ದಿಲ್ ತೋ ಪಾಗಲ್ ಹೈ; ಮಾಧುರಿ ಹುಟ್ಟುಹಬ್ಬಕ್ಕೆ ಶುಭಾಶಯ ಕೋರಿದ ಈ ಜೋಡಿ
Madhuri Dixit Birthday : ಸ್ಟ್ಯಾಂಡ್ಅಪ್ ಕಾಮೆಡಿಯನ್ ಅಂಜನಾ ಬಾಪಟ್ ಸೋಶಿಯಲ್ ಮೀಡಿಯಾ ಇನ್ಫ್ಲ್ಯೂಯೆನ್ಸರ್ ಗೀತಾ ರವಿಶಂಕರ್ ಜೊತೆ ಹೆಜ್ಜೆ ಹಾಕಿದ್ದಾರೆ. ಇವರಿಬ್ಬರ ಜೋಡಿನೃತ್ಯವನ್ನು ನೆಟ್ಟಿಗರು ಬಹುವಾಗಿ ಮೆಚ್ಚಿದ್ದಾರೆ.
Updated on:May 16, 2023 | 11:24 AM
Viral Video : ಮಾಧುರಿಯ ಉಚ್ಛ್ರಾಯ ದಿನಗಳಲ್ಲಿ ‘ಕಾಷ್ಮೀರ್ ಲೇಲೋ ಮಾಧುರಿ ದೇದೋ’ ಎಂಬ ಸ್ಲೋಗನ್ ಜನಜನಿತವಾಗಿದ್ದು ನೆನಪಿರಬಹುದು. ಇಂಥ ಚಿರಯೌವ್ವನೆ, ಪ್ರತಿಭಾನ್ವಿತೆ ಮಾಧುರಿ ಜೂನ್ 15ಕ್ಕೆ 56ನೇ ವರ್ಷಕ್ಕೆ ಕಾಲಿಟ್ಟರು! ಈ ವಾಕ್ಯವನ್ನು ನಿಮ್ಮ ಮನಸ್ಸು ಸುಲಭವಾಗಿ ಸ್ವೀಕರಿಸುವುದೆ? ಆದರೆ ವಾಸ್ತವದಲ್ಲಿ ಒಪ್ಪಿಕೊಳ್ಳಲೇಬೇಕು. ಅವರ ಲಕ್ಷಾಂತರ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಅವರ ಹುಟ್ಟುಹಬ್ಬಕ್ಕೆ ಶುಭಾಶಯ ಕೋರಿದರು. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ಈ ಇಬ್ಬರೂ ಹೆಣ್ಣುಮಕ್ಕಳು ನೃತ್ಯದ ಮೂಲಕ ಅವರಿಗೆ ಶುಭಾಶಯ ಕೋರಿದ್ದಾರೆ.
View this post on Instagram
ದಿಲ್ ತೋ ಪಾಗಲ್ ಹೈ ಸಿನೆಮಾದಲ್ಲಿ ಮಾಧುರಿ ಮತ್ತು ಕರೀಷ್ಮಾ ನರ್ತಿಸಿದ ಈ ಹಾಡಿಗೆ ಸ್ಟ್ಯಾಂಡ್ಅಪ್ ಕಾಮೆಡಿಯನ್ ಅಂಜನಾ ಬಾಪಟ್ ಸೋಶಿಯಲ್ ಮೀಡಿಯಾ ಇನ್ಫ್ಲ್ಯೂಯೆನ್ಸರ್ ಗೀತಾ ರವಿಶಂಕರ್ ಜೊತೆ ಹೆಜ್ಜೆ ಹಾಕಿದ್ದಾರೆ. ದೀಪಿಕಾ ಪಡುಕೋಣೆ, ಶಾರುಖ್ಖಾನ್ ಅಭಿನಯದ ಪಠಾಣ್ ಚಿತ್ರದ ಬೇಷರಮ್ ರಂಗ್ ಹಾಡು ಸುಮಾರು ಆರು ತಿಂಗಳವರೆಗೆ ಚಾಲ್ತಿಯಲ್ಲಿತ್ತು. ಅನೇಕರು ರೀಲ್ ಮಾಡಿ ಧೂಳೆಬ್ಬಿಸಿದರು. ತದನಂತರ 90ರ ದಶಕದಲ್ಲಿ ಬಿಡುಗಡೆಯಾದ ಈ ಹಾಡು ಇದೀಗ ಈ ರೀತಿಯಲ್ಲಿ ವೈರಲ್ ಆಗುತ್ತಿದೆ.
ಇದನ್ನೂ ಓದಿ : ವೈರಲ್ ವಿಡಿಯೋ; ಈ ನಾಯಿಗೆ ನಮ್ಮಂತೆ ಕೈಗಳಿದ್ದಿದ್ದರೆ ಇಷ್ಟೊತ್ತಿಗೆ
ದಿಲ್ ತೋ ಪಾಗಲ್ ಹೈ ಚಿತ್ರದಲ್ಲಿ ಮಾಧುರಿ ಮತ್ತು ಕರೀಷ್ಮಾ ಧರಿಸಿದ ಕಾಸ್ಟ್ಯೂಮ್ ಅನ್ನೇ ಇವರಿಬ್ಬರೂ ಅನುಕರಿಸಿದ್ಧಾರೆ. ಮಾಧುರಿ ದೀಕ್ಷಿತ್ ಅವರಿಗೆ ಟ್ಯಾಗ್ ಮಾಡಿ ಇದು ಅವರಿಗೆ ತಲುಪಬೇಕು ಎಂದು ತಮ್ಮ ಫಾಲೋವರ್ಗಳನ್ನು ಕೇಳಿಕೊಂಡಿದ್ಧಾರೆ. ಈ ಚಿತ್ರವನು 1997ರಲ್ಲಿ ಬಿಡುಗಡೆಯಾಯಿತು. ಶಾರುಖ್, ಮಾಧುರಿ, ಕರೀಷ್ಮಾ, ಅಕ್ಷಯ್ಕುಮಾರ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.
ಇದನ್ನೂ ಓದಿ : ಬೇಷರಮ್ ರಂಗ್; ಬಾಲಿವುಡ್ಗೆ ಬರ್ತೀರಾ? ಜಪಾನಿ ಬೆಡಗಿಯನ್ನು ಕೇಳುತ್ತಿರುವ ನೆಟ್ಟಿಗರು
ಈಗಾಗಲೇ ಈ ವಿಡಿಯೋ 1 ಲಕ್ಷಕ್ಕೂ ಹೆಚ್ಚು ಜನರಿಂದ ವೀಕ್ಷಿಸಲ್ಪಟ್ಟಿದೆ. ನೂರಾರು ಜನರು ಪ್ರತಿಕ್ರಿಯೆ ವ್ಯಕ್ತಪಡಿಸಿ ಮೆಚ್ಚಿದ್ದಾರೆ. ನಿಮ್ಮ ಉತ್ಸಾಹ ಮತ್ತು ಶಕ್ತಿ ನಮ್ಮನ್ನು ಪ್ರಭಾವಿತಗೊಳಿಸಿದೆ ಎಂದು ಅನೇಕರು ಹೇಳಿದ್ಧಾರೆ.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 11:22 am, Tue, 16 May 23
