Viral Video: ಬಿಯರ್ ಬಾಟಲಿಗಳ ಕದ್ದು ಓಡಿಹೋಗುವ ಕಳ್ಳನ ಪ್ಲ್ಯಾನ್​ ಏನೋ ಚೆನ್ನಾಗಿತ್ತು, ಆದರೆ ಫೇಲ್​ ಆಗ್ಬಿಡ್ತು ನೋಡಿ

ಕಳ್ಳತನದ ಕಸುಬಿನಲ್ಲಿ ಈತ ಹೊಸಬ ಅನ್ಸುತ್ತೆ, ಬಿಯರ್​ ಬಾಟಲಿಗಳನ್ನು ಕದ್ದು ಪರಾರಿಯಾಗಲು ಹೋಗಿ ಪೇಚಿಗೆ ಸಿಲುಕಿರುವ ಕಳ್ಳನ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ವಿಡಿಯೋ ಆಸ್ಟ್ರೇಲಿಯಾದ್ದಾಗಿದ್ದು, ಕಳ್ಳತನ ಮಾಡಲು ಹೋಗಿ ಸಂಕಷ್ಟಕ್ಕೆ ಸಿಲುಕಿದ ಕಳ್ಳ ಇಲ್ಲಿದ್ದಾನೆ. ಜೂನ್ 6 ರಂದು ಈ ಘಟನೆ ನಡೆದಿದೆ. ಬಾಟಲ್​ ಓ ಬೀಚ್​ಬೋರೊ ಒಂದು ಲಿಕ್ಕರ್ ಶಾಪ್​ಗೆ ಕಳ್ಳನೊಬ್ಬ ನುಗ್ಗಿದ್ದಾನೆ, ಆತ ನಿಜವಾಗಿ ಕಳ್ಳನೋ ಅಥವಾ ಆ ಶಾಪ್​ಗೆ ನುಗ್ಗಿದ ಮೇಲೆ ಕಣ್ಣತನ ಮಾಡುವ ಮನಸ್ಸಾಯಿತೋ ತಿಳಿದಿಲ್ಲ.

ಎಲ್ಲರಂತೆ ಯಾವ ಮದ್ಯ ಬೇಕು ಎಂದು ಹುಡುಕಾಡಿದ್ದಾರೆ. ಆಮೇಲೆ ಎಣ್ಣೆಯ ಬಾಟಲಿಗಳಿರುವ ಒಂದು ಬಾಕ್ಸ್​ನ್ನು ತೆಗೆದುಕೊಂಡು ಕ್ಯಾಶ್ ಕೌಂಟರ್​ವರೆಗೆ ಬಂದಿದ್ದಾನೆ, ಆಗಲೇ ಅವನ ಮನಸ್ಸು ಇಲ್ಲಿಂದ ಓಡು ಎಂದು ಹೇಳಿರಬೇಕು ತಕ್ಷಣ ಕೌಂಟರ್​ನಿಂದ ಬಾಗಿಲಿನತ್ತ ಓಡಿದ್ದಾನೆ. ಆದರೆ ಬಾಗಿಲು ತೆಗಿಬೇಕಲ್ಲ ಅದು ಲಾಕ್​ ಆಗಿದೆ.

ಈ ರೀತಿಯ ಭಯದಿಂದಲೇ ಶಾಪ್​ನ ಮಾಲೀಕರು ಲಾಕಿಂಗ್​ ಸಿಸ್ಟಂ ಜಾರಿಗೆ ತಂದಿದ್ದಾರೆ. ಪ್ರತಿಯೊಬ್ಬರು ಒಳಗೆ ಬಂದ ಕೂಡಲೇ ಬಾಗಿಲು ಲಾಕ್​ ಆಗುತ್ತದೆ, ಆಮೇಲೆ ಬಿಲ್ಲಿಂಗ್ ಎಲ್ಲವೂ ಮುಗಿದ ಬಳಿಕವೇ ಮತ್ತೆ ಬಾಗಿಲು ತೆರೆಯುತ್ತದೆ.

ಮತ್ತಷ್ಟು ಓದಿ:ಉಬ್ಬಿದ ಕೆನ್ನೆ ಇಷ್ಟವಿಲ್ಲ ತೆಳ್ಳಗಾಗು ಎಂದು ಪತಿಯ ಚಿತ್ರಹಿಂಸೆ, 17 ಕೆಜಿ ಕಡಿಮೆಯಾಗಿ ಅಸ್ಥಿಪಂಜರದಂತಾದ್ಲು ಆದರೂ ಬಿಟ್ಟು ಹೋದ

ಆತ ಕದ್ದು ಓಡುವಾಗಲೂ ಹಾಗೆಯೇ ಆಗಿದೆ ಬಾಗಿಲುಗಳು ಲಾಕ್​ ಆಗಿವೆ, ಎಲ್ಲಾ ಕಡೆಯಿಂದಲೂ ಬಾಗಿಲುಗಳನ್ನು ತೆರೆಯಲು ಟ್ರೈ ಮಾಡಿದ್ದಾನೆ, ಆತನಿಂದ ಸಾಧ್ಯವಾಗಿಲ್ಲ, ಕೌಂಟರ್​ನಲ್ಲಿ ಕುಳಿತವಳು ಓರ್ವ ಲೇಡಿ, ಆಕೆ ಶಾಂತವಾಗಿದ್ದಾಳೆ, ಆತನನ್ನು ಹಿಡಿಯುವ ಪ್ರಯತ್ನವನ್ನೂ ಮಾಡಿಲ್ಲ, ಬಳಿಕ ಆತ ಬಿಯರ್​ ಬಾಟಲಿಗಳಿದ್ದ ಬಾಕ್ಸ್​ನ್ನು ಕೋಪದಿಂದ ಕೌಂಟರ್​ ಬಳಿ ಇಟ್ಟು ಹೋಗುತ್ತಾನೆ, ಆಗ ಬಾಗಿಲು ತೆರೆಯುತ್ತದೆ.

A man attempts to run from a shop without paying for a box of drinks, but the locked door stops him in his tracks.

Find more: https://t.co/8xyWy2cBPY pic.twitter.com/Oroi4Shhbk

— Sky News (@SkyNews) June 7, 2023

ಹಲವು ಮಂದಿ ಈ ವಿಡಿಯೋವನ್ನು ನೋಡಿ ಕಮೆಂಟ್​ ಮಾಡಿದ್ದಾರೆ, ಆಕೆ ಧೈರ್ಯವಂತೆ ಎಂದು ಅಲ್ಲಿದ್ದ ಮಹಿಳೆಯನ್ನು ಕೆಲವರು ಹೊಗಳಿದರೆ ಇನ್ನೂ ಕೆಲವರು ಆ ಬಾಕ್ಸ್​ ಅನ್ನು ಎಲ್ಲೇ ಇಟ್ಟುಬಿಡು ಇಲ್ಲವಾದರೆ ಬಾಗಿಲು ತೆರೆಯುವುದಿಲ್ಲ ಎಂದು ಕಮೆಂಟ್​ ಮಾಡಿದ್ದಾರೆ. ಆದರೆ ಅಲ್ಲಿರುವ ಮಹಿಳೆಗೆ ಆತ ಏನಾದರೂ ಮಾಡಿದ್ದರೆ, ಜಾಗ್ರತೆಯಿಂದಿರಬೇಕು ಎಂದು ಕೆಲವರು ಕಮೆಂಟ್​ ಮಾಡಿದ್ದಾರೆ.

ವೈರಲ್ ವಿಡಿಯೋಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ