ಈಗಂತೂ ಚಿತ್ರ ವಿಚಿತ್ರ ವಿಡಿಯೋಗಳನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಅಪ್‌ಲೋಡ್‌ ಮಾಡುವುದು ಒಂದು ಟ್ರೆಂಡ್‌ ಆಗಿಬಿಟ್ಟಿದೆ. ನೋಡುಗರ ಕೆಂಗಣ್ಣಿಗೆ ಗುರಿಯಾದ್ರೂ ಇಂತಹ ವಿಡಿಯೋಗಳೇ ಲಕ್ಷಗಟ್ಟಲೆ, ಮಿಲಿಯನ್‌ಗಟ್ಟಲೆ ಲೈಕ್ಸ್‌ ವೀವ್ಸ್‌ಗಳನ್ನು ಪಡೆದುಕೊಳ್ಳುತ್ತವೆ. ಹೌದು ಹುಚ್ಚರಂತೆ ವರ್ತಿಸುವ, ಅರೆಬರೆ ಬಟ್ಟೆ ತೊಟ್ಟು ಡಾನ್ಸ್‌ ಮಾಡುವ ರೀಲ್ಸ್‌ಗಳು ಪ್ರತಿನಿತ್ಯ ಕಾಣಸಿಗುತ್ತವೆ. ಇದೀಗ ಇಂತಹ ಮತ್ತೊಂದು ವಿಡಿಯೋ ವೈರಲ್ ಆಗಿದ್ದು, ಯುವತಿಯೊಬ್ಬಳು ನಡು ಬೀದಿಯಲ್ಲಿಯೇ ಬಟ್ಟೆ ಬದಲಾಯಿಸಿಕೊಂಡು, ಸ್ಟೈಲಿಶ್‌ ಆಗಿ ರೆಡಿ ಆಗುವಂತಹ ವಿಡಿಯೋವನ್ನು ಮಾಡಿದ್ದಾಳೆ. ಈಕೆಯ ಈ ಅವತಾರವನ್ನು ಕಂಡು ಅಲ್ಲಿದ್ದ ಜನ ಫುಲ್‌ ಶಾಕ್‌ ಆಗಿದ್ದು, ಈ ಕುರಿತ ವಿಡಿಯೋ ಇದೀಗ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
ಈ ಕುರಿತ ವಿಡಿಯೋವನ್ನು ary_bloom ಹೆಸರಿನ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದ್ದು, “ಚೇಂಚ್‌ ದಿ ಡ್ರೆಸ್‌” ಎಂಬ ಶೀರ್ಷಿಕೆಯನ್ನು ಬರೆದುಕೊಳ್ಳಲಾಗಿದೆ. ವೈರಲ್ ವಿಡಿಯೋದಲ್ಲಿ ಸಾರ್ವಜನಿಕರ ಮುಂದೆ ನಡು ಬೀದಿಯಲ್ಲಿಯೇ ಯುವತಿಯೊಬ್ಬಳು ಬಟ್ಟೆ ಬದಲಾಯಿಸುವಂತಹ ದೃಶ್ಯವನ್ನು ಕಾಣಬಹುದು. ನೀಲಿ ಬಣ್ಣದ ಮಾರ್ಡನ್‌ ಬಟ್ಟೆಯ ಮೇಲೆ ನೈಟ್‌ ಡ್ರೆಸ್‌ ಅನ್ನು ಹಾಗೂ ಬೆನ್ನ ಹಿಂದೆ ಒಂದು ತೊಟ್ಟು ಬಂದ ಯುವತಿ ನಡು ಬೀದಿಯಲ್ಲಿ ಜನರ ಎದುರಲ್ಲೇ ನಿಂತು ಬಟ್ಟೆ ಬದಲಾಯಿಸಿ ಸ್ಟೈಲಿಶ್‌ ಆಗಿ ರೆಡಿಯಾಗಿ ಅಲ್ಲಿಂದ ಹೋಗಿದ್ದಾಳೆ. ಈಕೆಯ ಈ ಬೋಲ್ಡ್‌ ಅವತಾರಕ್ಕೆ ಜನ ಬೆರಗಾಗಿದ್ದಾರೆ.
ಇದನ್ನೂ ಓದಿ: ಆಕಾಶದಿಂದ ಜಾರಿ ಭೂಮಿಗೆ ಬಿದ್ದ ಮೋಡ; ಹಿಂಗೆಲ್ಲಾ ನಡೆಯೋಕೆ ಸಾಧ್ಯಾನಾ?
ಕೆಲವು ವಾರಗಳ ಹಿಂದೆ ಹಂಚಿಕೊಳ್ಳಲಾದ ಈ ವಿಡಿಯೋ 16.6 ಮಿಲಿಯನ್‌ ವೀಕ್ಷಣೆಗಳನ್ನು ಹಾಗೂ ಹಲವಾರು ಕಾಮೆಂಟ್ಸ್‌ಗಳನ್ನು ಪಡೆದುಕೊಂಡಿದೆ. ಒಬ್ಬ ಬಳಕೆದಾರರು ʼಈಕೆಯ ಆತ್ಮವಿಶ್ವಾಸಕ್ಕೆ ಮೆಚ್ಚಲೇಬೇಕುʼ ಎಂದು ಹೇಳಿದ್ದಾರೆ. ಮತ್ತೊಬ್ಬ ಬಳಕೆದಾರರು ʼಬಟ್ಟೆ ಬದಲಾಯಿಸಲು ಮನೆಯಲ್ಲಿ ಜಾಗ ಇರಲಿಲ್ಲವೇʼ ಎಂಬ ಪ್ರಶ್ನೆ ಕೇಳಿದ್ದಾರೆ. ಇನ್ನೂ ಅನೇಕರು ಈಗೀಗ ಜನ ಯಾಕೆ ಇಷ್ಟು ಕೀಳು ಮಟ್ಟಕ್ಕೆ ಇಳಿತಿದ್ದಾರೆ ಎಂದು ಕಳವಳ ವ್ಯಕ್ತಪಡಿಸಿದ್ದಾರೆ.
ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ