡಬೇಕಾದ ಹಣ ಕೇವಲ ರೂ. 600. ಹೌದು ಶೀರ್ಷಿಕೆಯಲ್ಲಿ ಖಂಡಿತ ಒಂದು ಸೊನ್ನೆ ಜಾಸ್ತಿ ಸೇರಿಸಲಾಗಿಲ್ಲ ಮತ್ತೆ!
ಪರಾಠಾ ಮ್ಯಾಗೀ, ಪಿಝಾ ಮ್ಯಾಗೀ, ವಿಸ್ಕೀ ಮ್ಯಾಗೀಯ ನಂತರ ಇದೀಗ ಮಟನ್ ಮ್ಯಾಗೀ ಪ್ರವೇಶ. @dilsefoodie ಎಂಬ ಫುಡ್ವ್ಲಾಗರ್ (Food Vlogger) ಪುಟದಲ್ಲಿ “Maggi Apple 15 Pro Max 600 GB” ಎಂಬ ಶೀರ್ಷಿಕೆಯಡಿ ಹಂಚಿಕೊಳ್ಳಲಾಗಿದೆ. ಈ ಖಾದ್ಯವನ್ನು ತಯಾರಿಸುತ್ತಿರುವವರ ಹೆಸರು ಬಂಟಿ ಮೀಟ್ವಾಲಾ. ದೆಹಲಿಯ ಪಶ್ಚಿಮ ವಿಹಾರ್ನಲ್ಲಿ ಬೀದಿಬದಿ ವ್ಯಾಪಾರಿ. ಈ ವಿಚಿತ್ರ ಪಾಕಪ್ರಯೋಗ ನೋಡಿದ ಅನೇಕರು ಅನೇಕ ರೀತಿಯಲ್ಲಿ ಪ್ರತಿಕ್ರಿಯೆಗಳನ್ನು ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: Viral Video: ಅಣಾ ನೀನೆಷ್ಟಾರಾ ಕಣ್ಕಟ್ಟು ಬಯಲು ಮಾಡ್ಕೋ ನಾವ್ ಮಾತ್ರ ಆ ಹುಡುಗೀನೇ ನೋಡೋದು!; ಸಮೂಹ ಸನ್ನಿಗೊಳಗಾದ ನೆಟ್ಟಿಗರು
ಈ ವಿಡಿಯೋ ಅನ್ನು ಶ್ರೀಮಂತರಿಗೆ ಹಂಚಿ ಎಂದು ಇದರಲ್ಲಿ ನೋಟ್ ಬರೆಯಲಾಗಿದೆ. ಈತನಕ ಸುಮಾರು 15,000ಕ್ಕೂ ಹೆಚ್ಚು ಮಂದಿ ಈ ವಿಡಿಯೋ ನೋಡಿದ್ದಾರೆ. ಇದರಲ್ಲಿ ಮ್ಯಾಗಿ ಎಲ್ಲಿದೆಯಣ್ಣ? ಮಟನ್ ಅನ್ನು ಮಟನ್ನಂತೆ ತಿನ್ನಿ, ಮ್ಯಾಗಿಯನ್ನು ಮ್ಯಾಗಿಯಂತೆ ತಿನ್ನಿ. ಎರಡನ್ನೂ ಮಿಕ್ಸ್ ಮಾಡುವ ಅವಶ್ಯಕತೆ ಏನಿದೆ? ಎಂದಿದ್ದಾರೆ ಕೆಲವರು.
ಇದನ್ನೂ ಓದಿ : Viral Video: ಜಪಾನಿನ ಸುಶಿ; ಅನ್ನ ಬೇಳೆಯನ್ನು ದಯವಿಟ್ಟು ಅವಮಾನಿಸಬೇಡಿ ಎನ್ನುತ್ತಿರುವ ನೆಟ್ಟಿಗರು
ಬೀದಿಬದಿಯ ಈ ವಿಚಿತ್ರ ಖಾದ್ಯಕ್ಕೆ ಇಷ್ಟೊಂದು ಹಣ ಕೊಟ್ಟು ಹೈಟೆಕ್ ಆಸ್ಪತ್ರೆಗೆ ಹೋಗು ಅಂತೀರೇನು? ಎಂದಿದ್ದಾರೆ ಮತ್ತೊಬ್ಬರು. ಮ್ಯಾಗಿ ಬದಲಾಗಿ ಇದು ಅನ್ನದೊಂದಿಗೆ ರುಚಿಯಾಗಿರುತ್ತದೆ. ಹೀಗೆಲ್ಲ ಖಾದ್ಯಗಳ ಪರಿಮಳ ರುಚಿಯನ್ನು ಕುಲಗೆಡಿಬೇಡಿರೋ ಎಂದಿದ್ದಾರೆ ಅನೇಕರು.
ಇದನ್ನು ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 1:41 pm, Mon, 3 July 23
