Viral: ನೋಟಿನ ಮಾಲೆಯಿಂದ ಹಣ ಎಗರಿಸಿದ ಕಳ್ಳನನ್ನು ಬೆನ್ನಟ್ಟಿ ಹಿಡಿದ ವರ; ವಿಡಿಯೋ ವೈರಲ್

ಹಣ ಕಂಡರೆ ಹೆಣ ಕೂಡಾ ಬಾಯಿ ಬಿಡುತ್ತೆ ಎಂಬ ಮಾತೊಂದಿದೆ. ಹಣದ ಮಹಿಮೆಯೇ ಅಂಥದ್ದು, ಬಿಟ್ಟಿ ಸಿಗುವ ದುಡ್ಡಿಗಾಗಿ ಈ ಜನ ಕಳ್ಳತನ, ಕೊಲೆ ಮಾಡೋದಕ್ಕೂ ತಯಾರಿರುತ್ತಾರೆ. ಅದೇ ರೀತಿ ಇಲ್ಲೊಬ್ಬ ವ್ಯಕ್ತಿ ಕೂಡಾ ಬಿಟ್ಟಿ ಹಣಕ್ಕೆ ಆಸೆ ಪಟ್ಟು ಸರಿಯಾಗಿ ಗೂಸಾ ತಿಂದಿದ್ದಾನೆ. ಹೌದು ರಸ್ತೆಯಲ್ಲಿ ಕುದುರೆ ಸವಾರಿಯಲ್ಲಿ ಹೋಗ್ತಿದ್ದ ವರನ ಕೊರಳಲ್ಲಿ ಗರಿಗರಿ ನೋಟಿನ ಹಾರವನ್ನು ನೋಡಿದ ಆ ವ್ಯಕ್ತಿ ಸಿಕ್ಕಿದ್ದೇ ಚಾನ್ಸ್‌ ಎನ್ನುತ್ತಾ ನೋಟುಗಳನ್ನು ಎಗರಿಸಿದ್ದಾನೆ. ಇದರಿಂದ ಕೋಪಗೊಂಡ ವರ ಕುದುರೆಯಿಂದ ಕೆಳಗಿಳಿದು ಹಣ ಕದ್ದ ಖದೀಮನನ್ನು ಫಿಲ್ಮಿ ಸ್ಟೈಲ್‌ನಲ್ಲಿ ಚೇಸ್‌ ಮಾಡಿ, ಆತನಿಗೆ ಸರಿಯಾಗಿ ಗೂಸಾ ಕೊಟ್ಟಿದ್ದಾನೆ. ಈ ವಿಡಿಯೋ ಇದೀಗ ಭಾರೀ ವೈರಲ್‌ ಆಗುತ್ತಿದೆ.

ಈ ಘಟನೆ ಉತ್ತರ ಪ್ರದೇಶದ ಮೀರತ್‌ನಲ್ಲಿ ನಡೆದಿದ್ದು, ವರ ಕುದುರೆ ಸವಾರಿ ಮಾಡುತ್ತಿದ್ದ ವೇಳೆ ಕಳ್ಳನೊಬ್ಬ ಮದುಮಗನ ಕೊರಳಲ್ಲಿದ್ದ 50 ರೂಪಾಯಿನ ನೋಟಿನ ಹಾರದಿಂದ ಒಂದೆರಡು ನೋಟನ್ನು ಎಗರಿಸಿ ಗಾಡಿಯಲ್ಲಿ ಪರಾರಿಯಾಗಿದ್ದಾನೆ. ಇದರಿಂದ ಕೋಪಗೊಂಡ ಮದುಮಗ ಕುದುರೆಯಿಂದ ಕೆಳಗಿಳಿದು, ಕಳ್ಳನನ್ನು ಬೆನ್ನಟ್ಟಿ ಆತನನನ್ನು ಹಿಡಿದು ಹೆದ್ದಾರಿಯಲ್ಲಿಯೇ ಆತನಿಗೆ ಹಿಗ್ಗಾಮುಗ್ಗ ಥಳಿಸಿ ಗ್ರಹಚಾರ ಬಿಡಿದಿದ್ದಾನೆ.

#मेरठ में दुल्हा घुड़चढ़ी पर था. उसकी नोटों की माला से एक चोर नोट खींचकर भागा

शादी की रस्में छोड़कर दुल्हा चोर के पीछे भागा. चोर ने लोडर स्टार्ट किया और निकलने लगा. दौड़ते लोडर में खिड़की से दूल्हे ने एंट्री मारी तो चोर लोडर छोड़ भागने लगा

दूल्हे ने चोर पकड़ा और जमकर धुनाई की pic.twitter.com/7liYToncMP

— Narendra Pratap (@hindipatrakar) November 24, 2024

ನರೇಂದ್ರ ಪ್ರತಾಪ್‌ (hindipatrakar) ಎಂಬವರು ತಮ್ಮ ಎಕ್ಸ್‌ ಖಾತೆಯಲ್ಲಿ ಹಂಚಿಕೊಂಡಿರುವ ಈ ವಿಡಿಯೋದಲ್ಲಿ ಮದುಮಗ ನೋಟಿನ ಹಾರದಿಂದ ಹಣ ಕದ್ದ ಕಳ್ಳನ ಗಾಡಿಯನ್ನು ಫಿಲ್ಮಿ ಸ್ಟೈಲ್‌ನಲ್ಲಿ ಚೇಸ್‌ ಮಾಡುವಂತಹ ದೃಶ್ಯವನ್ನು ಕಾಣಬಹುದು. ಮದುಮಗ ಸಿನೆಮಾ ಹೀರೋನಂತೆ ಸಾಹಸ ಮಾಡಿ ಹಾಗೋ ಹೀಗೋ ಗಾಡಿಯೊಳಗೆ ನುಗ್ಗಿ, ಖದೀಮನನ್ನು ಗಾಡಿಯಿಂದ ನಡು ರಸ್ತೆಗೆ ದರದರನೇ ಎಳೆದೊಯ್ದು ತನ್ನ ಸ್ನೇಹಿತರ ಜೊತೆ ಸೇರಿ ಆತನಿಗೆ ಸರಿಯಾಗಿ ಗೂಸಾ ಕೊಟ್ಟಿದ್ದಾನೆ.

ಇದನ್ನೂ ಓದಿ:ಹುಲಿ ಘರ್ಜನೆ ಕೇಳಿ ಮರವೇರಿ ಕುಳಿತ ಫಾರೆಸ್ಟ್‌ ಗಾರ್ಡ್; ಮುಂದೇನಾಯ್ತು ನೋಡಿ…

ಇಂದು ಮುಂಜಾನೆ ಹಂಚಿಕೊಳ್ಳಲಾದ ಈ ವಿಡಿಯೋ 2.7 ಲಕ್ಷ ವೀಕ್ಷಣೆಗಳನ್ನು ಹಾಗೂ ಹಲವಾರು ಕಾಮೆಂಟ್ಸ್‌ಗಳನ್ನು ಪಡೆದುಕೊಂಡಿದೆ. ಒಬ್ಬ ಬಳಕೆದಾರರು ʼಒಂದೆರಡು ನೋಟಿಗಾಗಿ ವರ ಪ್ರಾಣವನ್ನು ಪಣಕ್ಕಿಡಬಾರದಿತ್ತುʼ ಎಂದು ಹೇಳಿದ್ದಾರೆ. ಮತ್ತೊಬ್ಬ ಬಳಕೆದಾರರು ʼವಧುವಿನ ಭವಿಷ್ಯ ಅಪಾಯದಲ್ಲಿದೆʼ ಎಂಬ ಕಾಮೆಂಟ್‌ ಬರೆದುಕೊಂಡಿದ್ದಾರೆ.

ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ