Ice Cream: ಜಗತ್ತಿನ ಅತಿ ದುಬಾರಿ ಐಸ್​ ಕ್ರೀಂ ಟೇಸ್ಟ್​ ಮಾಡಬೇಕಾ?; ಇದರ ಬೆಲೆ ಕೇಳಿದ್ರೆ ಶಾಕ್ ಆಗ್ತೀರ

ನೀವು ಐಸ್​ಕ್ರೀಂ ಪ್ರಿಯರಾ? ಮಳೆಯಿರಲಿ, ಬೇಸಿಗೆಯಿರಲಿ, ಐಸ್​ ಕ್ರೀಂ (Ice Cream) ಇದ್ದರೆ ಸಾಕು ಎನ್ನುವವರು ಸಾಕಷ್ಟು ಜನರಿದ್ದಾರೆ. ಇಡೀ ದಿನ ಐಸ್​ಕ್ರೀಂ ಕೊಟ್ಟರೂ ತಿನ್ನಬಲ್ಲೆ ಎನ್ನುವವರೂ ಇದ್ದಾರೆ. ಅವರಲ್ಲಿ ನೀವೂ ಒಬ್ಬರಾಗಿದ್ದರೆ ಅಚ್ಚರಿಯೇನೂ ಇಲ್ಲ. ದಿನಕ್ಕೊಂದು ಫ್ಲೇವರ್​ನ, ಹೊಸ ಹೊಸ ಬಗೆಯ ಐಸ್​ಕ್ರೀಂಗಳನ್ನು ಟೇಸ್ಟ್​ ಮಾಡುವವರು ನೀವಾಗಿದ್ದರೆ ಈ ಐಸ್​ ಕ್ರೀಂ ಮಿಸ್ ಮಾಡಲೇಬೇಡಿ. ಯಾಕೆಂದರೆ ಇದು ಇಡೀ ವಿಶ್ವದ ದುಬಾರಿ ಐಸ್ ಕ್ರೀಂ (World Expensive Ice Cream)! ಇದರದಲ್ಲಿ ಅಂತಹ ವಿಶೇಷತೆ ಏನಿದೆ? ಎಂಬ ಕುತೂಹಲ ನಿಮಗಿದ್ದರೆ ಈ ಸುದ್ದಿ ಓದಿ…

ಜಗತ್ತಿನ ಅತಿ ದುಬಾರಿ ಬಿರಿಯಾನಿ, ಅತಿ ದುಬಾರಿ ಪಿಜ್ಜಾಗಳ ಬಗ್ಗೆಯೆಲ್ಲ ನಿಮಗೆ ತಿಳಿದಿರಬಹುದು. ಆದರೆ, ವಿಶ್ವದ ಅತಿ ದುಬಾರಿ ಐಸ್​ ಕ್ರೀಂ ಯಾವುದೆಂದು ನಿಮಗೆ ಗೊತ್ತಾ? 2 ರೂ.ನಿಂದ ನಾಲ್ಕೈದು ಸಾವಿರ ರೂ.ವರೆಗೂ ಐಸ್ ​ಕ್ರೀಂಗಳು ಸಿಗುತ್ತವೆ. ಅದಕ್ಕಿಂತಲೂ ಹೆಚ್ಚು ಹಣ ನೀಡುವಂಥದ್ದು ಐಸ್​ಕ್ರೀಂನಲ್ಲಿ ಏನಿರಲು ಸಾಧ್ಯ? ಎಂದು ಯೋಚಿಸುತ್ತಿದ್ದೀರಾ? ವಿಶ್ವದ ಅತಿ ದುಬಾರಿಯಾದ ಈ ಐಸ್​ ಕ್ರೀಂ ಬೆಲೆ ಒಂದು ಸ್ಕೂಪ್​ಗೆ 60,00 ರೂ.! ಇದು ಅಂತಿಂಥ ಐಸ್​ಕ್ರೀಂ ಅಲ್ಲ. ಇದಕ್ಕೆ ಚಿನ್ನದ ತುಣುಕುಗಳನ್ನು ಹಾಕಲಾಗಿರುತ್ತದೆ!

ವಿಶ್ವದ ದುಬಾರಿ ಐಸ್ ಕ್ರೀಂ

ನಾವೇನೂ ತಮಾಷೆ ಮಾಡುತ್ತಿಲ್ಲ ಸ್ವಾಮಿ! ಈ ಚಿನ್ನದ ಐಸ್​ಕ್ರೀಂ ಇಡೀ ಪ್ರಪಂಚದ ಅತಿ ದುಬಾರಿ ಐಸ್​ಕ್ರಿಂ ಆಗಿದೆ. ನೀವೇನಾದರೂ ಒಂದು ಸ್ಕೂಪ್​ಗೆ 60 ಸಾವಿರ ರೂ. ನೀಡಲು ರೆಡಿಯಾಗಿದ್ದರೆ ಈ ಐಸ್​ ಕ್ರೀಂ ರುಚಿ ನೋಡಬಹುದು. ಈ ವಿಶೇಷವಾದ ಐಸ್ ಕ್ರೀಂ ದುಬೈನಲ್ಲಿ ಸಿಗುತ್ತದೆ. ಈ ಐಸ್​ ಕ್ರೀಂಗೆ ಬ್ಲಾಕ್​ ಡೈಮಂಡ್ ಎಂದು ಹೆಸರಿಡಲಾಗಿದೆ. ವೆನಿಲ್ಲಾ ಫ್ಲೇವರ್​ನಲ್ಲಿರುವ ಈ ಐಸ್​ ಕ್ರೀಂ ಮೇಲೆ 23 ಕ್ಯಾರೆಟ್​ನ ತಿನ್ನಬಹುದಾದ ಚಿನ್ನದ ತುಣುಕುಗಳನ್ನು ಹಾಕಿಕೊಡಲಾಗುತ್ತದೆ. ಐಸ್​ಕ್ರೀಂ ಸ್ಕೂಪ್ ಮೇಲೆ ಕೇಸರಿ ಎಸಳು, ಡ್ರೈಫ್ರೂಟ್​ಗಳನ್ನು ಉದುರಿಸಿಕೊಡುವಂತೆ ಈ ಐಸ್ ಕ್ರೀಂ ಮೇಲೆ ಚಿನ್ನದ ಪೀಸ್​ಗಳನ್ನು ಹಾಕಿ ಕೊಡಲಾಗುತ್ತದೆ.

View this post on Instagram

A post shared by Travel, Romance, Smiles (@shenaztreasury)

ದುಬೈನಲ್ಲಿರುವ ಸ್ಕೂಪಿ ಕೆಫೆ ಎಂಬ ಡೆಸರ್ಟ್​ ಪಾರ್ಲರ್​ನಲ್ಲಿ ಈ ವಿಶೇಷವಾದ ಐಸ್​ ಕ್ರೀಂ ಲಭ್ಯವಿದೆ. ಈ ಐಸ್ ಕ್ರೀಂ ಅನ್ನು ತಿನ್ನಲು ಬೆಳ್ಳಿ ಚಮಚ ನೀಡಲಾಗುತ್ತದೆ. ಇಂಡಿಯನ್ ವ್ಲಾಗರ್ ಒಬ್ಬರು ಈ ಕೆಫೆಗೆ ಭೇಟಿ ನೀಡಿ, ಐಸ್​ಕ್ರೀಂ ಬಗ್ಗೆ ರಿವ್ಯೂ ಹಾಕಿದ ಮೇಲೆ ಈ ದುಬಾರಿ ಐಸ್​ ಕ್ರೀಂ ಬಹಳ ಫೇಮಸ್ ಆಗಿದೆ.

ಇದನ್ನೂ ಓದಿ: Viral News | ಬರೋಬ್ಬರಿ 1 ಕೋಟಿಗೆ ಹರಾಜಾಯ್ತು ವಿಸ್ಕಿ ಬಾಟಲ್; ಇದರ ವಿಶೇಷತೆ ಕೇಳಿದರೆ ಕಿಕ್ ಏರುತ್ತೆ!

(World’s Most Expensive Ice Cream Topped with 23 Karat Gold Flakes what is the Ice Cream Price)