ಆನ್​ಲೈನ್​ ಆರ್ಡರ್​; ಸ್ಯಾನಿಟರಿ ಪ್ಯಾಡ್​ ಜೊತೆ ಚಾಕೊಲೇಟ್​ ಕುಕೀಸ್​ ಪಡೆದ ಮಹಿಳೆ

Viral Video : ಮೊಬೈಲ್, ಜೀನ್ಸ್​ ಪ್ಯಾಂಟ್​ ಇನ್ನೊಂದೇನೋ ಆರ್ಡರ್ ಮಾಡಿದರೆ ಆಲೂಗಡ್ಡೆ, ಈರುಳ್ಳಿ, ಸಾಬೂನು ಹೀಗೆ ಏನೇನೋ ಸಾಮಾನುಗಳನ್ನು ಗ್ರಾಹಕರು ಪಡೆದ ವರದಿಯನ್ನು ಈ ಹಿಂದೆ ಓದಿದ್ದೀರಿ. ಇದೀಗ ಸ್ವಿಗ್ಗಿ ಇನ್​ಸ್ಟಾಮಾರ್ಟ್​ನಿಂದ ಮಹಿಳೆಯೊಬ್ಬರು ಸ್ಯಾನಿಟರಿ ಪ್ಯಾಡ್​​ಗಾಗಿ ಆರ್ಡರ್ ಮಾಡಿದಾಗ ಅವರಿಗೆ ಪ್ಯಾಡ್​ ಜೊತೆ ಚಾಕೊಲೇಟ್​ ಕುಕೀಸ್ ಕೂಡ ದೊರೆತಿದೆ. ​ನೆಟ್ಟಿಗರೆಲ್ಲ ಆಫರ್ ಬಹಳ ಚೆನ್ನಾಗಿದೆ ಎನ್ನುತ್ತಿದ್ದಾರೆ.

I ordered sanitary pads from @SwiggyInstamart and found a bunch of chocolate cookies at the bottom of the bag.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

Pretty thoughtful!

But not sure who did it, swiggy or the shopkeeper?

— Sameera (@sameeracan) January 25, 2023

ಆರ್ಡರ್ ಮಾಡಿದ 15 ನಿಮಿಷದಲ್ಲಿ ಗ್ರಾಹಕರನ್ನು ತಲುಪುತ್ತದೆ ಸ್ವಿಗ್ಗಿ ಇನ್​ಸ್ಟಾಮಾರ್ಟ್​. ಹಾಗಾಗಿ ದೇಶದಾದ್ಯಂತ ಇದು ಇಂದು ಜನಪ್ರಿಯ ಡೆಲಿವರಿ ಕಂಪೆನಿಗಳಲ್ಲಿ ಒಂದಾಗಿದೆ. ಸಮೀರಾ ಎನ್ನುವವರು ಈ ಕಂಪೆನಿಯ ಮೂಲಕ ಸ್ಯಾನಿಟರಿ ಪ್ಯಾಡ್ ಆರ್ಡರ್ ಮಾಡಿದಾಗ ಅವರಿಗೆ ಪ್ಯಾಡ್ ಜೊತೆ ಚಾಕೋಲೇಟ್​ ಕುಕೀಸ್​ ಕೂಡ ಸಿಕ್ಕಿದೆ. ಆ ವಿಷಯವನ್ನು ಅವರು ಟ್ವೀಟ್​ ಮಾಡಿದ್ದಾರೆ.

ಇದನ್ನೂ ಓದಿ : ಆನ್​ಲೈನ್​ನಲ್ಲಿ ಆರ್ಡರ್ ಮಾಡಿದ್ದು ಜೀನ್ಸ್ ಪ್ಯಾಂಟ್​, ಮಹಿಳೆಯ ಕೈಗೆ ಸಿಕ್ಕಿದ್ದು ಈರುಳ್ಳಿ

‘ನಾನು ಸ್ಯಾನಿಟರಿ ಪ್ಯಾಡ್ ಮಾಡಿದೆ. ಆದರೆ ಚೀಲದಡಿ ಕುಕೀಸ್​ ಕೂಡ ಇತ್ತು. ಇದು ಅಂಗಡಿಯವರಿಂದ ಆದ ಸಿಹಿಪ್ರಮಾದವೋ ಅಥವಾ ಸ್ವಿಗ್ಗಿಯವರದೋ?’ ಎಂದಿದ್ದಾರೆ ಸಮೀರಾ. ಈ ಟ್ವೀಟ್​ ಅನ್ನು ಸ್ವಿಗ್ಗಿ ಇನ್​ಸ್ಟಾಮಾರ್ಟ್​ನವರಿಗೆ ಟ್ಯಾಗ್ ಮಾಡಿದ ಹಿನ್ನೆಲೆಯಲ್ಲಿ ಸ್ವಿಗ್ಗಿ ಕೇರ್, ‘ನೀವ ಆಹ್ಲಾದಕರವಾದ ದಿನವನ್ನು ಕಳೆಯಬೇಕೆಂದು ನಾವು ಇಚ್ಛಿಸುತ್ತೇವೆ ಸಮೀರಾ’ ಎಂದು ಪ್ರತಿಕ್ರಿಯಿಸಿದೆ.

ಇದನ್ನೂ ಓದಿ : ಯಾರಿಗೆ ಬೇಕು ರುಚಿರುಚಿ ಗರಿಗರಿಯಾದ ಮಿನಿಯೇಚರ್ ಜಿಲೇಬಿ

ನಿಮಗೆ ಕುಕೀಸ್​ ಸಿಕ್ಕಿದ್ದು ಒಳ್ಳೆಯದೇ, ಸ್ವಿಗ್ಗಿ ತನ್ನ ಪ್ರಚಾರಕ್ಕಾಗಿ  ಮತ್ತು ಗ್ರಾಹಕರನ್ನು ಖುಷಿಪಡಿಸಲು ಹೀಗೆ ಉಚಿತ ಉಡುಗೊರೆಗಳನ್ನು ಕೊಡುತ್ತಿರುತ್ತದೆ ಎಂದಿದ್ದಾರೆ ನೆಟ್ಟಿಗರು. ನಾನು ಹಿಂದೆ ಆರ್ಡರ್ ಮಾಡಿದಾಗೆಲ್ಲ ಬಿಸ್ಕೆಟ್​, ಚಾಕೊಲೇಟ್​, ವೇಫರ್​ಗಳನ್ನು ಸ್ವಿಗ್ಗಿ ಕಳಿಸಿದೆ ಎಂದಿದ್ದಾರೆ ಕೆಲವರು. ಇದು ಒಳ್ಳೆಯ ನಡೆ ಎಂದಿದ್ದಾರೆ ಹಲವರು.

ಯಾವುದೇ ಕಂಪೆನಿಯು ತನ್ನ ಗುರಿಯನ್ನು ತಲುಪಲು ಹೀಗೆ ಗ್ರಾಹಕಸ್ನೇಹಿಯಾಗಿ ವರ್ತಿಸಲು ಹಲವು ಮಾರ್ಗೋಪಾಯಗಳನ್ನು ಕಂಡುಕೊಳ್ಳುತ್ತಿರುತ್ತದೆ.

ನೀವೇನಂತೀರಿ?

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ

Published On - 11:46 am, Fri, 27 January 23