ದೆಹಲಿ ಮೆಟ್ರೋ ಉದ್ಘೋಷಣೆಯನ್ನು ಅನುಕರಿಸಿದ ಯುವಕನ ವಿಡಿಯೋ ವೈರಲ್

Viral Video : ಮೆಟ್ರೋದಲ್ಲಿ ಪ್ರಯಾಣಿಸುವಾಗ ನಿಲ್ದಾಣದ ವಿವರಗಳನ್ನು ಕೊಡುವ ಆ ಅದೃಶ್ಯ ವ್ಯಕ್ತಿಯ ಧ್ವನಿ ನೆನಪಿದೆಯಲ್ಲ? ರೈಲಿನಿಂದ ಕೆಳಗಿಳಿದರೂ ಆ ತರಂಗಗಳು ನಮ್ಮನ್ನು ಹಿಂಬಾಲಿಸುತ್ತಲೇ ಇರುತ್ತವೆ. ನಮ್ಮ ಮೆಟ್ರೋದಲ್ಲಾದರೆ ಸಾಮಾನ್ಯವಾಗಿ ಅಪರ್ಣಾ ಕಣ್ಣೆದುರಿಗೆ ಬರುತ್ತಾರೆ. ಹಾಗೆ ಆಯಾ ಊರುಗಳಲ್ಲಿ ಆಯಾ ನಿರೂಪಕರು, ಉದ್ಘೋಷಕರು. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ದೆಹಲಿಯ ಮೆಟ್ರೋದಲ್ಲಿ ಈ ದೃಶ್ಯವನ್ನು ಸೆರೆಹಿಡಿಯಲಾಗಿದೆ.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

View this post on Instagram

A post shared by Krishnansh Sharma (@whokrishnansh)

ಈತನಕ ಈ ವಿಡಿಯೋ 5 ಲಕ್ಷಕ್ಕೂ ಹೆಚ್ಚು ಜನರಿಂದ ವೀಕ್ಷಿಸಲ್ಪಟ್ಟಿದೆ. ಕೃಷ್ಣಾಂಶ್ ಶರ್ಮಾ, ಉದ್ಘೋಷಕ ಶಮ್ಮಿ ನಾರಂಗ್ ಅವರ ದೆಹಲಿ ಮೆಟ್ರೋ ಘೋಷಣೆಯನ್ನು ಇಲ್ಲಿ ಅನುಕರಿಸಿದ್ದಾರೆ. ಅನೇಕರು ಇವರ ಈ ಅನುಕರಣೆಯನ್ನು ಮೆಚ್ಚಿದ್ದಾರೆ. ಓಹೋ ಸಹೋದರ ನೀವು ಇಷ್ಟರಲ್ಲೇ ಉದ್ಘೋಷಕರಾಗಲಿದ್ದೀರಿ, ಬಹಳ ಚೆನ್ನಾಗಿ ಅನುಕರಿಸಿದ್ದೀರಿ ಎಂದಿದ್ದಾರೆ. ನಮ್ಮ ಧ್ವನಿ ಅವರಂತೆಯೇ ಇದೆಯೋ ಅಥವಾ ನೀವು ಮಿಮಿಕ್ರಿ ಮಾಡುತ್ತಿದ್ದೀರೋ ಎಂದು ಕೇಳಿದ್ದಾರೆ ಒಬ್ಬರು.

ಇದನ್ನೂ ಓದಿ : ರಾಶಿ ಪೆಂಗ್ವಿನ್​​ಗಳ ಮಧ್ಯೆ ಮೂರು ಬೆಕ್ಕುಗಳು ಅಡಗಿವೆ, ನೀವು ಹುಡುಕೇ ಹುಡುಕುತ್ತೀರಿ

ಶಮ್ಮಿ ಅವರ ಧ್ವನಿಯನ್ನು ಕರೆಕ್ಟ್​ ಆಗಿ ಅನುಕರಿಸಿದ್ದೀರಿ, ನಿಜಕ್ಕೂ ಸಂತೋಷವಾಯಿತು ಎಂದು ಮತ್ತೊಬ್ಬರು ಹೇಳಿದ್ದಾರೆ. ನಂಬಲಸಾಧ್ಯ! ಥೇಟ್​ ಅವರ ಧ್ವನಿಯಂತೆಯೇ ಕೇಳುತ್ತಿದೆ ಎಂದು ಇನ್ನೂ ಕೆಲವರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ನೀವು ಮೆಟ್ರೋದಲ್ಲಿ ಪ್ರಯಾಣಿಸುವತನಕ ಮೆಟ್ರೋದ ರೆಕಾರ್ಡೆಡ್​ ಅನೌನ್ಸ್​ಮೆಂಟ್​ನ ಅವಶ್ಯಕತೆಯೇ ಇಲ್ಲ! ಎಂದಿದ್ಧಾರೆ ಮತ್ತೊಬ್ಬರು.

ಇದನ್ನೂ ಓದಿ : ಊಟ ಬೆಂಗಳೂರು; ಕದಂಬರ ಊರಿನ ಕಲ್ಬುತ್ತಿ ತಿಂದಿದ್ದೀರಾ? ಈ ವಿಡಿಯೋ ನೋಡಿ

ನೀವು ಹೀಗೆ ಇನ್ನೂ ಹಲವು ನಟರ ಧ್ವನಿಯನ್ನು ಅನುಕರಿಸಿ, ಕಂಠದಾನ ಕಲಾವಿದರು ಆಗಬಹುದು ಎಂದಿದ್ದಾರೆ ಇನ್ನೂ ಒಬ್ಬರು. ನೀವು ಪ್ರತಿಭಾನ್ವಿತರು. ಇಂಥ ಹವ್ಯಾಸವನ್ನು ಮುಂದುವರಿಸಿ ಎಂದು ಮಗದೊಬ್ಬರು ಪ್ರೋತ್ಸಾಹಿಸಿದ್ದಾರೆ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ