ಯುಕೆ ಮೃಗಾಲಯದಲ್ಲಿ ಜನಿಸಿದೆ ಅಪರೂಪದ ಆರ್ಡ್​ವರ್ಕ್​; ಇಲ್ಲಿದೆ ಡೊಬಿ ಚಿತ್ರಣ

ಯುಕೆಯಲ್ಲಿರುವ ಚೆಸ್ಟರ್ ಮೃಗಾಲಯವು(Chester zoo) ಅಪರೂಪದ ಮರಿ ಪ್ರಾಣಿಯನ್ನು ತಮ್ಮ ಮೃಗಾಲಯದ ಕುಟುಂಬಕ್ಕೆ ಸ್ವಾಗತಿಸಿದೆ. ಸದ್ಯ ಈ ಪುಟ್ಟ ಆರ್ಡ್‌ವರ್ಕ್(Aardvark) ಮರಿಗೆ ಡೊಬಿ(Dobby) ಎಂದು ಹೆಸರಿಡಲಾಗಿದೆ. ಡೊಬಿ ಜನವರಿ 4 ರಂದು ಜನಿಸಿದ ಹೆಣ್ಣು ಆರ್ಡ್‌ವರ್ಕ್ ಆಗಿದೆ. ದೊಡ್ಡ ಕಿವಿಗಳು, ಕೂದಲುರಹಿತ ಸುಕ್ಕುಗಟ್ಟಿದ ಚರ್ಮ ಮತ್ತು ದೈತ್ಯ ಉಗುರುಗಳೊಂದಿಗೆ ಜನಿಸಿದ ಈ ಆರ್ಡ್​ವರ್ಕ್​ ಮರಿ ಆಫ್ರಿಕಾ ಮೂಲದ ಸಸ್ತನಿಯಾಗಿದೆ. ಇದರ ಮೂತಿ ನೋಡಿದರೆ ಹಂದಿ ಮರಿಯಂತೆ ಕಾಣುತ್ತದೆ. ಆದರೆ ಇದರ ದೇಹ ರಚನೆಯು ಕಾಂಗರೂವಿನಂತೆ ಇದೆ.

ಚೆಸ್ಟರ್ ಮೃಗಾಲಯ ತನ್ನ ಸಾಮಾಜಿಕ ಜಾಲತಾಣದ ಖಾತೆಯಲ್ಲಿ ಡೊಬಿಯ ಜನನಕ್ಕೆ ಸಂಬಂಧಿಸಿದ ಪೋಸ್ಟ್‌ಗಳನ್ನು ಹಂಚಿಕೊಂಡಿವೆ. ಈ ವಿಶಿಷ್ಟ ಪ್ರಾಣಿಯು ತನ್ನ 8 ವರ್ಷದ ತಾಯಿ ಓಣಿ ಮತ್ತು 6 ವರ್ಷದ ತಂದೆ ಕಾಸ್‌ಗೆ ಜನಿಸಿದೆ. ಹ್ಯಾರಿ ಪಾಟರ್ ಸರಣಿಯ ಯಕ್ಷಿಣಿಯೊಂದಿಗೆ ವಿಲಕ್ಷಣವಾದ ಹೋಲಿಕೆಯನ್ನು ಹೊಂದಿದೆ. ಹೀಗಾಗಿ ಮೃಗಾಲಯ ಸಿಬ್ಬಂದಿಗಳು ನವಜಾತ ಆರ್ಡ್‌ವರ್ಕ್​ಗೆ ಡೊಬಿ ಎಂದು ಅಡ್ಡಹೆಸರು ನೀಡಿದ್ದಾರೆ.

ದಿನವಿಡೀ ಅಮ್ಮ ಓಣಿಯೊಂದಿಗೆ ಬಾಂಧವ್ಯ ಹೊಂದಿರುವ ಡೊಬಿಯನ್ನು ರಾತ್ರಿ ಮೃಗಾಲಯದ ಪ್ರತ್ಯೇಕ ಕೋಣೆಯಲ್ಲಿ ಇರಿಸಲಾಗುತ್ತದೆ. ಈ ವೇಳೆ ಪ್ರತಿ ಒಂದು ಗಂಟೆಗೆ ಡೊಬಿಗೆ ಬೆಚ್ಚಗಿನ ಹಾಲನ್ನು ನೀಡಲಾಗುತ್ತದೆ. ಡೊಬಿ ಮತ್ತು ಅಮ್ಮ ಇಬ್ಬರೂ ಉತ್ತಮ ಒಡನಾಟ ಹೊಂದಿದ್ದಾರೆ. ಸದ್ಯ ಮೃಗಾಲಯದಲ್ಲಿರುವ ಪ್ರತಿಯೊಬ್ಬರೂ ಹೊಸ ಅತಿಥಿಯ ಆಗಮನದಿಂದ ಸಂತೋಷಗೊಂಡಿದ್ದಾರೆ ಎಂಬ ಶೀರ್ಷಿಕೆಯೊಂದಿಗೆ ಚೆಸ್ಟರ್ ಮೃಗಾಲಯ ತನ್ನ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ಈ ಪೋಸ್ಟ್​ ಹಂಚಿಕೊಂಡಿದೆ.

View this post on Instagram

A post shared by Chester Zoo (@chesterzoo)

ಇದನ್ನೂ ಓದಿ:

Literature: ನೆರೆನಾಡ ನುಡಿಯೊಳಗಾಡಿ; ‘ಕಾಡುಪ್ರಾಣಿಗಳನ್ನು ಒಮ್ಮೆಲೆ ನೋಡಿದರೆ ಹೇಗಿರುತ್ತದೆಯೋ ಹಾಗಿದ್ದಾಳೆ ಆ ಹೆಂಗಸು!’

ಪ್ರಸವದ ವೇಳೆ ಕೆಸರಿನಲ್ಲಿ ಜಾರಿ ಬಿದ್ದ ಆನೆ ಮರಿ ಮೇಲೆತ್ತಲು ತಾಯಿ ಆನೆ ಪರದಾಟ, ಮನ ಕಲಕುವಂತ ವಿಡಿಯೋ

Published On - 9:21 am, Mon, 21 February 22