Viral Video: ಸಿಡ್ನಿ; ಹಾಸ್ಟೆಲ್ನಲ್ಲಿ ಎಲೆಕ್ಟ್ರಿಕ್ ಬೈಕ್ ಬ್ಯಾಟರಿ ಸ್ಫೋಟ, ಪಾರಾದ ಪ್ರವಾಸಿಗರು
Sydney: ಸಿಡ್ನಿಯ 70ಕ್ಕೂ ಹೆಚ್ಚು ಪ್ರವಾಸಿಗರು ಇದ್ದ ಪ್ರವಾಸಿ ಹಾಸ್ಟೆಲ್ನಲ್ಲಿ ಎಲೆಕ್ಟ್ರಿಕ್ ಬೈಕ್ ಸ್ಫೋಟಗೊಂಡಿದೆ. ಅದೃಷ್ಟವಶಾತ್ ಇಬ್ಬರು ಪ್ರವಾಸಿಗರು ಕೂದಲೆಳೆ ಅಂತರದಲ್ಲಿ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಇ ಬೈಕ್ ಬಗ್ಗೆ ಚರ್ಚೆ ನಡೆಸುತ್ತಿದ್ದಾರೆ. ಅನೇಕರು ಭಯಗೊಂಡಿದ್ದಾರೆ. ಪೆಟ್ರೋಲ್ ಉಳಿಸಲು ಹೋಗಿ ಪ್ರಾಣಾಪಾಯ ತಂದುಕೊಳ್ಳುವುದೇ ಎನ್ನುತ್ತಿದ್ದಾರೆ.
Updated on:Oct 06, 2023 | 2:21 PM
Electric Bike: ಇದೀಗ ವೈರಲ್ ಆಗಿರುವ ಈ ವಿಡಿಯೋ ಸಿಡ್ನಿ (Sydney) ಮೂಲದ್ದು. ಇಲ್ಲಿಯ ಪ್ರವಾಸಿ ಹಾಸ್ಟೆಲ್ ಒಂದರಲ್ಲಿ ಎಲೆಕ್ಟ್ರಿಕ್ ಬೈಕ್ನ ಬ್ಯಾಟರಿ ಸ್ಫೋಟಗೊಂಡಿದೆ. ಬೆಂಕಿಯು ಅತಿವೇಗದಲ್ಲಿ ಬಹುಮಹಡಿಯನ್ನು ಆವರಿಸಿದೆ. ಅದೃಷ್ಟವಶಾತ್ ಇಬ್ಬರು ಪ್ರವಾಸಿಗರು (Backpackers) ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಈ ಕಟ್ಟಡದಲ್ಲಿ ವಾಸವಾಗೊದ್ದ 70ಕ್ಕೂ ಹೆಚ್ಚು ಪ್ರವಾಸಿಗರನ್ನು ತಕ್ಷಣವೇ ಬೇರೆಡೆ ಸ್ಥಳಾಂತರಿಸಲಾಗಿದೆ. ಈ ಆಘಾತಕಾರಿ ದೃಶ್ಯವು ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಡಿಯೋ ನೋಡಿದ ನೆಟ್ಟಿಗರು ಭಯಗೊಂಡಿದ್ದಾರೆ, ಎಲೆಕ್ಟ್ರಿಕ್ ಬೈಕ್ ಬಗ್ಗೆ ಅವರು ಚರ್ಚೆ ನಡೆಸುತ್ತಿದ್ದಾರೆ.
ಇದನ್ನೂ ಓದಿ : Viral Video: ‘9 ವರ್ಷದವಳಿದ್ದಾಗ ಅತ್ಯಾಚಾರಕ್ಕೆ ಒಳಗಾದೆ, ಮೊದಲ ಸಲ ಹುಡುಗ ಎರಡನೇ ಸಲ’
ಮ್ಯಾಡ್ ಮಂಕಿ ಡೌನ್ಟೌನ್ ಬ್ಯಾಕ್ಪ್ಯಾಕರ್ಸ್ ಹಾಸ್ಟೆಲ್ನಲ್ಲಿ ಇಬ್ಬರು ಪ್ರವಾಸಿಗರು ತಮ್ಮ ಕೋಣೆಗಳಿಂದ ಹೊರಬರುತ್ತಿದ್ದಾಗ ಇ -ಬೈಕ್ನ ಲಿಥಿಯಂ-ಐಯಾನ್ ಬ್ಯಾಟರಿ ಸ್ಫೋಟಗೊಂಡಿದೆ. ಸ್ವಲ್ಪದರಲ್ಲಿಯೇ ಈ ಇಬ್ಬರೂ ಅಲ್ಲಿಂದ ಓಟಕಿತ್ತಿದ್ದಾರೆ. ತಕ್ಷಣವೇ ಇಬ್ಬರೂ ಓಡಿ ಬಂದು ಕಿಂಗ್ಸ್ ಕ್ರಾಸ್ ಪೊಲೀಸ್ ಠಾಣೆಗೆ ಧಾವಿಸಿ ನೆರವು ಕೇಳಿದ್ದಾರೆ. ಈ ಇಬ್ಬರ ಪೈಕಿ ಇಪ್ಪತ್ತರ ಹರೆಯದವನ ಕಾಲು ಸುಟ್ಟ ಗಾಯಗಳಾಗಿವೆ. ಹೆಚ್ಚಿನ ಚಿಕಿತ್ಸೆಗಾಗಿ ವಿನ್ಸೆಂಟ್ ಆಸ್ಪತ್ರೆಗೆ ಸೇರಿಸಲಾಗಿದೆ.
ಎಲೆಕ್ಟ್ರಿಕ್ ಬೈಕ್ ಸ್ಫೋಟ್ಗೊಂಡಾಗ…
Two backpackers made a lucky escape from a Lithium-ion battery fireball at a hostel in Darlinghurst, Sydney this morning. It’s believed an e-bike exploded. Learn about battery safety here: https://t.co/vWejAIwUNu pic.twitter.com/zJGf184KuS
— Fire and Rescue NSW (@FRNSW) October 4, 2023
ತಕ್ಷಣವೇ ಸೌತ್ ವೇಲ್ಸ್ನ ಅಗ್ನಿಶಾಮಕದಳದ 22 ಸದಸ್ಯರು ಡಾರ್ಲಿಂಗ್ಹರ್ಸ್ಟ್ ರಸ್ತೆಗೆ ಬಂದು ಅಗ್ನಿಶಾಮಕ ಬೆಂಕಿಯನ್ನು ಯಶಸ್ವಿಯಾಗಿ ನಂದಿಸಿದ್ದಾರೆ. ಆದರೆ ಕಟ್ಟಡ ಮಾತ್ರ ಸಾಕಷ್ಟು ಹಾನಿಗೊಳಗಾಗಿದೆ. ಈ ಘಟನೆಯ ಕುರಿತು ಪೊಲೀಸರು ತನಿಖೆ ನಡೆಸಿದಾಗ, ಇ-ಬೈಕ್ನ ದೋಷಪೂರಿತ ಬ್ಯಾಟರಿಯೇ ಕಾರಣ ಎನ್ನುವುದು ತಿಳಿದುಬಂದಿದೆ.
ಇದನ್ನೂ ಓದಿ : Viral Video: ಎಸಿಡ್ ದಾಳಿ; ‘ಅವರು ಕಣ್ಣಿಟ್ಟಿದ್ದು ನನ್ನ ಸ್ನೇಹಿತೆಯ ಮೇಲೆ, ಗುರಿಯಾಗಿದ್ದು ನಾನು’
ಈ ವಿಡಿಯೋ ನೋಡಿದ ನೆಟ್ಟಿಗರು, ಹಾಸ್ಟೆಲ್ನ ಒಳಗೆ ಯಾಕೆ ಈ ಬೈಕ್ ಇಡಲಾಗಿತ್ತು. ಪೆಟ್ರೋಲ್ ಹಣ ಉಳಿಸಲು ಹೋದರೆ ಹೀಗೇ.. ಇದು ಯಾವ ಬೈಕ್, ದಯವಿಟ್ಟು ಹೇಳಿ. ಇದರಿಂದ ಉಂಟಾಗುವ ಅಪಘಾತವನ್ನು ತಪ್ಪಿಸಲು ಅನುಕೂಲವಾಗುತ್ತದೆ… ಅಂತೆಲ್ಲ ಪ್ರತಿಕ್ರಿಯಿಸಿದ್ದಾರೆ.
ಇದನ್ನು ಓದಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 2:17 pm, Fri, 6 October 23
