Viral Video: ಹುಲಿಗೆ ನೆಗಡಿಯಾಗಿದೆ; ಸೀನುವಾಗಲೂ ಇದು ಎಷ್ಟು ಮುದ್ದು ಎಂದ ನೆಟ್ಟಿಗರು
Sneezing : ಬೆಕ್ಕು, ನಾಯಿ ಸೀನುವುದನ್ನು ನೋಡಿದ್ದೀರಿ. ಆದರೆ ಹುಲಿ? ಹೌದು ಹುಲಿ ಸೀನಿದ್ದು ಇದೀಗ ದೊಡ್ಡ ಸುದ್ದಿಯಾಗಿದೆ. ಏಕೆಂದರೆ ಅದು ಸೀನಿದ ಸದ್ದು ಕೂಡ ಅಷ್ಟೇ ಜೋರಾಗಿದೆ. ಆದರೆ ನೆಟ್ಟಿಗರು ಮಾತ್ರ ಈ ಸದ್ದನ್ನು ಬಹಳ ಪ್ರೀತಿಸುತ್ತಿದ್ದಾರೆ. ಏಕೆಂದರೆ ಸೀನುವಾಗ ಹುಲಿ ಬಹಳ ಮುದ್ದಾಗಿ ಕಂಡಿದೆಯಂತೆ. ಈ ವಿಡಿಯೋ ನೋಡಿದ ನಿಮಗೇನು ಅನ್ನಿಸಬಹುದು ಎಂಬ ಕುತೂಹಲ ನಮ್ಮದು.
Updated on: Sep 28, 2023 | 2:52 PM
Tiger: ಪ್ರಿಯ ಹುಲಿ, ಮಳೆಯಲ್ಲಿ ಬಹಳ ನೆನೆದಿದ್ದ್ಯೋ. ಮೆಣಸಿನಕಾಯಿ ಘಾಟು ಬಂತೋ. ಯಾವ ಅಲರ್ಜಿಯೋ. ಐಸ್ಕ್ರೀಮ್ ಜಾಸ್ತಿ ತಿಂದ್ಯೋ. ಯಾರಾದರೂ ಮೂಗಲ್ಲಿ ಕಡ್ಡಿ ಆಡಿಸಿದರೋ. ಏನಾಯ್ತು ಅಂತ ಈ ಪರಿ ಸೀನುತ್ತಾ (Sneezing) ಕುಳಿತಿದೀಯಾ. ಅಯ್ಯಯ್ಯೋ ಹುಲಿ ಎಂದು ಹೆದರಿ ಓಡುತ್ತಿದ್ದವರೆಲ್ಲ ನಿನ್ನನ್ನು ನೋಡಿ ಸೀನುವಾಗಲೂ ಇದು ಎಂಥಾ ಮುದ್ದು ಎಂದು ಮುಗಿಬಿದ್ದು ಪ್ರೀತಿಸುತ್ತಿದ್ದಾರೆ. ಕೆಲವರು ಝಂಡೂಬಾಮ್ ಹಿಡಿದುಕೊಂಡು ಒಂದಿಷ್ಟು ಜನ. ಹಬೆಯ ಪಾತ್ರೆ ಹಿಡಿದು ಇನ್ನೊಂದಿಷ್ಟು ಜನ. ಕಂಬಳಿ ಹಿಡಿದುಕೊಂಡು ಮತ್ತೊಂದಿಷ್ಟು ಜನ. ಔಷಧಿ ಹಿಡಿದುಕೊಂಡು ಇನ್ನೂ ಒಂದಿಷ್ಟು ಜನ ಬರುತ್ತಿದ್ದಾರೆ. ಅಷ್ಟೇ ಯಾಕೆ? ನಿನಗೇ ಅಂತ ಮಾಸ್ಕ್ ಹೊಲಿಸಿಕೊಂಡು ಬರುತ್ತಿದ್ದಾರೆ ಕೆಲವರು.
ಇದನ್ನೂ ಓದಿ : Viral: ನಾಯಿಯ ಪೋಷಕರನ್ನು ಪತ್ತೆ ಹಚ್ಚಲು ಸಹಾಯ ಕೋರಿದ ರತನ್ ಟಾಟಾ
ಸೆ. 19ರಂದು ಇನ್ಸ್ಟಾಗ್ರಾಂನ ಟೈಗರ್ಸ್ ವಿಡಿಯೋ ಎಂಬ ಪುಟದಲ್ಲಿ ಅಪರೂಪದ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಈ ವಿಡಿಯೋದಲ್ಲಿ ಹುಲಿ ಒಂದೇ ಸಮ ಸೀನುತ್ತಿದೆ. ಈತನಕ 12 ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ದಾರೆ. 6.5 ಲಕ್ಷಕ್ಕೂ ಹೆಚ್ಚು ಜನರು ಈ ವಿಡಿಯೋ ಲೈಕ್ ಮಾಡಿದ್ದಾರೆ.
ಹುಲಿಯು ಸೀನುತ್ತಿರುವ ವಿಡಿಯೋ
View this post on Instagram
ನಿಜಕ್ಕೂ ಇದು ನನ್ನಂತೆಯೇ ಸೀನುತ್ತಿದೆ ಎಂದು ಒಬ್ಬರು. ನನ್ನ ಗಂಡ ಹೀಗೆಯೇ ಸೀನುತ್ತಾನೆ ಎಂದು ಇನ್ನೊಬ್ಬರು. ನಶ್ಯ ಬೇಕಾ? ಎಂದು ಮತ್ತೊಬ್ಬರು. ಕರ್ಚೀಫ್ ಸಾಕಾಗಲ್ಲವಲ್ಲ? ಎಂದು ಮಗದೊಬ್ಬರು… ಹೀಗೆ ಸಾವಿರಾರು ಜನರು ಈ ಹುಲಿಗೆ ಪರಿಪರಿಯಾಗಿ ಪ್ರತಿಕ್ರಿಯಿಸಿದ್ದಾರೆ. ನಿನ್ನನ್ನು ದೇವರು ಆಶೀರ್ವದಿಸಲಿ ಎಂದು ಹಾರೈಸಿದ್ದಾರೆ ಅನೇಕರು.
ಇದನ್ನೂ ಓದಿ : Viral Video: ‘ನಾನೂ ಊಟ ಮಾಡುತ್ತೇನೆ’; ಕರಡಿಯೊಂದು ಮಗುವಿದ್ದ ಡೈನಿಂಗ್ ಟೇಬಲ್ಗೆ ಬಂದಾಗ
ನೀನು ಹೀಗೆ ಸೀನುತ್ತ ಅಲ್ಲಿರುವ ಧೂಳನ್ನೆಲ್ಲ ಶುಚಿಗೊಳಿಸುತ್ತಿದ್ದೀ ಎಂದಿದ್ದಾರೆ ಒಬ್ಬರು. ಈತನಕ ನಾನು ನೋಡಿದ ಸೀನಿನ ವಿಡಿಯೋಗಳಲ್ಲಿ ಇದು ಬಹಳ ಮುದ್ದಾಗಿರುವಂಥದ್ದು ಎಂದಿದ್ಧಾರೆ ಇನ್ನೊಬ್ಬರು. ಸೀನಿ ಸೀನಿ ಗಿನ್ನೀಸ್ ದಾಖಲೆ ಮಾಡಲು ಹೊರಟಿರುವಂತಿದೆ ಈ ಹುಲಿ ಎಂದಿದ್ದಾರೆ ಮತ್ತೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
