ಮಾನವರಂತೆಯೇ ಅನುಕರಿಸಿ ಮಾಸ್ಕ್ ಧರಿಸಿ ರಸ್ತೆಯಲ್ಲಿ ತಿರುಗಾಡುತ್ತಿರುವ ಕೋತಿ; ವಿಡಿಯೋ ವೈರಲ್

ಮೊದಲಿಗಿಂತ ಕೊವಿಡ್ 19 ಪ್ರಕರಣಗಳ ಸಂಖ್ಯೆ ಇಳಿಮುಖವಾಗಿದೆ. ಆದರೆ ಸಂಪೂರ್ಣವಾಗಿ ಇನ್ನೂ ಸಾಂಕ್ರಾಮಿಕ ರೋಗ ಕಡಿಮೆಯಾಗಿಲ್ಲ. ಮುಂದಿನ ದಿನಗಳಲ್ಲಿ ಕೊವಿಡ್​ 3ನೇ ಅಲೆ ಹರಡುವ ಹರಡಬಹುದು ಎಂದು ತಜ್ಞರು ಎಚ್ಚರಿಸುತ್ತಿದ್ದಾರೆ. ಅಲ್ಲಿಯವರೆಗೆ ನಾವು ಕ್ರಮಗಳಾದ ಮಾಸ್ಕ್ ಧರಿಸುವುದು, ಸ್ಯಾನಿಟೈಸ್ ಮಾಡುವುದು ಜತೆಗೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯುವಂತಿಲ್ಲ. ಪ್ರಾಣಿಗಳು ಸಹ ಕೆಲವು ಪರಿಸ್ಥಿತಿಗಳನ್ನು ಅರ್ಥೈಸಿಕೊಳ್ಳುತ್ತದೆ ಮತ್ತು ಚಟುವಟಿಕೆಗಳನ್ನು ಅರಿತುಕೊಂಡು ಮಾನವರಂತೆಯೇ ನಕಲಿಸುತ್ತದೆ ಎಂಬುದಕ್ಕೆ ಸಾಕ್ಷಿಯಾಗಿ ಇಲ್ಲೊಂದು ವಿಡಿಯೋ ಫುಲ್ ವೈರಲ್ ಆಗಿದೆ. ವಿಡಿಯೋ ನೋಡಿದಾಕ್ಷಣ ನಿಮಗೂ ಆಶ್ವರ್ಯವಾಗುವುದಂತೂ ಸತ್ಯ.

ಸಾಮಾಜಿಕ ಜಾಲತಾಣದಲ್ಲಿ ಅದೆಷ್ಟೋ ವಿಡಿಯೋಗಳು ಹರಿದಾಡುತ್ತಿರುತ್ತವೆ. ಕೆಲವು ತಮಾಷೆಯ ವಿಡಿಯೋಗಳಾಗಿದ್ದರೆ ಇನ್ನು ಕೆಲವು ಎಚ್ಚರಿಕೆಯ ಸಂದೇಶವನ್ನು ಸಾರುತ್ತವೆ. ಕೆಲವು ವಿಡಿಯೋಗಳು ಆಶ್ವರ್ಯವನ್ನೂ ಉಂಟು ಮಾಡುತ್ತವೆ. ಇನ್ನು ಕೆಲವು ಮಾದರಿಯಾಗಿರುತ್ತವೆ. ಕೋತಿ ಮಾಸ್ಕ್ ಧರಿಸಿ ಓಡಾಡುತ್ತಿರುವ ವಿಡಿಯೋ ಒಮ್ಮೆಲೆ ತಮಾಷೆ ಅನಿಸಿದರೂ ಸಹ ಈ ಸಂದರ್ಭದಲ್ಲಿ ಎಲ್ಲರಿಗೂ ಮಾದರಿಯಾಗಿದೆ.

Monkey see, monkey do. ??? pic.twitter.com/FLgOCV5leK

— Fred Schultz (@fred035schultz) August 24, 2021

ಕೋತಿ ಬುದ್ಧಿವಂತ ಜೀವಿ. ಅವು ಮನುಷ್ಯರನ್ನು ಅನುಕರಿಸುವ ಮೂಲಕ ಅನೇಕ ಚಟುವಟಿಕೆಗಳನ್ನು ಕಲಿಯುತ್ತವೆ. ವೈರಲ್ ಆದ ವಿಡಿಯೋದಲ್ಲಿ ಗಮನಿಸುವಂತೆ ಕೋತಿ ಕಪ್ಪು ಬಣ್ಣದ ಮಾಸ್ಕ್ ಧರಿಸಿ ರಸ್ತೆ ದಾಟುತ್ತಿದೆ. ಮುಖಗವಸು ತುಂಬಾ ದೊಡ್ಡದಾಗಿರುವುದರಿಂದ ಕೋತಿಯ ಮುಖ ಪೂರ್ತಿ ಮುಚ್ಚುತ್ತಿದೆ. ಆಗಾಗ ಮಾಸ್ಕ್ ತೆಗೆದು ರೋಡ್ ನೋಡುತ್ತಾ ಮತ್ತೆ ಮುಂದಕ್ಕೆ ಸಾಗುತ್ತಿದೆ.

ವಿಡಿಯೋವನ್ನು ಟ್ವಿಟರ್​ನಲ್ಲಿ ಹಂಚಿಕೊಳ್ಳಲಾಗಿದೆ. ವಿಡಿಯೋ ಸುಮಾರು 1.9 ಮಿಲಿಯನ್ ವೀಕ್ಷಣೆಗಳನ್ನು ಗಳಿಸಿಕೊಂಡಿದೆ. 700 ಕ್ಕೂ ಹೆಚ್ಚು ಶೇರ್​ಗಳೊಂದಿಗೆ ವೀಡಿಯೋ ಫುಲ್ ವೈರಲ್ ಆಗಿದೆ. ವಿಡಿಯೋ ನೋಡಿ ಖುಷಿಪಟ್ಟ ನೆಟ್ಟಿಗರು ಕೋತಿಯಾದರೂ ಸಾಮಾನ್ಯ ಜ್ಞಾನವನ್ನು ಹೊಂದಿದೆ. ಮಾನವರಿಗೆ ಎಷ್ಟು ಹೇಳಿದರೂ ಅಷ್ಟೇ! ಎಂದು ಪ್ರತಿಕ್ರಿಯಿಸಿದ್ದಾರೆ. ಪ್ರಾಣಿಗಳು ಮುಖಗವಸು ಧರಿಸುವುದುನ್ನು ನೋಡಿ ಮಾನವರು ಕಲಿಯಬೇಕಿದೆ ಎಂದು ಇನ್ನೋರ್ವರು ಹೇಳಿದ್ದಾರೆ.

Monkey see, monkey do. ??? pic.twitter.com/FLgOCV5leK

— Fred Schultz (@fred035schultz) August 24, 2021

ಕೋತಿಯೂ ಸಹ ಕೆಲವು ಜನರಿಗಿಂತ ಚುರುಕಾಗಿದೆ ಎಂದು ಮತ್ತೋರ್ವರು ಹೇಳಿದ್ದಾರೆ. ಹೋತಿಯು ಮಾನವರಂತೆಯೇ ಅನುಕರಿಸಿ ಕೆಲವು ಚಟುವಟಿಕೆಗಳನ್ನು ಕಲಿಯುವುದು ಹೊಸತೇನಲ್ಲ. ಈ ಹಿಂದೆ ಇಂತಹುದೇ ಅದೆಷ್ಟೋ ವಿಡಿಯೋಗಳು ವೈರಲ್ ಆಗಿವೆ. ಅದರೆ ಸಾಂಕ್ರಾಮಿಕ ರೋಗ ಹರಡಿ ದೇಶವೇ ನಲುಗಿರುವ ಇಂತಹ ಪರಿಸ್ಥಿತಿಯಲ್ಲಿ ಮಾಸ್ಕ್ ಧರಿಸುವ ನಿಯಮವನ್ನು ಜನರು ಕಟ್ಟುನಿಟ್ಟಾಗಿ ಪಾಲಿಸುವುದು ಅತ್ಯವಶ್ಯಕ.

ಇದನ್ನೂ ಓದಿ:

Viral Video: ಅಲುಗಾಡುತ್ತಿರುವ ಸೇತುವೆಯ ಮೇಲೆ ಕೋತಿಯ ಫ್ಯಾಶನ್​ ಶೋ! ಗಮ್ಮತ್ತಾಗಿದೆ ವಿಡಿಯೋ ನೀವೂ ನೋಡಿ

Viral Video: ಹೊಸ ಬಾಸ್! ಶಾಲೆಯೊಳಗೆ ನುಗ್ಗಿ ಪ್ರಿನ್ಸಿಪಾಲ್ ಕುರ್ಚಿಯೇರಿ ಕುಳಿತ ತುಂಟ ಕೋತಿಯ ವಿಡಿಯೋ ವೈರಲ್

(Monkey wearing mask in road video goes viral in social media)