Viral Video: ಬ್ಯಾಂಗ್ ಬ್ಯಾಂಗ್; ಪ್ರೀ ವೆಡ್ಡಿಂಗ್ ಸಾಂಗ್ಗೆ ಪ್ರತಿಕ್ರಿಯಿಸಿದ ಹೃತಿಕ್ ರೋಷನ್
Hrithik Roshan: 'ಎಲ್ಲರಂತೆ ಫೋಟೋ ವಿಡಿಯೋ ಶೂಟ್ ಬೇಡ ಎಂದು ನನ್ನ ಹುಡುಗಿ ಹೇಳಿದಳು. ನಾವಿಬ್ಬರೂ ಅತ್ಯುತ್ತಮ ಡ್ಯಾನ್ಸರ್ಸ್ ಅಲ್ಲ, ಆದರೂ ತಕ್ಕಮಟ್ಟಿಗೆ ಓಕೆ. ವಿಭಿನ್ನವಾಗಿ ಏನು ಮಾಡಬಹುದು ಯೋಚಿಸು ಎಂದಳು. ಏನಾದರೂ ಅವಳಿಗೆ ಸರ್ಪ್ರೈಝ್ ಕೊಡಲೇಬೇಕು ಎಂದು ಯೋಚಿಸತೊಡಗಿದೆ. ಈ ಐಡಿಯಾ ಕೊಟ್ಟಾಗ ಆಕೆಯಲ್ಲಿ ಮತ್ತಷ್ಟು ಉತ್ಸಾಹ ಚಿಮ್ಮಿತು.'
Updated on: Oct 31, 2023 | 1:41 PM
Pre Wedding Shoot: ವಿವಾಹಪೂರ್ವ ಫೋಟೋ, ವಿಡಿಯೋ ಶೂಟ್ಗಾಗಿ ಪ್ರತೀ ಜೋಡಿಯೂ ಬಹಳ ಯೋಚಿಸಿ ತೊಡಗಿಕೊಳ್ಳುತ್ತದೆ. ಥೀಮ್ ಬೇಸ್ಡ್ ಶೂಟಿಂಗ್ಗಾಗಿ ವಿಶೇಷ ತಯಾರಿ ನಡೆಸುತ್ತದೆ. ಇದೀಗ ವೈರಲ್ ಆಗಿರುವ ಈ ವಿಡಿಯೋದಲ್ಲಿ ಈ ಜೋಡಿ ತಮ್ಮ ಪ್ರೀ ವೆಡ್ಡಿಂಗ್ ಶೂಟ್ ಅನ್ನು ವಿಭಿನ್ನವಾಗಿ ಮಾಡಿಕೊಂಡಿದೆ. ಈ ವಿಡಿಯೋದಲ್ಲಿ ಹೃತಿಕ್ ರೋಷನ್ನ (Hrithiq Roshan) ‘ಬ್ಯಾಂಗ್ ಬ್ಯಾಂಗ್’ ಹಾಡಿನ ದೃಶ್ಯ ಮತ್ತು ಸನ್ನಿವೇಶವನ್ನು ಮರುಸೃಷ್ಟಿಸಲಾಗಿದೆ. ಹೃತಿಕ್ ರೋಷನ್ ಮತ್ತು ಕತ್ರೀನಾ ಕೈಫ್ರನ್ನು ಈ ವಿಡಿಯೋಗೆ ಈ ಜೋಡಿ ಟ್ಯಾಗ್ ಮಾಡಿದ್ದು, ಹೃತಿಕ್ ಈ ವಿಡಿಯೋಗೆ ಪ್ರತಿಕ್ರಿಯಿಸಿದ್ದು ಗಮನ ಸೆಳೆದಿದೆ.
ಇದನ್ನೂ ಓದಿ : Viral: ಪನೀರ್ ಪ್ರಿಯರಿಗಾಗಿ ಇಲ್ಲಿದೆ ವಿಶೇಷ ಫೋಟೊ; ಇದನ್ನು ನೋಡಿದ ಮೇಲೆ ನೀವು ಏನು ಹೇಳುತ್ತೀರಿ?
ಈ ವಿಡಿಯೋವನ್ನು ಅಕ್ಟೋಬರ್ 21ರಂದು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಲಾಗಿದೆ. ಕರಣ್ ಮತ್ತು ಸಾಕ್ಷಿ, ಕತ್ರೀನಾ ಮತ್ತು ಹೃತಿಕ್ರಂತೆ ವಸ್ತ್ರವಿನ್ಯಾಸ ಮಾಡಿಕೊಂಡು ಈ ಹಾಡಿಗೆ ಹೆಜ್ಜೆ ಹಾಕಿ ಅಭಿನಯಿಸಿದ್ದಾರೆ. ಸಾಕ್ಷಿ, ‘ಕರಣ್, ನಾವು ಅಷ್ಟೇನು ದೊಡ್ಡ ನರ್ತಕರಲ್ಲ. ಆದರೆ ಪ್ರೀ ವೆಡ್ಡಿಂಗ್ ಬದಲು ಏನಾದರೂ ವಿಶೇಷವಾಗಿ ಮಾಡಬೇಕು ಎನ್ನುವುದು ನನ್ನ ಇಚ್ಛೆ’ ಎಂದಿದ್ದರು. ಆಗ ಕರಣ್ ಆಕೆಗೆ ಏನಾದರೂ ಸರ್ಪ್ರೈಝ್ ಕೊಡಬೇಕೆಂದು ನಿರ್ಧರಿಸಿದರು. ಅದೇ ಇವರಿಬ್ಬರ ಬ್ಯಾಂಗ್ ಬ್ಯಾಂಗ್ ಮರುಸೃಷ್ಟಿ. ಅದೀಗ ಹೀಗೆ ಭರ್ಜರಿಯಾಗಿ ಕಾರ್ಯಗತವಾಗಿದೆ.
ಇಲ್ಲಿದೆ ಬ್ಯಾಂಗ್ ಬ್ಯಾಂಗ್ ಮರುಸೃಷ್ಟಿ
View this post on Instagram
ಈತನಕ ಈ ವಿಡಿಯೋವನ್ನು 23,000 ಕ್ಕೂ ಹೆಚ್ಚು ಜನರು ನೋಡಿದ್ದಾರೆ. ನಟ ಹೃತಿಕ್ ರೋಷನ್ ಅವರ ಕಣ್ಣಿಗೆ ಈ ವಿಡಿಯೋ ಬಿದ್ದಿದ್ದು, ಸುಂದರವಾಗಿದೆ ಅಭಿನಂದನೆಗಳು ನಿಮಗೆ ಎಂದು ಹಾರೈಸಿದ್ದಾರೆ. ಈ ಹಾಡಿನ ನೃತ್ಯಸಂಯೋಜನೆ, ನಿರ್ದೇಶನ ಬಹಳ ಉತ್ತಮವಾಗಿ ಮೂಡಿಬಂದಿದೆ. ಇದು ಮೂಲಹಾಡಿನಂತೆಯೇ ಭಾಸವಾಗುತ್ತದೆ, ಈ ತಂಡಕ್ಕೆ ಮತ್ತು ಜೋಡಿಗೆ ಒಳ್ಳೆಯದಾಗಲಿ ಎಂದು ಹಾರೈಸಿದ್ದಾರೆ ಅನೇಕ ನೆಟ್ಟಿಗರು. ಇದು ಯಾವ ಸಿನೆಮಾ ಸಾಂಗ್ಗೂ ಕಡಿಮೆ ಇಲ್ಲ, ನೀವಿಬ್ಬರೂ ಹೀರೋ ಹೀರೊಯಿನ್ ಥರವೇ ಕಾಣುತ್ತಿದ್ದೀರಿ ಎಂದಿದ್ದಾರೆ ಇನ್ನೂ ಕೆಲವರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
