ಒಂಟಿಗಾಲಿನಲ್ಲಿ ಒಂಟಿಗೈಯಲ್ಲಿ ನಿತ್ಯವೂ ಬದುಕಿನ ಬಂಡಿ ಎಳೆಯುವ ಈ ದಿವ್ಯಾಂಗ

Viral Video : ನಮ್ಮ ನಡುವಿನ ಅನೇಕ ದಿವ್ಯಾಂಗರು (Specially Ablded) ಸ್ವಾಭಿಮಾನಿಗಳು. ಅವರಿಗೆ ದುಡಿದು ತಿನ್ನುವ ಛಲ. ಆದರೆ ಸಮಾಜ ಅವರನ್ನು ಇನ್ನೂ ಅಸಹಾಯಕರಂತೆಯೇ ನಡೆಸಿಕೊಳ್ಳುತ್ತಿದೆ. ಸ್ವಲ್ಪ ನಮ್ಮನ್ನು ಕೈ ಹಿಡಿದೆತ್ತಿದರೆ ಸಾಕು, ನಮಗೂ ಕನಸುಗಳಿಗೂ ಬಲ ಬರುತ್ತದೆ ಎಂಬ ನಿಲುವು ದಿವ್ಯಾಂಗರದು. ಆದರೆ ಏನು ಮಾಡುವುದು, ಸಮಾಜಕ್ಕೆ ಯೋಚಿಸುವ ಪುರಸೊತ್ತಿಲ್ಲ, ಅತೀಕರುಣೆ ತೋರಿಸಿ ಅವರನ್ನು ಮತ್ತಷ್ಟು ಅಸಹಾಯಕತೆಗೆ ತಳ್ಳಿ ಹೊರಟುಬಿಡುತ್ತದೆ. ಆಗ ಅವರು ಹೀಗೆ ತುಸು ಹೆಚ್ಚಿಗೆಯೇ ಕಷ್ಟಕ್ಕೆ ಬೀಳಬೇಕಾಗುತ್ತದೆ. ಮುಂದುವರಿದ ತಂತ್ರಜ್ಞಾನ ಯುಗದಲ್ಲಿ ಉಳ್ಳವರು ಇಂಥವರ ಸಹಾಯಕ್ಕಾಗಿ ಸ್ವಲ್ಪಾದರೂ ಯೋಚಿಸಬೇಕಲ್ಲವೆ?

जीना है गर कुछ प्रयास तो करना होगा स्वर्ग देखना है तो खुद को मारना होगाhttps://t.co/PwsFvru9b7 pic.twitter.com/PLzGJd3YdG

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

— Aamir Khan ₚₐᵣₒdy (@AamirKhanfa) January 17, 2023

ದಿವ್ಯಾಂಗ ವ್ಯಕ್ತಿಯೊಬ್ಬರು ಒಂದು ಕೈಯಿಂದ ಸೈಕಲ್​ ಎಳೆಯುತ್ತ ಇನ್ನೊಂದು ಕೈಯಲ್ಲಿ ಊರುಗೋಲು ಹಿಡಿದುಕೊಂಡು ಒಂಟಿಗಾಲಿನಲ್ಲಿ ಸಾಗುತ್ತಿದ್ಧಾರೆ. 11 ಸೆಕೆಂಡುಗಳ ಈ ವಿಡಿಯೋ ಟ್ವೀಟ್ ನೆಟ್ಟಿಗರಲ್ಲಿ ಸ್ಫೂರ್ತಿ ತುಂಬುತ್ತಿದೆ. ಈ ವಿಡಿಯೋ ಅನ್ನು ಈತನಕ ಸುಮಾರು 16,000 ಜನರು ನೋಡಿದ್ದಾರೆ. 10,300 ಜನರು ಇಷ್ಟಪಟ್ಟಿದ್ದಾರೆ. ಸಾವಿರಾರು ಜನರು ರೀಟ್ವೀಟ್ ಮಾಡಿದ್ದಾರೆ. ಅನೇಕರು ಪ್ರತಿಕ್ರಿಯಿಸಿದ್ಧಾರೆ.

ಇದನ್ನೂ ಓದಿ : ಗರ್ಭಿಣಿಯಾಗಲು ಸೊಸೆಗೆ ಮೂಳೆಪುಡಿ ಸೇವಿಸಲು ಒತ್ತಾಯಿಸಿದ ಅತ್ತೆ

ಇವರ ಶ್ರಮದ ಕೆಲಸ ಮೆಚ್ಚುವಂಥದ್ದು ಮತ್ತು ಯೋಚಿಸುವಂಥದ್ದು. ಜಗತ್ತಿನ ಶ್ರೀಮಂತ ವ್ಯಕ್ತಿಗಳು ಈ ದೃಶ್ಯವನ್ನು ನೋಡಿ ಪಶ್ಚಾತ್ತಾಪ ಪಡಬೇಕು ಎಂದಿದ್ದಾರೆ ಒಬ್ಬರು. ನಮ್ಮ ನಡುವೆ ಬಹಳ ಜನ ಬದುಕು ಸಾಗಿಸಲು ಹೀಗೆ ದಿನವೂ ಕಷ್ಟಪಡುತ್ತಾರೆ, ಅಂಥವರಿಗೆ ನನ್ನ ಪ್ರಣಾಮಗಳು ಎಂದಿದ್ದಾರೆ ಮತ್ತೊಬ್ಬರು. ​ನನ್ನ ದೇಶವನ್ನು ಆಳುತ್ತಿರುವ ಸರ್ಕಾರಕ್ಕೆ ಈ ಬಡವರು ಯಾವಾಗ ಕಣ್ಣಿಗೆ ಬೀಳುವರೋ? ಎಂದು ಕೇಳಿದ್ದಾರೆ ಮಗದೊಬ್ಬರು.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 2:10 pm, Sat, 21 January 23