ಏರ್​ಪಾಡ್ಸ್​ ಕಳೆದುಕೊಂಡಿದ್ದು ವಿಮಾನದಲ್ಲಿ, ಹುಡುಕಿಕೊಡಿ ಎನ್ನುತ್ತಿರುವುದು ನೆಟ್ಟಿಗರಲ್ಲಿ

Viral Video : ಪ್ರಯಾಣದಲ್ಲಿರುವಾಗ ಅನೇಕ ವಸ್ತುಗಳನ್ನು ನಮಗರಿವಿಲ್ಲದೆಯೇ ಕಳೆದುಕೊಳ್ಳುತ್ತೇವೆ. ಅದು ಬಸ್ಸು, ರೈಲು ಅಥವಾ ವಿಮನ ಹೀಗೆ ಯಾವುದಾದರೂ ಸರಿ. ಆದರೆ ಕಳೆದುಕೊಂಡ ಸಾಮಾನುಗಳು ನೆನಪಿಗೆ ಬರುವುದು ಆ ರೈಲೋ, ಬಸ್ಸೋ, ವಿಮಾನವೋ ಚಲಿಸಿದಾಗಲೇ ಅಲ್ಲವೆ? ಎಲ್ಲಿ ಹೋಯಿತೋ ಹೋಗಲಿ ಬಿಡು ಎಂದು ಹೇಳಿಕೊಂಡು ಸುಮ್ಮನಾಗುವ ಕಾಲ ಇದಲ್ಲ. ಕಳೆದುಕೊಂಡ ವಸ್ತು ಎಲ್ಲಿದೆ, ಎಲ್ಲೆಲ್ಲಿ ಪ್ರಯಾಣಿಸುತ್ತಿದೆ ಎನ್ನುವುದನ್ನು ಪತ್ತೆ ಹಚ್ಚುವ ತಂತ್ರಜ್ಞಾನದ ಕಾಲವಿದು. ಇದೀಗ ವೈರಲ್ ಆಗಿರುವ ಈ ವಿಡಿಯೋದಲ್ಲಿ ಈ ಮಹಿಳೆ ವಿಮಾನದಲ್ಲಿ ತನ್ನ ಏರ್​ಪಾಡ್ ಬಿಟ್ಟುಬಂದಿದ್ದಾಳೆ. ನಂತರ ಸಾಮಾಜಿಕ ಜಾಲತಾಣದಲ್ಲಿ ತನ್ನ ಏರ್​ಪಾಡ್ ಮರಳಿಸಲು ಸಹಾಯ ಕೋರಿದ್ದಾಳೆ.

ಬ್ರಿಟನಿ ಎಂಬಾಕೆ ತಾನು ಯಾವಾಗ ಹೇಗೆ ಎಲ್ಲಿ ತನ್ನ ಏರ್​ಪಾಡ್​ ಕಳೆದುಕೊಂಡೆ ಎಂಬುದನ್ನು ಇನ್​ಸ್ಟಾಗ್ರಾಮ್​ನ ತನ್ನ ಅಕೌಂಟಿನಲ್ಲಿ ವಿವರಿಸಿದ್ದಾಳೆ. ಡೆಲ್ಟಾ ಏರ್​ಲೈನ್ಸ್​ನಲ್ಲಿ ಆ್ಯಮ್​ಸ್ಟರ್​ಡ್ಯಾಮ್​ಗೆ ಹೋಗುತ್ತಿದ್ದಾಗ ವಿಮಾನದ ಪಾಕೆಟ್​ನಲ್ಲಿ ತನ್ನ ಏರ್​ಪಾಡ್ ಇಟ್ಟು ಮರೆತುಬಿಟ್ಟಿದ್ದಾಳೆ. ನಂತರ ಈ ಏರ್​ಲೈನ್ಸ್​ಗೆ ಮೇಲ್​ ಮಾಡಿ, ದಯವಿಟ್ಟು ಏರ್​ಪಾಡ್​ ಹುಡುಕಿ ಮರಳಿಸಿ ಎಂದು ವಿನಂತಿಸಿಕೊಂಡಿದ್ದಾಳೆ. ಆದರೆ, ಕ್ಷಮಿಸಿ ಹುಡುಕಲು ಸಾಧ್ಯವಾಗುತ್ತಿಲ್ಲ ಎಂದು ಉತ್ತರಿಸಿದ್ದಾರೆ. ಖಂಡಿತ ಹುಡುಕಿದರೆ ಖಂಡಿತ ಸಿಗುತ್ತದೆ. ಏಕೆಂದರೆ ಈತನಕ ಆ ವಿಮಾನ ಎಲ್ಲೆಲ್ಲಿ ಪ್ರಯಾಣಿಸಿದೆಯೋ ಅದನ್ನು ನಾನು ಟ್ರ್ಯಾಕ್​ ಮೂಲಕ ನೋಡಬಹುದಾಗಿದೆ ಎಂದು ತಿಳಿಸಿದ್ದಾಳೆ.

ಆಗ ಡೆಲ್ಟಾ ಏರ್​ಲೈನ್ಸ್​ನಿಂದ ಬ್ರಿಟನಿಯನ್ನು ಸಂಪರ್ಕಿಸಿ, ಏರ್​ಪಾಡ್​ ಹುಡುಕಲು ಪ್ರಯತ್ನಿಸಲಾಗುವುದು ಎಂದು ತಿಳಿಸಿದೆ. ಇದೆಲ್ಲವನ್ನೂ ಈಕೆ ನೆಟ್ಟಿಗರಿಗೆ ವಿವರಿಸಿದ್ದು, ಈ ವಿಡಿಯೋ ಅನ್ನು ಈಗಾಗಲೇ 3 ಲಕ್ಷ ಜನರು ನೋಡಿದ್ದಾರೆ. 56,000 ಜನರು ಇಷ್ಟಪಟ್ಟಿದ್ದಾರೆ. ಸಾಕಷ್ಟು ಜನ ಪ್ರತಿಕ್ರಿಯಿಸಿದ್ದಾರೆ.

‘ಈ ಏರ್​ಪಾಡ್​ ನನಗಿಂತ ವಿಮಾನದಲ್ಲಿ ನನಗಿಂತ ಹೆಚ್ಚು ಪ್ರಯಾಣೀಸಿದೆ’ ಎಂದಿದ್ದಾರೆ ಒಬ್ಬರು. ಇನ್ನೊಬ್ಬರು, ‘ಇಷ್ಟೆಲ್ಲಾ ಶ್ರಮ ವ್ಯಯಿಸುವ ಬದಲು ಬೇರೊಂದನ್ನು ಖರೀದಿಬಹುದಿತ್ತಲ್ಲವೆ?’ ಎಂದಿದ್ದಾರೆ. ‘ಅಂತೂ ನಿಮ್ಮ ಏರ್​ಪಾಡ್​ ಕಥೆಯಿಂದ ನಮಗೆ ಉಚಿತ ಮನರಂಜನೆ ಸಿಕ್ಕಿದೆ’ ಎಂದಿದ್ದಾರೆ ಇನ್ನೂ ಒಬ್ಬರು.

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ