ತಲೆಕೆಳಗೆ ಮಾಡಿ ಕತ್ತರಿಗೈಯಲ್ಲಿ ಪಿಯಾನೋ ನುಡಿಸುವ ಈ ಪ್ರತಿಭಾನ್ವಿತೆ

Viral Video : ಯಾವ ಕಲೆಯೂ ಸರಾಗವಾಗಿ ಬಾರದು. ಸಾಕಷ್ಟು ಪರಿಶ್ರಮ ತಾಳ್ಮೆ ನಿತ್ಯ ಅಭ್ಯಾಸ ಬೇಕೇಬೇಕು. ಚೀನಾದಲ್ಲಿ ಈ ಹುಡುಗಿ ಎಷ್ಟೊಂದು ನಿರಾಯಾಸವಾಗಿ ತಲೆಕೆಳಗೆ ಮಾಡಿಕೊಂಡು ಕತ್ತರಿಗೈಯಲ್ಲಿ ಪಿಯಾನೋ ನುಡಿಸುತ್ತಿದ್ದಾಳೆ ನೋಡಿ ಮತ್ತು ಕೇಳಿ. ನೆಟ್ಟಿಗರಂತೂ ದಂಗು ಬಡಿದು ನೋಡುತ್ತಿದ್ದಾರೆ ಈ ಅದ್ಭುತವಾದ ವಿಡಿಯೋ ಅನ್ನು. ಇವಳ ಅಸಾಧಾರಣ ಪ್ರತಿಭೆ ಮತ್ತು ಕೌಶಲಕ್ಕೆ ಕ್ಯಾ ಬಾತ್ ಹೈ ಎನ್ನುತ್ತಿದ್ದಾರೆ. ಈಕೆಯ ಹೆಸರು ಶೆನ್​. ಹೀಗೇ ಒಂದು ದಿನ ಪಿಯಾನೋ ಅಭ್ಯಾಸ ಮಾಡುವಾಗ ಬೇಸರ ಬರುತ್ತಿತ್ತು. ಅದನ್ನು ಒಂದು ಮೋಜಿನಂತೆ ಪರಿವರ್ತಿಸಿಕೊಳ್ಳಲು ಈ ಹಾದಿ ಕಂಡುಕೊಂಡೆ ಎಂದು ನೌ ದಿಸ್ ನ್ಯೂಸ್​ಗೆ ತಿಳಿಸಿದ್ದಾಳೆ ಈ ಹುಡುಗಿ.

ಈ ವಿಡಿಯೋದಲ್ಲಿ ನುಡಿಸಿದ ಹಾಡು ‘ಡಾಲ್ ಅಂಡ್ ಬೇರ್ ಡ್ಯಾನ್ಸಿಂಗ್’. ಈ ವಿಡಿಯೋ ಈತನಕ ಸುಮಾರು 30,000 ವೀಕ್ಷಕರನ್ನು ತಲುಪಿದೆ. 27 ಕ್ಕೂ ಹೆಚ್ಚು ರೀಟ್ವೀಟ್​ಗೆ ಒಳಗಾಗಿದೆ. ‘ಬಡ್ಡಿಂಗ್ ರಾಕ್‌ಸ್ಟಾರ್’ ಎಂದು ನೆಟ್ಟಿಗರೊಬ್ಬರು ಕರೆದಿದ್ದಾರೆ. ಅದ್ಭುತ ಮೆದುಳು ಈಕೆಯದು ಎಂದಿದ್ದಾರೆ ಮತ್ತೊಬ್ಬರು.

ಕಲೆ ಎನ್ನುವುದು ಸ್ವಂತ ಆಸಕ್ತಿಯಿಂದ ಹುಟ್ಟುವಂಥದ್ದು. ಯಾರ ಒತ್ತಾಯಕ್ಕೂ ಈ ಸೃಜನಶೀಲ ಕಲೆಗಳು ಒಲಿಯಲಾರವು. ಎದ್ದರೂ ಬಿದ್ದರೂ ಬೇಸರವಾದರೂ ಖುಷಿಯಾದರೂ ಕಲೆಯೇ ಅಂತಿಮ ಎಂದು ಅದರೊಂದಿಗೆ ಒಂದಾದಾಗ ಮಾತ್ರ ಸಾಧನೆ ಸಾಧ್ಯ.

ಈಗ ಈ ಕಲಾವಿದೆಯನ್ನೇ ಗಮನಿಸಿ, ತನಗೆ ಪ್ರ್ಯಾಕ್ಟೀಸ್ ಮಾಡುವುದು ಬೇಸರವೆಂದು ಹೀಗೊಂದು ಉಪಾಯ ಕಂಡುಕೊಂಡು ವಿಡಿಯೋ ಮಾಡಿ ಹಂಚಿಕೊಂಡು ಅಷ್ಟೇ ಚೈತನ್ಯ ಕಂಡುಕೊಂಡಳು. ನಮ್ಮ ಖುಷಿಯ ಮೂಲ ನಮ್ಮಲ್ಲೇ ಇರುತ್ತದೆ ಎನ್ನುವುದಕ್ಕೆ ಈ ವಿಡಿಯೋ ಮಾದರಿ.

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ