Viral Video : ಈ ಕಪ್ಪು ಹುಲಿ ಇರುವುದು ಒಡಿಶಾದ ಸಿಮಿಲಿಪಲ್ ರಾಷ್ಟ್ರೀಯ ಉದ್ಯಾನದಲ್ಲಿ

Viral Video: ಅಪರೂಪದಲ್ಲಿ ಅಪರೂಪವೆನ್ನಿಸಿದ ಕಪ್ಪು ಹುಲಿ ಒಡಿಶಾದ ರಾಷ್ಟ್ರೀಯ ಉದ್ಯಾನದಲ್ಲಿ ಪತ್ತೆಯಾಗಿದೆ. ಸಿಮಿಲಿಪಲ್ ಹುಲಿ ಸಂರಕ್ಷಣಾ ಪ್ರದೇಶದಲ್ಲಿರುವ ಕ್ಯಾಮೆರಾದಲ್ಲಿ ಕಪ್ಪುಹುಲಿ (melanistic tigers) ಓಡಾಡುತ್ತಿರುವುದು ಮತ್ತು ಮರವನ್ನೇರಲು ಪ್ರಯತ್ನಿಸುತ್ತಿದ್ದ ದೃಶ್ಯ ಸೆರೆಯಾಗಿದೆ. ಇಂಡಿಯನ್ ಫಾರೆಸ್ಟ್​ ಸರ್ವೀಸ್ ಆಫೀಸರ್ ಸುಸಾಂಟಾ ನಂದಾ, ಅಂತಾರಾಷ್ಟ್ರೀಯ ಹುಲಿದಿನದ ಪ್ರಯುಕ್ತ ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಕಪ್ಪು ಮತ್ತು ಕಿತ್ತಳೆ ಪಟ್ಟೆಗಳನ್ನು ಹೊಂದಿದ ಹುಲಿ ಅತ್ಯಂತ ಆಕರ್ಷಕವಾಗಿದೆ.

ಈ ವಿಡಿಯೋ ಹಂಚಿಕೊಂಡ ಸುಸಾಂಟಾ, ‘ಹುಲಿಗಳು ಭಾರತದ ಅರಣ್ಯಗಳ ಸ್ಥಿರತೆಯನ್ನು ಸಾಂಕೇತಿಸುತ್ತವೆ. ಅಪರೂಪದ, ವಿಶಿಷ್ಟವಾದ ಹುಲಿ ತಳಿ ಇದಾಗಿದೆ, ಇವುಗಳ ಸಂತತಿ ಹೆಚ್ಚಬೇಕು’ ಎಂದಿದ್ದಾರೆ. ಪರ್ವಿನ್ ಕಸ್ವಾನ್​ ಅವರು ಕೂಡ ಟ್ವಿಟರ್​ನಲ್ಲಿ ಕಪ್ಪುಹುಲಿಯ ವಿಡಿಯೋವನ್ನು ಹಂಚಿಕೊಂಡಿದ್ದು, 2007ರಲ್ಲಿ ಅಧಿಕೃತವಾಗಿ ಸತ್ಪುರಾ ಹುಲಿ ಸಂರಕ್ಷಣಾ ಪ್ರದೇಶದಲ್ಲಿ (STR) ಕಪ್ಪುಹುಲಿಯನ್ನು ಪತ್ತೆ ಹಚ್ಚಲಾಯಿತು. ಈ ಬಗ್ಗೆ ದಾಖಲಿಸಿದ್ದೇವೆ. ಆನುವಂಶಿಕ ರೂಪಾಂತರದಿಂದಾಗಿ ಕಂಡುಬರುವ ಈ ಹುಲಿಗಳ ಸಂಖ್ಯೆ ಅತ್ಯಂತ ಕಡಿಮೆ’ ಎಂದಿದ್ಧಾರೆ.

ಬಂಗಾರ ಮತ್ತು ಚಿನ್ನದ ವರ್ಣದ ಪಟ್ಟೆಗಳನ್ನು ಹೊಂದಿದ ಈ ಹುಲಿಗಳು ಮೊದಲ ಸಲ ಸಿಮಿಲಿಪಲ್ ರಾಷ್ಟ್ರೀಯ ಉದ್ಯಾನದಲ್ಲಿ ಪತ್ತೆಯಾಗಿದ್ದು ವಿಶೇಷ. ಈ ಹುಲಿಗಳ ವೈಶಿಷ್ಟ್ಯತೆಗೆ ತಳಿಗಳಲ್ಲಿ ರೂಪಾಂತರಗೊಂಡಿರುವುದೇ ಕಾರಣ.