‘ಮೆಟ್ಟಿಲು ಥರ ನನ್ನ ತುಳಿದು ಹೋಗಿದ್ದಾರೆ’: ನೋವಿನಿಂದ ಮಾತಾಡಿದ ಕಾರ್ತಿಕ್
Updated on: Jan 21, 2024 | 11:03 AM
ಸುದೀಪ್ ಎದುರು ಕಾರ್ತಿಕ್ ಅವರು ನೋವು ತೋಡಿಕೊಂಡಿದ್ದಾರೆ. ‘ನಾನೇ ಕ್ಷಮೆ ಕೇಳಿಕೊಂಡು ಹೋಗಿದ್ದೇನೆ. ಸೋತು ಸೋತು ಸಾಕಾಗಿದೆ. ಸಾಯೋದಕ್ಕೆ ರೆಡಿ ಇಲ್ಲ ಸರ್’ ಎಂದು ಕಾರ್ತಿಕ್ ಮಹೇಶ್ ಹೇಳಿದ್ದಾರೆ. ‘ಕಾರ್ತಿಕ್ ಅವರು ಪ್ರತಿಯೊಬ್ಬರಿಗೂ ಹರ್ಟ್ ಮಾಡಿದ್ದಾರೆ’ ಎಂದು ಸಂಗೀತಾ ಶೃಂಗೇರಿ ಆರೋಪಿಸಿದ್ದಾರೆ.
ಬಿಗ್ ಬಾಸ್ (BBK 10) ಮನೆಯಲ್ಲಿ ಸಂಗೀತಾ ಶೃಂಗೇರಿ ಮತ್ತು ಕಾರ್ತಿಕ್ ಮಹೇಶ್ (Karthik Mahesh) ಅವರು ಫ್ರೆಂಡ್ಸ್ ಆಗಿದ್ದರು. ಆದರೆ ನಂತರದ ದಿನಗಳಲ್ಲಿ ಅವರಿಬ್ಬರ ನಡುವೆ ಜಗಳ ಪ್ರಾರಂಭ ಆಯಿತು. ಈಗ ಪರಸ್ಪರ ವಿರೋಧಿಗಳ ರೀತಿ ಆಗಿದ್ದಾರೆ. ಕಾರ್ತಿಕ್ ಜೊತೆ ಇದ್ದ ಬೇರೆ ಗೆಳೆಯರೂ ದೂರ ಆಗಿದ್ದಾರೆ. ನಮ್ರತಾ ಗೌಡ ಕೂಡ ಕಾರ್ತಿಕ್ ಅವರಿಂದ ಅಂತರ ಕಾಯ್ದುಕೊಂಡಿದ್ದಾರೆ. ಇದೇ ವಿಚಾರವನ್ನು ವೀಕೆಂಡ್ನಲ್ಲಿ ಸುದೀಪ್ ಪ್ರಸ್ತಾಪಿಸಿದ್ದಾರೆ. ಆಗ ಕಾರ್ತಿಕ್ ಅವರು ತಮ್ಮ ನೋವು ತೋಡಿಕೊಂಡಿದ್ದಾರೆ. ‘ನಾನೇ ಕ್ಷಮೆ ಕೇಳಿಕೊಂಡು ಹೋಗಿದ್ದೇನೆ. ಸೋತು ಸೋತು ಸಾಕಾಗಿದೆ. ಸಾಯೋದಕ್ಕೆ ರೆಡಿ ಇಲ್ಲ ಸರ್. ಇವರು ನನ್ನನ್ನು ಮೆಟ್ಟಲು ಥರ ತುಳಿದುಕೊಂಡು ಹೋಗಿದ್ದಾರೆ’ ಎಂದು ಕಾರ್ತಿಕ್ ಮಹೇಶ್ ಹೇಳಿದ್ದಾರೆ. ‘ಕಾರ್ತಿಕ್ ಅವರು ಪ್ರತಿಯೊಬ್ಬರಿಗೂ ಹರ್ಟ್ ಮಾಡಿದ್ದಾರೆ’ ಎಂದು ಸಂಗೀತಾ (Sangeetha Sringeri) ಆರೋಪಿಸಿದ್ದಾರೆ. ‘ನಿರೀಕ್ಷೆಗಳು ಶುರುವಾದರೆ ಅಲ್ಲಿ ಸ್ನೇಹ ಉಳಿಯುವುದಿಲ್ಲ’ ಎಂದು ವಿನಯ್ ಗೌಡ ಹೇಳಿದ್ದಾರೆ. ಈ ಸಂಚಿಕೆ ಜನವರಿ 21ರ ರಾತ್ರಿ 9 ಗಂಟೆಗೆ ‘ಕಲರ್ಸ್ ಕನ್ನಡ’ ಮತ್ತು ‘ಜಿಯೋ ಸಿನಿಮಾ’ದಲ್ಲಿ ಪ್ರಸಾರ ಆಗಲಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
