Viral Video: ಕಲರ್​ಫುಲ್​ ವೃತ್ತಗಳ ಚಲನೆಯನ್ನು ನೋಡಿ ಗೊಂದಲಕ್ಕೊಳಗಾದ ನೆಟ್ಟಿಗರು

ಸಾಮಾಜಿಕ ಜಾಲತಾಣದಲ್ಲಿ ಭ್ರಮೆ ಮೂಡಿಸುವ ಸಾಕಷ್ಟು ವಿಡಿಯೋ, ಚಿತ್ರಗಳು ಈ ಹಿಂದೆ ವೈರಲ್​ ಆಗಿವೆ. ಮನರಂಜನೆ ಮತ್ತು ಬುದ್ದಿಗೆ ಗುದ್ದು ನೀಡುವ ಆಪ್ಟಿಕಲ್​ ಇಲ್ಯೂಶನ್​ಗಳು ಸದಾ ನೆಟ್ಟಿಗರನ್ನು ಆಕರ್ಷಿಸುತ್ತವೆ. ಇದೀಗ ಬಣ್ಣದ ವೃತ್ತಗಳ ವಿಡಿಯೋ ಸಿಕ್ಕಾಪಟ್ಟೆ ವೈರಲ್​ ಆಗಿದೆ. 2 ಕಲರ್​ಫುಲ್​ ವೃತ್ತಗಳು ತಿರುಗುತ್ತಿರುವ ವಿಡಿಯೋ ವೈರಲ್​ ಆಗಿದೆ. ಈ ವೃತ್ತಗಳು ಯಾವ ಮುಖದಲ್ಲಿ ತಿರುಗುತ್ತಿವೆ ಎನ್ನುವುದನ್ನು ತಿಳಿಯಲು ನೆಟ್ಟಿಗರು ತಲೆಕೆಡಿಸಿಕೊಂಡಿದ್ದಾರೆ.

ಟ್ವಿಟರ್​ ಮತ್ತು ರೆಡ್ಡಿಟ್​ನಲ್ಲಿ ಇದರ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ.  ಜಪಾನ್​ನ ಜಾಗರಿಕಿನ್ ಎನ್ನುವವರು ಇದನ್ನು ತಯಾರಿಸಿ ಹಂಚಿಕೊಂಡಿದ್ದಾರೆ. ಆಪ್ಟಿಕಲ್​ ಇಲ್ಯುಶನ್​ನ ವಿಡಿಯೋ ನೋಡಿ ನೆಟ್ಟಿಗರು ದಂಗಾಗಿದ್ದಾರೆ. ಬಳಕೆದಾರರೊಬ್ಬರು ಸಮ್ಮೋಹನಕ್ಕೋಳಗಾಗುವಂತಿದೆ ಎಂದು ಕಾಮೆಂಟ್ ಮಾಡಿದ್ದಾರೆ. ಕೆಲವರು ವಿಡಿಯೋದಲ್ಲಿ ಏನಾಗುತ್ತಿದೆ ಎನ್ನುವುದುನ್ನು ತಿಳಿಯಲು ಯತ್ನಿಸಿದ್ದು, ಅರ್ಥವಾಗದೆ ಗೊಂದಲಕ್ಕೊಳಗಾಗಿದ್ದಾರೆ.

ವೃತ್ತದ ಒಳಗೆ ಮಾರ್ಕ್​ಗಳನ್ನು ಮಾಡಲಾಗಿದ್ದು, ಅದೇ ರೀತಿ ವೃತ್ತ ಸುತ್ತುವಂತೆ ಕಾಣುತ್ತದೆ. ಅದರೆ ಅದು ಹಾಗೆಯೇ ಇದೆಯೇ ಎನ್ನುವುದನ್ನು ನೀವು ವಿಡಿಯೋ ನೋಡಿಯೇ ಕಂಡುಹಿಡಿಯಬೇಕು. ಸದ್ಯ ವೈರಲ್​ ಆದ ವಿಡಿಯೋ ಒಂದೂವರೆ ಲಕ್ಷಕ್ಕೂ ಹೆಚ್ಚು ಲೈಕ್ಸ್​ ಗಳಿಸಿದ್ದು, 57 ಸಾವಿರಕ್ಕೂ ಅಧಿಕ ರಿಟ್ವೀಟ್​ಗಳನ್ನು ಗಳಿಸಿದೆ.  ನೀವೂ ವಿಡಿಯೋ ನೋಡಿ ವೃತ್ತ ಯಾವ ಕಡೆ ಚಲಿಸುತ್ತಿದೆ ಎನ್ನುವುದನ್ನು ಪತ್ತೆಮಾಡಿ.

ಇದನ್ನೂ ಓದಿ:

Viral Video: ಅಭಯಾರಣ್ಯದಲ್ಲಿ ಕರಡಿಗೆ ಮುಖಾಮುಖಿಯಾದ ಹುಲಿ: ಮುಂದೇನಾಯ್ತು?