ಕಾಫಿ ಡೇಟ್ ವಿಥ್ ಕ್ಯಾಟ್! ನ್ಯೂಯಾರ್ಕ್ನಲ್ಲಿ ನಡೆದ ಹೀಗೊಂದು ಮುದ್ದಾದ ಪ್ರಸಂಗ
Dating : ಗೆಳತಿಯೊಂದಿಗೆ, ಗೆಳೆಯನೊಂದಿಗೆ ಕಾಫಿ ಡೇಟ್ ಹೋಗುವುದು ಸಹಜ. ಆದರೆ ಬೆಕ್ಕುಗಳೊಂದಿಗೆ? ಇಂಥ ಸಭ್ಯಸ್ಥ ಬೆಕ್ಕುಗಳನ್ನು ಈತನಕ ಕಂಡೇ ಇಲ್ಲ ಎಂದು ಅಚ್ಚರಿಗೆ ಒಳಗಾಗಿದೆ ನೆಟ್ಮಂದಿ. ನೋಡಿ ಈ ಮುದ್ದಾದ ವಿಡಿಯೋ.
Updated on: Jan 27, 2023 | 5:28 PM
Viral Video : ಬೆಕ್ಕನ್ನು ಪ್ರೀತಿಸುವವರ ಲೋಕವೇ ಬೇರೆ. ಅಲ್ಲಿ ಬೆಕ್ಕುಗಳಿಗೆ ಬಿಟ್ಟು ಬೇರೆ ಯಾರಿಗೂ ಅವರು ಜೀವನದಲ್ಲಿ ಅಷ್ಟೊಂದು ಆದ್ಯತೆ ಕೊಡಲಾರರು. ನೀವು ಬೆಕ್ಕುಪ್ರಿಯರಾಗಿದ್ದರೆ ಖಂಡಿತ ಅನುಭವಿಸಿರುತ್ತೀರಿ. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ನ್ಯೂಯಾರ್ಕ್ನ ಈ ವ್ಯಕ್ತಿ ತನ್ನೊಂದಿಗೆ ಈ ಮೂರು ಬೆಕ್ಕುಗಳನ್ನು ಕಾಫಿ ಡೇಟ್ಗೆ ಕರೆದುಕೊಂಡು ಹೋಗಿದ್ದಾನೆ. ನೆಟ್ಟಿಗರು ಈ ಮುದ್ದಾದ ಈ ವಿಡಿಯೋ ನೋಡಿ ಕಳೆದುಹೋಗುತ್ತಿದ್ದಾರೆ.
View this post on Instagram
ಇಷ್ಟೊಂದೆಲ್ಲಾ ಮನುಷ್ಯರನ್ನು ಬಿಟ್ಟು ಈ ವ್ಯಕ್ತಿ ಯಾಕೆ ಬೆಕ್ಕುಗಳ ಜೊತೆ ಕಾಫಿ ಡೇಟ್ಗೆ ಹೋಗಿರುವುದು? ಎಂದು ಯೋಚಿಸುತ್ತಿದ್ದೀರಾ? ಹಾಗಿದ್ದರೆ ಮತ್ತೊಮ್ಮೆ ಮೇಲಿನ ಪ್ಯಾರಾ ಓದಿಕೊಳ್ಳಿ! ಒಂದು ಸ್ಪಾಂಜ್ ಕೇಕ್, ಇನ್ನೊಂದು ಮೋಚಾ, ಮತ್ತೊಂದು ಡೋನರ್. ಈ ಮೂರೂ ಬೆಕ್ಕುಗಳು ಹೀಗೆ ಕಾಫಿ ಶಾಪ್ಗೆ ಹೋಗಿ ಹೀಗೆ ಸೌಮ್ಯರೀತಿಯಲ್ಲಿ ಮಧುರವಾಗಿ ಕಾಫಿ, ತಿಂಡಿಯನ್ನು ಸವಿಯುತ್ತಿರುವುದನ್ನು ನೋಡಿದರೆ, ಛೆ ನಾನೇ ಆ ಬೆಕ್ಕಾಗಿ ಹುಟ್ಟಬಾರದಿತ್ತಾ ಎಂದು ಅನ್ನಿಸದೇ ಇರದು.
ಇದನ್ನೂ ಓದಿ : ಕಂಡೀರಾ ಬಿಳಿನವಿಲ ಸೊಬಗ; ವೈರಲ್ ಆಗಿರುವ ಈ ವಿಡಿಯೋ ನೋಡಿ
ಜನವರಿ 14ರಂದು ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಈತನಕ 5 ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ದಾರೆ. 5 ಲಕ್ಷಕ್ಕೂ ಹೆಚ್ಚು ಜನರು ಈ ವಿಡಿಯೋ ಇಷ್ಟಪಟ್ಟಿದ್ದಾರೆ. ನೂರಾರು ಜನರು ಪ್ರತಿಕ್ರಿಯಿಸಿದ್ಧಾರೆ. ನಿಮ್ಮೊಂದಿಗೆ ನನಗೂ ಒಂದು ಸೀಟ್ ಕಾಯ್ದಿರಿಸಿ ಪ್ಲೀಸ್ ಎಂದಿದ್ದಾರೆ ಒಬ್ಬರು. ಪ್ರ್ಯಾಮ್ನಿಂದ ಜಿಗಿದು ಹೊರೋಡುವುದಿಲ್ಲವೆ? ಹೇಗೆ ಇವುಗಳನ್ನು ನಿಭಾಯಿಸಿದ್ದೀರಿ! ನಿಮ್ಮ ತಾಳ್ಮೆಗೆ ಶರಣು ಎಂದಿದ್ದಾರೆ ಮತ್ತೊಬ್ಬರು.
ಇದನ್ನೂ ಓದಿ : ನಾಯಿಮರಿ ತನ್ನ ಜನನ ಪ್ರಮಾಣ ಪತ್ರಕ್ಕೆ ಕಾಲ್ಬೆರಳು ಒತ್ತಿ ಸಹಿ ಮಾಡಿರುವ ವಿಡಿಯೋ ವೈರಲ್
ನನ್ನ ಮಗನೊಂದಿಗೆ ಈ ವಿಡಿಯೋ ನೋಡಿ ನಗುತ್ತಿದ್ದೇನೆ. ಇವುಗಳನ್ನು ಅದು ಹೇಗೆ ಸಾರ್ವಜನಿಕ ಸ್ಥಳದಲ್ಲಿ ನಿಭಾಯಿಸುತ್ತೀರಿ ಎಂದು ಮಗದೊಬ್ಬರು ಕೇಳಿದ್ದಾರೆ. ಇವು ಯಾವ ತಳಿಯ ಬೆಕ್ಕುಗಳು? ನೀವು ಆಗಾಗ ಈ ಬೆಕ್ಕುಗಳನ್ನು ಕಾಫಿ ಡೇಟ್ಗೆ ಕರೆದುಕೊಂಡು ಬರುತ್ತೀರಾ? ಬೆಕ್ಕುಗಳಿಗೆ ಕಾಫಿ, ಸ್ನ್ಯಾಕ್ಸ್ ಕೊಡಬಹುದೆ? ಅವುಗಳ ದೇಹಕ್ಕೆ ತೊಂದರೆಯಾಗುವುದಿಲ್ಲವೆ? ಎಂದು ಅನೇಕರು ಕೇಳಿದ್ದಾರೆ. ಇಷ್ಟು ಸಭ್ಯಸ್ಥ ಬೆಕ್ಕುಗಳನ್ನು ನಾನು ಈತನಕ ನೋಡಿಯೇ ಇಲ್ಲ. ಅದು ಹೇಗೆ ತರಬೇತಿ ಕೊಟ್ಟಿರಿ, ನಮಗೂ ಸ್ವಲ್ಪ ಹೇಳಿ ಎಂದಿದ್ದಾರೆ ಕೆಲವರು.
ನೀವೇನಂತೀರಿ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
