‘ತಮ್ಮಾ, ಇವು ಸಿಂಹದ ಮರಿಗಳೋ, ಬೆಕ್ಕಿನಮರಿಗಳಲ್ಲ’ ಯುವಕನಿಗೆ ನೆಟ್ಟಿಗರ ಪಾಠ

Viral Video : ನಾಡಿನಲ್ಲೇ ಇದ್ದರೂ ಸ್ವಭಾವತಃ ಕಾಡುಪ್ರಾಣಿಗಳು ಅಪಾಯಕಾರಿಯೇ. ಹುಚ್ಚುಹವ್ಯಾಸವೋ, ಸಾಹಸವೋ ಗೊತ್ತಿಲ್ಲ, ಹೀಗೆ ಕಾಡುಪ್ರಾಣಿಗಳೊಂದಿಗೆ ವಿಡಿಯೋ, ಫೋಟೋ, ಸೆಲ್ಫಿ ಎಂದೆಲ್ಲ ಪ್ರಯತ್ನಿಸುವುದಂತೂ ಸರಿಯಲ್ಲ. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿದ ನೆಟ್ಟಿಗರು, ಆಟಿಕೆಯ ಸಿಂಹದಮರಿಗಳು ಇವಲ್ಲ, ಅವುಗಳೊಂದಿಗೆ ಹೀಗೆಲ್ಲ ಆಟವಾಡುವುದು ಮುದ್ದಾಡುವುದು ಸರಿಯಲ್ಲ ಎಂದು ಬುದ್ಧಿ ಹೇಳುತ್ತಿದ್ದಾರೆ ಈ ಯುವಕನಿಗೆ.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

View this post on Instagram

A post shared by Md Gulzar (@basit_ayan_3748)

@basit_ayan_2748 ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋ ನೋಡಬಹುದಾಗಿದೆ. ಕಾರಿನ ಬಾನೆಟ್​ ಮೇಲೆ ಕುಳಿತ ಈ ಸಿಂಹದ ಮರಿಗಳನ್ನು ಈತ ಮುದ್ದು ಮಾಡುತ್ತಿದ್ದಾನೆ. ಮುದ್ದುಮಾಡುತ್ತಿದ್ದಾನೆಂದರೆ ವಿಡಿಯೋ, ಫೋಟೋಗೆ ಪೋಸ್​ ಕೊಡುತ್ತಲೇ ಅಲ್ಲವೆ? ಅವರು ವಿಡಿಯೋ ತೆಗೆಯೋತನಕ ನಾವು ಹೀಗೆ ಸುಮ್ಮನೆ ಪೋಸ್​ ಕೊಡುತ್ತಿರಬೇಕು ಎನ್ನುವುದು ಸಿಂಹದಮರಿಗಳಿಗೆ ಅರ್ಥವಾಗಿ ಶಾಂತವಾಗಿ ಕುಳಿತುಕೊಳ್ಳುತ್ತವೆಯೇ? ಮೈಮೇಲೆ ಕೈಯ್ಯಾಡಿಸುತ್ತಲೇ ಇರುವ ಈ ಯುವಕನನ್ನು ಒಂದು ಸಿಂಹದ ಮರಿ ಸಹಿಸಿಕೊಂಡಿದೆ. ಇನ್ನೊಂದು ಮರಿ ಮಾತ್ರ ತಿರುಗಿ ನಿಂತಿದೆ. ಆಗ ನಿಲ್ಲಲ್ಲು ಧೈರ್ಯವಾದೀತೇ ಈ ಯುವಕನಿಗೆ? ಹೇಳಿಕೇಳಿ ಸಿಂಹ, ಆಕ್ರಮಣಕಾರಿಯೇ.

ಕಳೆದ ತಿಂಗಳಿನಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೋ ಅನ್ನು ಸುಮಾರು 2,74,000 ಜನ ಇಷ್ಟಪಟ್ಟಿದ್ದಾರೆ.  3 ಮಿಲಿಯನ್​ಗಿಂತಲೂ ಹೆಚ್ಚು  ಜನ ಇದನ್ನು ವೀಕ್ಷಿಸಿದ್ದಾರೆ. ನೆಟ್ಟಿಗರು ಈ ವಿಡಿಯೋ ನೋಡಿ ಇಲ್ಲಿರುವ ಯುವಕನಿಗೆ ಬುದ್ಧಿ ಹೇಳಿದ್ಧಾರೆ. ‘ಇದು ಮೂರ್ಖತನ’ ಎಂದು ಒಬ್ಬರು. ‘ಇಲ್ಲಿ ಥಂಬ್ಸ್​ ಡೌನ್​ ಎಮೋಟಿಕಾನ್​ ಎಲ್ಲಿದೆ’ ಎಂದು ಮತ್ತೊಬ್ಬರು, ‘ಇದು ಬಹಳ ಅಪಾಯಕಾರಿ, ಮತ್ತೊಮ್ಮೆ ಪ್ರಯತ್ನಿಸಬೇಡಿ’ ಎಂದು ಮಗದೊಬ್ಬರು, ‘ಇದು ಪ್ರಾಣಿಹಿಂಸೆ’ ಎಂದು ಇನ್ನೂ ಒಬ್ಬರು ಹೇಳಿದ್ದಾರೆ. ‘ಹುಲಿ, ಸಿಂಹ, ಚಿರತೆ, ಜಾಗ್ವಾರ್ ಎಲ್ಲವೂ ಕಾಡುಪ್ರಾಣಿಗಳೇ’ ಎಂದು ಮತ್ತೊಬ್ಬರು ತಿಳಿಹೇಳಿದ್ಧಾರೆ. ಈ ವಿಡಿಯೋ ಎಲ್ಲಿ ಚಿತ್ರೀಕರಿಸಲಾಗಿದೆ ಎನ್ನವ ಮಾಹಿತಿ ಇಲ್ಲ.

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 12:18 pm, Tue, 11 October 22