ಮೀರಿದ ರೈತರ ತಾಳ್ಮೆ: ಬೆಳಗಾವಿಯಲ್ಲಿ ಮತ್ತೊಂದು ಹಂತಕ್ಕೆ ಕಬ್ಬು ಬೆಳೆಗಾರರ ಹೋರಾಟ

ಬೆಳಗಾವಿ, (ಅಕ್ಟೋಬರ್ 29): ಕಬ್ಬು ಬೆಳಗಾರರ ತಾಳ್ಮೆ ಮೀರಿದ್ದು, ಉಗ್ರ ಹೋರಾಟಕ್ಕೆ ಮುಂದಾಗಿದ್ದಾರೆ. ಕಬ್ಬಿಗೆ 5,500 ದರ ನಿಗದಿ ಸಂಬಂಧ ಸಕ್ಕರೆ ಕಾರ್ಖಾನೆಗಳಿಗೆ ಕೊಟ್ಟಿದ್ದ 2 ದಿನದ ಡೆಡ್​ಲೈನ್ ಮುಗಿದೆ. ಇದೀಗ ಸರ್ಕಾರಕ್ಕೆ ನಾಳೆ (ಅ.30) ಸಂಜೆ 5 ಗಂಟೆವರೆಗೆ ಲಾಸ್ಟ್​ ಡೆಡ್​​ಲೈನ್ ನೀಡಿದ್ದು, ಒಂದು ವೇಳೆ ತೀರ್ಮಾನ ಕೈಗೊಳ್ಳದಿದ್ದರೆ ಬೆಳಗಾವಿ ಜಿಲ್ಲೆಯ ಹುಕ್ಕೇರಿ ತಾಲೂಕಿನ ಹತ್ತರಗಿ ಟೋಲ್ ಬಂದ್​ ಮಾಡುವ ತೀರ್ಮಾನ ಕೈಗೊಂಡಿದ್ದಾರೆ.

ಈ ಬಗ್ಗೆ ಗುರ್ಲಾಪುರದಲ್ಲಿ ರೈತ ಮುಖಂಡ ಚೂನಪ್ಪ ಪೂಜಾರಿ ಮಾತನಾಡಿದ್ದು.ಸಕ್ಕರೆ ಕಾರ್ಖಾನೆಗಳಿಗೆ ಕೊಟ್ಟ 2 ದಿನದ ಡೆಡ್​ಲೈನ್ ಮುಗಿದಿದ್ದು, ನಾಳೆ ಸಂಜೆಯೊಳಗೆ ದರ ಘೋಷಣೆಗೆ ಸರ್ಕಾರಕ್ಕೆ ಡೆಡ್​ಲೈನ್ ನೀಡಲಾಗಿದೆ. MSP ಏರಿಕೆ, ರಾಜ್ಯ ಸರ್ಕಾರದಿಂದ 1 ಸಾವಿರ ಬೆಂಬಲ ಬೆಲೆ, ಕಾರ್ಖಾನೆಗಳು ಪ್ರತಿ ಟನ್​ಗೆ 4,500 ದರ ಘೋಷಿಸಬೇಕು. ಒಂದು ವೇಳೆ ಆಗದಿದ್ದರೆ ನಾಳೆ ಸಂಜೆ 5 ಗಂಟೆಗೆ ಹೆದ್ದಾರಿ ಬಂದ್ ಘೋಷಣೆ ಮಾಡ್ತೇವೆ. ಅಲ್ಲದೇ ಅಕ್ಟೋಬರ್31 ರಂದು ಮತ್ತೆ ಹತ್ತರಗಿ ಟೋಲ್ ಬಂದ್ ಮಾಡುತ್ತೇವೆ. ಲಕ್ಷಾಂತರ ರೈತರು ಹೋರಾಟದ ಭಾಗವಹಿಸುತ್ತಾರೆ ಎಂದು ಎಚ್ಚರಿಕೆ ನೀಡಿದರು.

ಕರ್ನಾಟಕದ ಮತ್ತಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ