Viral Video: ಲಾಲಿಪಾಪ್ ಕೊಟ್ಟಿದ್ದಕ್ಕೆ ಥ್ಯಾಂಕ್ ಯೂ ಡ್ರೈವರ್ ಅಂಕಲ್ ಎಂದ ಹುಲಿಪುಟ್ಟ!
Tiger : ಹುಲಿಯ ಬದಲಾಗಿ ಬೆಕ್ಕಾಗಿದ್ದರೆ ಇಷ್ಟೊತ್ತಿಗೆ ಏನು ಮಾಡುತ್ತಿತ್ತು? ಈ ವಿಡಿಯೋ ನೋಡಿ ಆದರೆ ನೀವೆಂದೂ ಇದನ್ನು ಅನುಕರಿಸಲು ಹೋಗಬೇಡಿ.
Updated on:Aug 06, 2022 | 5:41 PM
Viral : ‘ದಿ ಅಮೇಜಿಂಗ್ ಟೈಗರ್ಸ್’ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡ ಈ ಪೋಸ್ಟ್ ನೆಟ್ಟಿಗರಲ್ಲಿ ಅಚ್ಚರಿಯೊಂದಿಗೆ ಗಾಬರಿಯನ್ನೂ ಹುಟ್ಟಿಸಿದೆ. ಇಲ್ಲಿ ಬಸ್ ಚಾಲಕ ವಾಹನವನ್ನು ನಿಲ್ಲಿಸಿ ಹುಲಿಯನ್ನು ಕರೆದು ಕಿಟಕಿ ತೆರೆದು ಮಾಂಸದ ತುಂಡೊಂದನ್ನು ಕೊಡುತ್ತಾನೆ. ಅದು ಸಹಜವಾಗಿ ಒಂದೇ ನೆಗೆತಕ್ಕೆ ಆ ತುಂಡನ್ನು ಗಬಕ್ಕನೆ ನುಂಗಿ ಬಾಯೊರೆಸಿಕೊಂಡಂತೆ ಮಾಡುತ್ತದೆ. ಇಷ್ಟೇ ಸಾಕು ಈಗ ಹೋಗು ಎಂಬಂತೆ ಕಿಟಕಿ ಗಾಜನ್ನು ಎಳೆಯುತ್ತಾನೆ ಡ್ರೈವರ್. ಈ ವಿಡಿಯೋ ಇನ್‌ಸ್ಟಾಗ್ರಾಮ್‌ನಲ್ಲಿ 33,000 ಕ್ಕೂ ಹೆಚ್ಚು ಲೈಕ್‌ಗಳನ್ನು ಹೊಂದಿದೆ. ವಿಡಿಯೋಗೆ ಪ್ರತಿಕ್ರಿಯಿಸಿದವರು ಆಹಾ ಧೈರ್ಯವೇ ಎಂದು ಮೆಚ್ಚಿದ್ದಾರೆ. ಇನ್ನೂ ಕೆಲವರು ಅನೇಕ ಪ್ರಶ್ನೆಗಳನ್ನು ಡ್ರೈವರ್ ಗೆ ಕೇಳಿದ್ದಾರೆ. ಹೀಗೆಲ್ಲ ಮಾಡಿ ಕಾಡುಪ್ರಾಣಿಗಳಿಗೆ ತೊಂದರೆ ಕೊಡಬೇಡಿ ಎಂದು ಅನೇಕರು ಪ್ರತಿಕ್ರಿಯಿಸಿದ್ದಾರೆ.
View this post on Instagram
ಈ ವಿಡಿಯೋ ನೋಡಿದರೆ ಇದೊಂದು ಪರಿಚಿತ ಸಂಬಂಧವೆನ್ನಿಸುತ್ತದೆ ಅಥವಾ ಅರಣ್ಯ ಸಿಬ್ಬಂದಿಯೂ ಆಗಿರಬಹುದು. ಆದರೂ ಕಾಡುಪ್ರಾಣಿಗಳು ಪ್ರಾಣಿಗಳೇ. ಯಾವಾಗ ಹೇಗೆ ವರ್ತಿಸುತ್ತವೇ ಎಂದು ಹೇಳಲಾಗದು. ಈ ಕುರಿತು ಸಾಕಷ್ಟು ಪ್ರಕರಣಗಳನ್ನು ನೀವೆಲ್ಲ ನೋಡಿದ್ದೀರಿ, ಓದಿದ್ದೀರಿ. ಆದ್ದರಿಂದ ಈ ವಿಡಿಯೋದಲ್ಲಿ ತೋರಿಸಿದಂತೆ ಎಂದೂ ಅನುಕರಿಸಲು ಹೋಗಬೇಡಿ.
ಮತ್ತಷ್ಟು ಟ್ರೆಂಡಿಂಗ್ ಸುದ್ದಿಗಾಗಿ ಕ್ಲಿಕ್ ಮಾಡಿ
Published On - 5:37 pm, Sat, 6 August 22
