ಓಹ್​ ಕಾರು! ಎಲ್ಲಿಗೆ ಹೋಗ್ತಿದೀವಿ? ಸ್ಕ್ಯಾನಿಂಗ್​​ಗೆ, ಕಿಮೋಥೆರಪಿಗೆ, ಸರ್ಜರಿಗೆ…

Viral Video : ಒಮ್ಮೆಯಾದರೂ ಕ್ಯಾನ್ಸರ್​ (Cancer) ಪೀಡಿತ ಮಕ್ಕಳ ವಾರ್ಡ್​ಗೆ ಹೋಗಿ ಬಂದಿದ್ದೀರಾ? ಜೀವನದ ನಿಮ್ಮ ಸಾಕಷ್ಟು ಸಮಸ್ಯೆಗಳಿಗೆ ಮೌನದಲ್ಲಿಯೇ ಅಲ್ಲಿ ಉತ್ತರಗಳು ಸಿಗುತ್ತವೆ. ಆ ಮಕ್ಕಳ ಒದ್ದಾಟ, ಹೆತ್ತವರ ಸಂಕಟ, ವೈದ್ಯರುಗಳ ಸವಾಲುಗಳು, ಅಸಹಾಯಕತೆ, ನೋವು ಎಲ್ಲದರ ಮಧ್ಯೆ ಭರವಸೆ ಕಳೆದುಕೊಳ್ಳದ ಆಸೆಯ ಎಳೆ… ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ಟರ್ಕಿಯ ಕಾಯ್ಸೇರಿ ಆಸ್ಪತ್ರೆಯೊಂದು ಕ್ಯಾನ್ಸರ್​ ಪೀಡಿತ ಮಕ್ಕಳ ಚಿಕಿತ್ಸೆಗಾಗಿ ಆಸ್ಪತ್ರೆಯಂಗಳದೊಳಗೆ ಓಡಾಡಲು ಮಿನಿ ಕಾರುಗಳ ವ್ಯವಸ್ಥೆ ಮಾಡಿದೆ. ನೆಟ್ಟಿಗರು ಹೃದಯಸ್ಪರ್ಶಿಯಾದ ಈ ವಿಡಿಯೋ ನೋಡಿ ಮಮ್ಮಲ ಮರಗುತ್ತಿದ್ದಾರೆ.

(VIDEO) Turkish hospital gives children electric cars to drive to cancer treatment

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

At a hospital in Turkish city of Kayseri, children with cancer can get on mini battery-operated cars, instead of a stretcher, to go to their treatment room pic.twitter.com/0GjmsKeTac

— ANADOLU AGENCY (@anadoluagency) February 1, 2023

ಇಂತಹ ಭಯಂಕರ ಕಾಯಿಲೆಗೆ ಮಕ್ಕಳು ತುತ್ತಾದಾಗ ಎದುರಿಗೆ ಇರುವುದು ಏನು? ಚಿಕಿತ್ಸೆ ಮತ್ತು ದೇವರ ಮೊರೆ. ಒಂದಾದ ಮೇಲೊಂದು ಪರೀಕ್ಷೆ, ಚಿಕಿತ್ಸೆ ಅಂತೆಲ್ಲ ಓಡಾಡುವುದು ಮುಗಿಯದ ಮಾತು. ಈ ಎಲ್ಲ ಓಡಾಟ, ಒದ್ದಾಟದ ಮಧ್ಯೆ ಮಕ್ಕಳ ಕಣ್ಣಲ್ಲಿರುವ ಭಾವ ಯಾರನ್ನೂ ಹಿಂಡಿಬಿಡುತ್ತದೆ. ಎಲ್ಲ ನೋವಿನ ಮಧ್ಯೆಯೇ ಮಕ್ಕಳು ತುಸು ಗೆಲುವಿನಿಂದ ಇರಲಿ ಎಂಬ ಕಾರಣಕ್ಕೆ ಟರ್ಕಿಯ ಈ ಆಸ್ಪತ್ರೆಯಲ್ಲಿ ಸ್ಟ್ರೆಚರ್ ಬದಲಾಗಿ ಎಲೆಕ್ಟ್ರಿಕ್​ ಮಿನಿ ಕಾರುಗಳನ್ನು ಮಕ್ಕಳಿಗಾಗಿ ಮೀಸಲಿಡಲಾಗಿದೆ.

ಇದನ್ನೂ ಓದಿ : ಸಂಗೀತ ರಸ್ತೆ; ನಿಗದಿತ ವೇಗದಲ್ಲಿ ಚಲಿಸಿದರೆ ಈ ರಸ್ತೆಗಳು ಹಾಡುತ್ತವೆ, ನೋಡಿ ವಿಡಿಯೋ

ಬಲೂನೆಂದರೆ ಮಕ್ಕಳಿಗೆ ಇನ್ನಿಲ್ಲದ ನಂಟು. ಮಕ್ಕಳ ಎಂಥ ನೋವನ್ನೂ ಮರೆಸುವ ಶಕ್ತಿ ಈ ಉಸಿರುಪುಗ್ಗೆಗಳಿಗಿವೆ. ಆ ಬಣ್ಣಬಣ್ಣದ ಬಲೂನುಗಳನ್ನು ನೋಡುತ್ತಲೇ ಮಕ್ಕಳು ಚಿಕಿತ್ಸೆಯ ಕೊಠಡಿಗೆ ಆ ಕಾರುಗಳಲ್ಲಿ ಹೋಗಬೇಕು. ಹಾಗೆ ಹೋಗುತ್ತಲೇ ಚಿಕಿತ್ಸೆಗಾಗಿ ಟೇಬಲ್ ಮೇಲೆ ಅವು ಮಲಗಬೇಕು. ಮುಂದಿನದನ್ನು ಹೇಳಲು ಪದಗಳಿಲ್ಲ. ಮತ್ತೆ ಚಿಕಿತ್ಸೆಯಿಂದ ಅದೇ ಕಾರಲ್ಲಿ ಮರಳಿ ವಾರ್ಡ್​ಗೆ ಬಂದಾಗ ಗೋಡೆಯ ಮೇಲೆ ಎನಿಮೇಟೆಡ್​ ವಾಲ್​ಪೇಪರ್​ಗಳು ನೋವನ್ನು ಮರೆಸಲು ಸಹಾಯ ಮಾಡುತ್ತವೆ. ಆ ಗೋಡೆಗಳಿಂದ ಮಧುರವಾದ ಸಂಗೀತ ಅಲ್ಲಿಂದ ಹೊಮ್ಮಿಬರುತ್ತಿರುತ್ತದೆ.

ಇದನ್ನೂ ಓದಿ : ಬೈಕ್​ ಮೇಲೆ ಬೆಕ್ಕಿನ ಸವಾರಿ ಆಯಿತು ಈಗ ಕಾರ್ ಮೇಲೆ ನಾಯಿಯ ಸರದಿ; ಆಕ್ರೋಶಗೊಂಡ ನೆಟ್​​ಮಂದಿ

ಈಗಾಗಲೇ ಈ ವಿಡಿಯೋ ಅನ್ನು ಸುಮಾರು 3,000 ಜನರು ನೋಡಿದ್ದಾರೆ. ಇಂಥ ಮಕ್ಕಳನ್ನು ಆದಷ್ಟು ಖುಷಿಯಾಗಿಡುವ ಆಲೋಚನೆಯನ್ನು ಮಾಡಿ, ಇಂಥ ವ್ಯವಸ್ಥೆ ರೂಪಿಸಿರುವ ಆಸ್ಪತ್ರೆ ನಿಜಕ್ಕೂ ಮಾದರಿ ಎಂದು ನೆಟ್ಟಿಗರು ಶ್ಲಾಘಸಿದ್ದಾರೆ. ಹಾಗೆಯೇ ಇಲ್ಲಿರುವ ಎಲ್ಲ ಮಕ್ಕಳೂ ಬೇಗ ಹುಷಾರಾಗಲೆಂದು ಪ್ರಾರ್ಥಿಸುತ್ತಿದ್ದಾರೆ.

ಓಡಿಹೋಗು ಕ್ಯಾನ್ಸರ್​ ಗುಮ್ಮಾ ಪ್ಲೀಸ್​…

ನೀವೇನಂತೀರಿ?

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 6:14 pm, Fri, 3 February 23