Viral Video: ‘ಅಣಾ ನೀನೆಷ್ಟಾರಾ ಕಣ್ಕಟ್ಟು ಬಯಲು ಮಾಡ್ಕೋ ನಾವ್ ಮಾತ್ರ ಆ ಹುಡುಗೀನೇ ನೋಡೋದು!​’ ಸಮೂಹ ಸನ್ನಿಗೊಳಗಾದ ನೆಟ್ಟಿಗರು

Magic : ಓಹ್​ ಪವಾಡವೇ ನಡೆಯಿತು, ಜಾದೂ ನಡೆಯಿತು, ಅದ್ಭುತ ನಡೆಯಿತು, ಕಣ್ಣಿಂದ ನಂಬಲು ಸಾಧ್ಯವೇ ಇಲ್ಲ… ಜಾತ್ರೆಯಲ್ಲಿ, ಪ್ರದರ್ಶನದಲ್ಲಿ, ಶಾಲೆಯಲ್ಲಿ ಜಾದೂ ನೋಡಿ ಹೀಗೆ ಉದ್ಗರಿಸಿರುತ್ತೀರಿ ಅಲ್ಲವೆ? ಆದರೆ ಇದೆಲ್ಲ ಹೇಗೆ ಸಾಧ್ಯವಾಯಿತು? ಕೆಲವರಿಗೆ ತಮ್ಮ ತಲೆಯನ್ನು ಹೊಕ್ಕ ಈ ಹುಳಕ್ಕೆ ಬಹುಶಃ ಉತ್ತರಗಳು ಸಿಕ್ಕಿರಲಿಕ್ಕಿಲ್ಲ. ಆದರೆ ಈ ವಿಡಿಯೋ ನೋಡಿ ಭಾರೀ ವೈರಲ್ ಆಗುತ್ತಿದೆ. ಒಂದಿಷ್ಟು ಜಾದೂ ತಂತ್ರಗಳನ್ನು (Magic Techniques) ಇದು ಬಯಲು ಮಾಡಿದೆ. ಈತನಕ ಸುಮಾರು 5.3 ಮಿಲಿಯನ್​ ನೆಟ್ಟಿಗರು ಈ ವಿಡಿಯೋ ನೋಡಿದ್ದಾರೆ. 9,000ಕ್ಕಿಂತಲೂ ಹೆಚ್ಚು ಜನ ರೀಟ್ವೀಟ್ ಮಾಡಿದ್ದಾರೆ.

The magic has been revealed pic.twitter.com/7HdwpKbrQb

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

— Enezator (@Enezator) July 2, 2023

ಹೆಸರೇ ಹೇಳುವಂತೆ ಇದು ಕಣ್ಕಟ್ಟು ವಿದ್ಯೆ. ಅಪಾರ ಪರಿಶ್ರಮ, ಜಾಣತನ, ಚಾಕಚಕ್ಯತೆ, ಬುದ್ಧಿವಂತಿಕೆಯಿಂದ ಇದನ್ನು ಸಾಧಿಸಬೇಕಾಗುತ್ತದೆ. ಹಾಗಾಗಿ ಇದು ಕೆಲವರಿಗಷ್ಟೇ ಒಲಿಯುವ ವಿದ್ಯೆ. ನಿಮ್ಮ ಗಮನವನ್ನು ಬೇರೆಡೆ ಸೆಳೆಯುತ್ತಲೇ ಜಾದೂಗಾರರು ಜಾದೂ ಮಾಡಿಬಿಟ್ಟಿರುತ್ತಾರೆ. ನೆಟ್ಟಿಗರಂತೂ ಈ ವಿಡಿಯೋ ನೋಡಿ, ಅಬ್ಬಾ ಇಷ್ಟು ವರ್ಷಗಳ ಮೇಲಾದರು ಜಾದೂ ಹಿಂದಿನ ತಂತ್ರಗಳನ್ನು ಸ್ವತಃ ನೋಡಲು ಸಿಕ್ಕಿತಲ್ಲ! ಎಂಥ ತಯಾರಿ ಬೇಕಲ್ಲ ಇದರ ಪ್ರದರ್ಶನಕ್ಕೆ ಎಂದು ಅಚ್ಚರಿ ಪಡುತ್ತಿದ್ದಾರೆ.

ಇದನ್ನೂ ಓದಿ : Viral Video: ಜಪಾನಿನ ಸುಶಿ; ಅನ್ನ ಬೇಳೆಯನ್ನು ದಯವಿಟ್ಟು ಅವಮಾನಿಸಬೇಡಿ ಎನ್ನುತ್ತಿರುವ ನೆಟ್ಟಿಗರು

ಜಾದೂಗಾರರು ಕಣ್ಣುಮಿಟುಕಿಸುವುದರಲ್ಲಿ ತಮ್ಮ ತಂತ್ರಗಳನ್ನು ಸಾಧಿಸಿಬಿಟ್ಟಿರುತ್ತಾರೆ. ನಿಜಕ್ಕೂ ಅವರು ಮಾಂತ್ರಿಕರೇ ಎಂದಿದ್ದಾರೆ ಒಬ್ಬರು. ಯಾರನ್ನೋ ಕೊಲ್ಲಲು ಹೊರಟಿದ್ಧಾನೇನೋ ಎಂಬಂತಿದೆ ಅವನ ಹಾವಭಾವ ಎಂದಿದ್ಧಾರೆ ಇನ್ನೊಬ್ಬರು. ಆಕೆಯಂತೂ ಮುದ್ದಾಗಿದ್ದಾಳೆ ಎಂದು ಮತ್ತೊಬ್ಬರು. ಈ ಜಾದೂಗಾರನಿಗಿಂತ ನಾನು ಆ ಹುಡುಗಿಯನ್ನು ನೋಡುತ್ತಿದ್ದೇನೆ, ಆಕೆ ದೇವರ ಮಾಂತ್ರಿಕ ಸೃಷ್ಟಿ! ಎಂದಿದ್ದಾರೆ ಇನ್ನೂ ಒಬ್ಬರು. ನಾನಂತೂ ಈ ಹುಡುಗಿಯೊಂದಿಗೆ ಪ್ರೀತಿಯಲ್ಲಿ ತೇಲುತ್ತಿದ್ದೇನೆ ಎಂದು ಅನೇಕರು ಹೇಳುತ್ತಿದ್ಧಾರೆ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 12:30 pm, Mon, 3 July 23