ಕ್ಯಾನ್ಸರ್ನೊಂದಿಗೆ ಹೋರಾಡುತ್ತಿರುವ ಈ ಪುಟ್ಟಮಗು ಗ್ರ್ಯಾಮಿ ಪುರಸ್ಕೃತ ಗಾಯಕರನ್ನು ಭೇಟಿಯಾದಾಗ
Cancer : ಕ್ಯಾನ್ಸರ್ಗೆ ಒಳಗಾದ ಈ ಪುಟ್ಟಹೆಣ್ಣುಮಗು ತನ್ನ ನೆಚ್ಚಿನ ಗಾಯಕರ ನಾಯಿಗೂ ಗಿಫ್ಟ್ ತೆಗೆದುಕೊಂಡು ಹೋಗಿತ್ತು. ಹೃದಯ ಬೆಚ್ಚಗಾಗಿರುವ ಈ ವಿಡಿಯೋ ನೋಡಿ.
Updated on:Oct 07, 2022 | 3:03 PM
Viral Video : ಒಂದು ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗೆ ಒಳಪಟ್ಟ ಈ ವಿಡಿಯೋದಲ್ಲಿ ಅಂಥದ್ದೇನಿದೆ ಎಂಬ ಕುತೂಹಲ ಉಂಟಾಗುತ್ತಿದೆಯಾ? ಇನ್ಸ್ಟಾಗ್ರಾಮ್ನ ಮ್ಯಾಜಿಕಲಿ ನ್ಯೂಸ್ ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ನೆಟ್ಟಿಗರು ಈ ಹೃದಯಸ್ಪರ್ಶಿ ವಿಡಿಯೋ ನೋಡಿ ಮಮ್ಮಲ ಮರಗುತ್ತಿದ್ದಾರೆ. ಕಾರಣ, ಈ ಪುಟ್ಟ ಹೆಣ್ಣುಮಗು ಕ್ಯಾನ್ಸರ್ನೊಂದಿಗೆ ನಿತ್ಯವೂ ಹೋರಾಡುತ್ತಿದೆ. ತಂದೆತಾಯಿಗಳು ಅವಳ ಇಷ್ಟಗಳನ್ನು ಪೂರೈಸುತ್ತ ಅವಳನ್ನು ಖುಷಿಯಾಗಿಡಲು ಪ್ರಯತ್ನಿಸುತ್ತಿದ್ದಾರೆ. ಕಳೆದ ವಾರಾಂತ್ಯದಲ್ಲಿ ತನ್ನ ನೆಚ್ಚಿನ ಗ್ರ್ಯಾಮಿ ಪುರಸ್ಕೃತ ಗಾಯಕರೊಬ್ಬರನ್ನು ಈ ಮಗು ಭೇಟಿಯಾಗಿತ್ತು. ಈ ಸಂದರ್ಭದಲ್ಲಿ ಚಿತ್ರೀಕರಿಸಲಾದ ವಿಡಿಯೋ ಇದೀಗ ವೈರಲ್ ಆಗಿದೆ.
View this post on Instagram
ತನ್ನ ತಾಯಿಯೊಂದಿಗೆ ತನ್ನ ನೆಚ್ಚಿನ ಗಾಯಕರ ಮನೆಗೆ ಬರುತ್ತಾಳೆ ಈ ಬಾಲಕಿ. ಬರುವಾಗ ಒಂದಿಷ್ಟು ಉಡುಗೊರೆಗಳನ್ನೂ ಹಿಡಿದುಕೊಂಡು ಬರುತ್ತಾಳೆ. ಅವುಗಳಲ್ಲಿ ಗಾಯಕರ ಮುದ್ದಾದ ನಾಯಿ ಸೀಸರ್ಗೂ ಕೆಲ ಉಡುಗೊರೆಗಳಿರುತ್ತವೆ. ಈ ಉಡುಗೊರೆಗಳನ್ನು ಗಾಯಕರಿಗೆ ಕೊಟ್ಟಾಗ ಅಚ್ಚರಿಯಿಂದ ಸ್ವೀಕರಿಸುತ್ತಾರೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಅವಳು ಚೇತರಿಸಿಕೊಳ್ಳಲೆಂದು ಪ್ರಾರ್ಥಿಸುತ್ತ ಹಾರೈಸುತ್ತಿದ್ದಾರೆ.
ಈ ಮಗು ಒಳ್ಳೆಯ ಹೃದಯವನ್ನು ಹೊಂದಿದೆ ಇಂಥವರು ಜಗತ್ತಿಗೆ ಬೇಕು ಎಂದು ಒಬ್ಬರು ಹೇಳಿದ್ದಾರೆ. ನಾನು ಈ ದೃಶ್ಯವನ್ನು ನೋಡಿದ ನನಗೆ ಅಳು ಬರುತ್ತಿಲ್ಲ ಎಂದು ಭಾವುಕರಾಗಿದ್ದಾರೆ ಮತ್ತೊಬ್ಬರು. ಬಹಳಷ್ಟು ಜನ ಮುದ್ಧಾದ ವಿಡಿಯೋ ನೋಡಿ ಇಬ್ಬರಿಗೂ ಇದು ವಿಶೇಷ ವಾರಾಂತ್ಯ ಎಂದಿದ್ದಾರೆ.
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 3:00 pm, Fri, 7 October 22
