‘ಕ್ಷಮಿಸಿ ತುಂಬಾ ರುಚಿಯಾಗಿತ್ತು, ಎಲ್ಲಾ ತಿಂದುಬಿಟ್ಟೆ’ ಡೆಲಿವರಿ ಏಜೆಂಟ್​ ಗ್ರಾಹಕರಿಗೆ ಮೆಸೇಜ್ ಮಾಡಿದಾಗ

Viral Video : ಯಾರಿಗಾದರೂ ಹೀಗೊಂದು ಊಹೆ ಇತ್ತಾ? ಮುಂದೊಂದು ದಿನ ಈ ಪರಿಯಲ್ಲಿ ಈ ವೇಗದಲ್ಲಿ ಫುಡ್​ ಡೆಲಿವರಿ ಸಿಸ್ಟಮ್ ವ್ಯಾಪಿಸಿಕೊಳ್ಳುತ್ತದೆಯೆಂದು. ​ತಂತ್ರಜ್ಞಾನದ ಅಚ್ಚರಿ ಎಂದರೆ ಹೀಗೇ. ಆದರೆ ತಂತ್ರಜ್ಞಾನದ ಅಭಿವೃದ್ಧಿಯೊಂದಿಗೆ ಅದರದೇ ಆದ ಸಾಧಕಬಾಧಕಗಳೂ ಇದ್ದೇ ಇರುತ್ತವೆ. ಆದರೆ ಆ ಚರ್ಚೆ ಈಗಿಲ್ಲಿ ಬೇಡ. ಏಕೆಂದರೆ ಈಗ ವೈರಲ್ ಆಗಿರುವ ಈ ಪೋಸ್ಟ್​ ನೋಡಿದಾಗ ನಿಮಗೇನು ಅನ್ನಿಸಬಹುದು ಎಂಬ ಕುತೂಹಲ ನಮಗಿದೆ.

Deliveroo driver has gone rogue this morning pic.twitter.com/sFNMUtNRrk

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

— Bags (@BodyBagnall) October 28, 2022

ಓದಿದಿರಲ್ವಾ? ಲಿಯಾಮ್​ ಬಾಗ್ನಾಲ್​ ಎಂಬ ವ್ಯಕ್ತಿ ಫುಡ್​ ಡೆಲಿವರಿ ಏಜೆಂಟ್​ನೊಂದಿಗೆ ನಡೆಸಿದ ಸಂಭಾಷಣೆಗೆ ಈ ಟ್ವೀಟ್​ ಸಾಕ್ಷಿ. ಆಗಿದ್ದಿಷ್ಟೇ, ಲಿಯಾಮ್​ ಆರ್ಡರ್ ಮಾಡಿದ್ದ ಊಟವನ್ನು ಏಜೆಂಟ್​ ಆತನಿಗೆ ತಲುಪಿಸದೆ ಕ್ಷಮಿಸಿ ಎಂದು ಮೆಸೇಜ್ ಮಾಡಿದ್ದಾನೆ. ಯಾಕೆ ಏನು ಎಂದು ಲಿಯಾಮ್ ವಾಪಸ್​ ಮೆಸೇಜ್ ಮಾಡಿದ್ಧಾನೆ. ಆಗ ಡೆಲಿವರಿ ಏಜೆಂಟ್ ತಿಂಡಿ ಬಹಳ ರುಚಿಯಾಗಿತ್ತು ಹಾಗಾಗಿ ನಾನೇ ತಿಂದುಬಿಟ್ಟೆ. ಮತ್ತೆ ಈ ವಿಷಯವನ್ನು ನೀವು ಕಂಪೆನಿಗೆ ರಿಪೋರ್ಟ್​ ಮಾಡಬಹುದು ಎಂದಿದ್ದಾನೆ. ಭಯಂಕರ ಮಾರಾಯಾ ನೀ ಎಂದು ಲಿಯಾಮ್​ ಮೆಸೇಜ್ ಮಾಡಿದಾಗ, ಐ ಡೋಂಟ್ ಕೇರ್ ಎಂದುಬಿಟ್ಟಿದ್ದಾನೆ ಏಜೆಂಟ್.

ನಂತರ ಲಿಯಾಮ್​, ಅಪ್ಲಿಕೇಷನ್​ ಮೂಲಕ ಕಸ್ಟಮರ್ ಕೇರ್​ ಸಿಬ್ಬಂದಿಗೆ ಈ ಸಂಭಾಷಣೆಯ ಸ್ಕ್ರೀನ್​ ಶಾಟ್ ಕಳಿಸಿ ಹಣ ಮರುಪಾವತಿಸಲು ಕೇಳಿಕೊಂಡಿದ್ಧಾನೆ. ನೀವು ಮತ್ತೊಮ್ಮೆ ಆರ್ಡರ್ ಮಾಡುವವರೆಗೂ ಹಣವನ್ನು ಮರುಪಾವತಿ ಮಾಡಲಾಗದು ಎಂದು ಅತ್ತಕಡೆಯಿಂದ ಸಂದೇಶ ಬಂದಿದೆ. ಆಗ ಲಿಯಾಮ್ ಮತ್ತೊಮ್ಮೆ ಆರ್ಡರ್ ಮಾಡಿ ಬೇರೊಬ್ಬ ಡೆಲಿವರಿ ಏಜೆಂಟ್​ ಮೂಲಕ ಊಟ ತರಿಸಿಕೊಂಡಿದ್ದಾರೆ.

ವೃತ್ತಿಪರವಾಗಿರಬೇಕು ಎಂದು ಪ್ರತಿಯೊಬ್ಬ ಗ್ರಾಹಕರೂ ನಿರೀಕ್ಷಿಸುತ್ತಾರೆ. ಈಗ ಈ ಘಟನೆಯಿಂದ ಬೇಸರವಾಗಿದೆ ಎಂದು ಲಿಯಾಮ್​ ‘ಮಿರರ್​’ಗೆ ತಿಳಿಸಿದ್ದಾರೆ. ನಂತರ ಡೆಲಿವರಿ ಪಾರ್ಟನರ್ ಏಜನ್ಸಿಯು​ ಕ್ಷಮೆ ಕೇಳಿ, ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸುತ್ತೇವೆ. ತಕ್ಷಣವೇ ನಾವು ಮತ್ತೊಮ್ಮೆ ಲಿಯಾಮ್ ಅವರಿಗೆ ಊಟವನ್ನು ಕಳಿಸಿದ್ದೇವೆ. ಜೊತೆಗೆ ಮೊದಲ ಡೆಲಿವರಿ ಏಜೆಂಟ್​ ಕುರಿತು ವಿಚಾರಣೆಯನ್ನೂ ನಡೆಸುತ್ತಿದ್ದೇವೆ ಎಂದಿದೆ.

ಸಾಮಾಜಿಕ ಜಾಲತಾಣದಲ್ಲಿ ಅನೇಕರು ಈ ಪೋಸ್ಟ್​ಗೆ ವಿವಿಧ ರೀತಿಯಲ್ಲಿ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ. ಕೆಲವರು ಎಂಥ ಆಘಾತ ಇದು ಎಂದಿದ್ದಾರೆ. ಇನ್ನೂ ಕೆಲವರು, ನನಗೂ ಹೀಗೆಲ್ಲ ಆಗಿದೆ ಎಂದಿದ್ದಾರೆ. ಡೆಲಿವರಿ ಏಜೆಂಟ್​ನ ಆತ್ಮವಿಶ್ವಾಸವನ್ನು ಮೆಚ್ಚಲೇಬೇಕು ಎಂದಿದ್ದಾರೆ ಒಬ್ಬರು.

ಮತ್ತಷ್ಟು ಟ್ರೆಂಡಿಂಗ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ

Published On - 4:51 pm, Mon, 31 October 22