Viral Video: ಲೆಹೆಂಗಾದಲ್ಲಿ ಇಷ್ಟೊಂದು ಸಲೀಸಾಗಿ ಪಲ್ಟಿ ಹೊಡೆದದ್ದು ಹೇಗೆ? ಯುವತಿಗೆ ನೆಟ್ಟಿಗರ ಪ್ರಶ್ನೆ
Lehenga: ಕಲಾವಿದೆ ಸ್ನೇಹಾ ನಡುರಸ್ತೆಯಲ್ಲಿ ಲೆಹೆಂಗಾ ಧರಿಸಿ ಪಲ್ಟಿ ಹೊಡೆದಿರುವ ವಿಡಿಯೋ ನೆಟ್ಟಿಗರನ್ನು ಬಾಯಿ ಮೇಲೆ ಕೈ ಇಟ್ಟುಕೊಳ್ಳುವಂತೆ ಮಾಡುತ್ತಿದೆ. 14 ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ದು, 1.4 ಮಿಲಿಯನ್ಗಿಂತಲೂ ಹೆಚ್ಚು ಜನರು ಈ ವಿಡಿಯೋ ಲೈಕ್ ಮಾಡಿದ್ದಾರೆ. ಅನೇಕರು ನಾವು ನಿಮ್ಮ ಅಭಿಮಾನಿಗಳು ಎಂದು ಹೇಳಿದ್ದಾರೆ. ನೀವೂ ಒಮ್ಮೆ ಈ ವಿಡಿಯೋ ನೋಡಿ.
Stunt: ರೀಲ್ಸ್ಗಾಗಿ ತಮ್ಮನ್ನು ತಾವೇ ಕೆದಕಿಕೊಳ್ಳುತ್ತ ಸಾಗುವ ಕಾಲದಲ್ಲಿ ನಾವಿದ್ದೇವೆ. ಸೃಜನಾತ್ಮಕವಾದದ್ದು, ಸಾಹಸಾತ್ಮಕವಾದದ್ದು, ಕಲಾತ್ಮಕವಾದ್ದು, ಮಾಹಿತಿಪೂರ್ಣವಾದದ್ದು ಹೀಗೆ ಯಾವುದೇ ಒಂದು ಕೌಶಲ ನಮ್ಮಲ್ಲಿ ಅಡಗಿದೆಯೇ? ಅಡಗಿದ್ದರೆ ಅದನ್ನು ಸಾಮಾಜಿಕ ಜಾಲತಾಣಕ್ಕೆ ‘ಕಂಟೆಂಟ್ (Content)’ ಆಗಿ ಪರಿವರ್ತಿಸುವುದು ಹೇಗೆ ಎನ್ನುವುದನ್ನೇ ಆಲೋಚಿಸುತ್ತ, ಪ್ರಸ್ತುತಪಡಿಸುತ್ತ ನಮ್ಮಷ್ಟಕ್ಕೆ ನಾವೇ ಒಂದು ಐಡೆಂಟಿಟಿಯನ್ನು ತಂದುಕೊಳ್ಳುತ್ತ ಸಾಗುತ್ತಿದ್ದೇವೆ. ಇದಕ್ಕೆ ಉದಾಹರಣೆಯಾಗಿ ಈ ವಿಡಿಯೋ ನೋಡಿ. ದೊಡ್ಡದಾದ ಲೆಹೆಂಗಾ ಧರಿಸಿದ ಯುವತಿಯೊಬ್ಬಳು ನಡುರಸ್ತೆಯಲ್ಲಿ ನಿರಾಯಾಸವಾಗಿ ಪಲ್ಟಿ ಹೊಡೆದಿರುವುದು ಇದೀಗ ವೈರಲ್ ಆಗುತ್ತಿದೆ.
ಇದನ್ನೂ ಓದಿ : Viral Video: ಫ್ಲಿಪ್ಕಾರ್ಟ್; ಮುರಿದ ಕಿಚನ್ ಚಿಮಣಿ, ಕೊನೆಗೂ ಪರಿಹಾರ ಪಡೆದ ಗ್ರಾಹಕರು
ಅಕ್ಟೋಬರ್ 19ರಂದು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ ಈ ವಿಡಿಯೋ ನೋಡಿದ ನೆಟ್ಮಂದಿ ಈಕೆಯ ಕೌಶಲ ಮತ್ತು ಸಾಹಸಕ್ಕೆ ನಿಬ್ಬೆರಗಾಗುತ್ತಿದೆ. ಸ್ನೇಹಾ ಬಕ್ಲಿ ಎಂಬ ಯೂಟ್ಯೂಬರ್, ವ್ಲಾಗರ್ ತಮ್ಮ ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದ್ದಾರೆ. ಈತನಕ ಸುಮಾರು 14 ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ದಾರೆ. 1.4 ಮಿಲಿಯನ್ಗಿಂತಲೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ. ಲಕ್ಷಾಂತರ ಜನರು ಪ್ರತಿಕ್ರಿಯಿಸಿದ್ದಾರೆ.
ಲೆಹೆಂಗಾದಲ್ಲಿ ಸ್ನೇಹಾ ಪಲ್ಟಿ ಹೊಡೆದ ವಿಡಿಯೋ
View this post on Instagram
ತುಂಬಾ ಅದ್ಭುತವಾಗಿ ಮಾಡಿದ್ದೀರಿ ಎಂದು ಅನೇಕರು ಈ ವಿಡಿಯೋದಡಿ ಪ್ರತಿಕ್ರಿಯಿಸಿದ್ದಾರೆ. ನೀವಿದನ್ನು ಇಷ್ಟೊಂದು ಲೀಲಾಜಾಲವಾಗಿ ಮಾಡುವುದು ಹೇಗೆ? ಎಷ್ಟು ಹೊಗಳಿದರೂ ಸಾಲದು ಎಂದಿದ್ದಾರೆ ಒಬ್ಬರು. ನೀವು ವಿಶಿಷ್ಟವಾದ ಪ್ರತಿಭೆ ಹೊಂದಿದ್ದೀರಿ ಎಂದಿದ್ದಾರೆ ಇನ್ನೊಬ್ಬರು. ನಾನಂತೂ ಮೂಕವಿಸ್ಮಿತನಾಗಿದ್ದೇನೆ ಎಂದಿದ್ದಾರೆ ಮತ್ತೊಬ್ಬರು. ನಿಜಕ್ಕೂ ನನಗೆ ಹೊಟ್ಟೆಕಿಚ್ಚಾಗುತ್ತಿದೆ ಎಂದಿದ್ದಾರೆ ಮಗದೊಬ್ಬರು.
ಇದನ್ನೂ ಓದಿ : Viral: ಮುರ್ಷಿದಾಬಾದ್; ಮಟಮಟ ಮಧ್ಯಾಹ್ನ ನಡುರಸ್ತೆಯಲ್ಲಿ 18 ಲಕ್ಷ ನಗದು ದೋಚಿದ ಕಳ್ಳರು
ನಿಮ್ಮ ಅಭಿಮಾನಿ ನಾನು, ನೀವು ತುಂಬಾ ಚೆನ್ನಾಗಿ ನರ್ತಿಸುತ್ತೀರಿ ಎಂದಿದ್ದಾರೆ ಒಬ್ಬರು. ನನಗೂ ಈಗ ನಿಮ್ಮಂತೆ ಮಾಡಬೆಕು ಎನ್ನಿಸುತ್ತಿದೆ, ಆದರೆ ಪ್ಯಾಂಟ್ ಧರಿಸಿಯೇ ನನಗಿದು ಸಾಧ್ಯವಿಲ್ಲ ಅಂಥದ್ದರಲ್ಲಿ ಲೆಹೆಂಗಾ ಧರಿಸಿ… ಎಂದಿದ್ದಾರೆ ಇನ್ನೊಬ್ಬರು. ಸಾಹಸ ಮತ್ತು ಕೌಶಲ ಗೊತ್ತಿರುವವರಿಗೆ ಬಟ್ಟೆ ಎಂದೂ ತೊಡಕಾಗಲಾರದು ಎಂದಿದ್ದಾರೆ ಮತ್ತೊಬ್ಬರು.
ಈ ವಿಡಿಯೋ ನೊಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
