ದುಬಾರಿ ಬೈಕ್ ಮೇಲೆ ಹಾಲು ಮಾರುವವನ ಸವಾರಿ; ದುಡಿದದ್ದೆಲ್ಲ ಪೆಟ್ರೋಲಿಗೆ ಎನ್ನುತ್ತಿರುವ ನೆಟ್ಟಿಗರು
Harley Davidson : ಸೈಕಲ್ ಮೇಲೆ, ಸ್ಕೂಟರ್ ಮೇಲೆ ಹಾಲು ಕೊಡಲು ಬರುವವರನ್ನು ನೋಡಿದ್ದೇವೆ. ಆದರೆ ಲಕ್ಷಗಟ್ಟಲೆ ಕೊಟ್ಟು ಹಾರ್ಲೆ ಡೇವಿಡ್ಸನ್ ಎಂಬ ದುಬಾರಿ ಬೈಕ್ ಮೇಲೆ ಹಾಲು ಮಾರಲು ಹೋಗುವವರನ್ನು ನೋಡಿದ್ದೀರಾ? ನೋಡಿ.
Updated on:Jan 06, 2023 | 5:12 PM
Viral Video : ಚಿಕ್ಕಂದಿನಲ್ಲಿ ಹಾಲಿನ ಡೇರಿಗೆ ಹೋಗಿ ಹಾಲು ತರುತ್ತಿದ್ದೆವು. ಸೈಕಲ್ಗಳ ಮೇಲೆ ಹಾಲು ಮಾರುವವರಿಂದ ಹಾಲು ತೆಗೆದುಕೊಳ್ಳುತ್ತಿದ್ದೆವು. ನಂದಿನಿ ಮತ್ತಿತರ ಅಂಗಡಿಗಳಿಗೆ ಹೋಗುತ್ತಿದ್ದೆವು. ಕಾಲ ಸರಿದಂತೆ ಹಾಲು ಮಾರುವವರು ಸ್ಕೂಟರ್ಗಳ ಮೇಲೆ ಮನೆಮನೆಗೆ ಬಂದು ಹಾಲು ಕೊಡುವುದು ಸಾಮಾನ್ಯ ಎಂಬಂತಾಯಿತು. ಆದರೆ ಇದೀಗ ವೈರಲ್ ಆಗುತ್ತಿರುವ ಈ ವಿಡಿಯೋದಲ್ಲಿ ಈ ವ್ಯಕ್ತಿ ಹಾರ್ಲೆ ಡೇವಿಡ್ಸನ್ ಎಂಬ ದುಬಾರಿ ಬೈಕ್ ಮೇಲೆ ಹಾಲು ಮಾರಲು ಹೊರಟಿದ್ದಾನೆ.
ಅಮಿತ್ ಭಡಾನಾ ಎನ್ನುವವರು ಈ ವಿಡಿಯೋ ಹಂಚಿಕೊಂಡಿದ್ಧಾರೆ. ಬೈಕ್ನ ಎರಡೂ ಬದಿ ಹಾಲಿನ ಕ್ಯಾನುಗಳು ನೇತಾಡುತ್ತಿವೆ. ಇದು ಯಾವ ಊರಿನಲ್ಲಿ ಚಿತ್ರೀಕರಿಸಿರುವುದೆಂದು ತಿಳಿದು ಬಂದಿಲ್ಲ. ಡಿಸೆಂಬರ್ 18 ರಂದು ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ತನಕ ಸುಮಾರು 3 ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ದಾರೆ.
ಇದನ್ನೂ ಓದಿ : ದಂತಶಕ್ತಿ; 15,730 ಕಿ.ಗ್ರಾಂ ಟ್ರಕ್ ಅನ್ನು ಹಲ್ಲುಗಳಿಂದ ಎಳೆದು ಗಿನ್ನೀಸ್ ವಿಶ್ವ ದಾಖಲೆ ಮಾಡಿದ ಈಜಿಪ್ತಿನ ಸಾಹಸಿಯ ವಿಡಿಯೋ ವೈರಲ್
ನಿನಗೆ ಹಾರ್ಲೆ ಗಿಫ್ಟ್ ಕೊಡ್ತೀನಿ ಫ್ಯಾಮಿಲಿ ಬಿಝಿನೆಸ್ ಮಾಡು ಎಂದು ಅಪ್ಪ ಹೇಳಿದಾಗ… ಎಂದು ತಮಾಷೆ ಕ್ಯಾಪ್ಷನ್ ಕೊಟ್ಟು ಪ್ರತಿಕ್ರಿಯಿಸಿದ್ದಾರೆ ಒಬ್ಬರು. ಅಣ್ಣಾ ನೀ ಎಷ್ಟೇ ದುಬಾರಿ ಗಾಡಿ ತೆಗೆದುಕೊಂಡರೂ ಹೆಲ್ಮೆಟ್ ಹಾಕದೆ ಓಡಿಸಬೇಡ ಎಂದಿದ್ದಾರೆ ಇನ್ನೂ ಒಬ್ಬರು. ಅಯ್ಯೋ ನಿಮ್ಮ ಹಾಲು ಮಾರಿ ಪಡೆದ ಹಣವೆಲ್ಲ ಪೆಟ್ರೋಲಿಗೇ ಹೋಗುತ್ತದೆಯಲ್ಲ ಎಂದಿದ್ದಾರೆ ಮತ್ತೊಬ್ಬರು. ನಿಮಗೆ ಒಳ್ಳೆಯದಾಗಲಿ ಬೈಕ್ ಲವ್ ಹೀಗೇ ಸಾಗಲಿ ಎಂದಿದ್ದಾರೆ ಹಲವಾರು ಜನ.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 5:03 pm, Fri, 6 January 23
