ಸುದೀಪ್​ ವಿರುದ್ಧ ಕುತಂತ್ರ ರೂಪಿಸಿದ ದುಷ್ಟಶಕ್ತಿಗಳು ಯಾರು? ಎಲ್ಲವನ್ನೂ ವಿವರಿಸಿದ ಜಾಕ್​ ಮಂಜು

ಗಾಂಧಿನಗರದಲ್ಲಿ ಸುದೀಪ್​ ಅವರನ್ನು ಕೆಲವರು ಟಾರ್ಗೆಟ್​ ಮಾಡಿದ್ದಾರೆ. ಕಿಚ್ಚನ ಏಳಿಗೆಯನ್ನು ಸಹಿಸದವರು ‘ಕೋಟಿಗೊಬ್ಬ 3’ ಚಿತ್ರಕ್ಕೆ ತೊಂದರೆ ಮಾಡಿದ್ದಾರೆ. ಈ ಮೊದಲು ಕೂಡ ಸುದೀಪ್​ ನಟನೆಯ ಸಿನಿಮಾಗಳಿಗೆ ಇಂಥವರಿಂದ ಅಡೆಚಣೆ ಉಂಟಾಗಿತ್ತು. ಅಂಥ ದುಷ್ಟ ಶಕ್ತಿಗಳು ಯಾರು ಎಂಬುದನ್ನು ಸುದೀಪ್​ ಆಪ್ತ ಜಾಕ್​ ಮಂಜು ವಿವರಿಸಿದ್ದಾರೆ. ‘ಕೆಲವರಿಗೆ ಸುದೀಪ್​ ಕಾಲ್​ಶೀಟ್​ ಸಿಕ್ಕಿರುವುದಿಲ್ಲ. ಅದಕ್ಕಾಗಿ ದುಷ್ಟ ಶಕ್ತಿಗಳೆಲ್ಲ ಒಂದಾಗುತ್ತಾರೆ’ ಎಂದು ಜಾಕ್​ ಮಂಜು ಹೇಳಿದ್ದಾರೆ.

‘ಒಬ್ಬ ನಿರ್ಮಾಪಕನಿಗೆ ಈ ಸಿನಿಮಾದ ಎದುರು ರಿಲೀಸ್​ ಮಾಡಬೇಕೋ ಬೇಡವೋ ಅಂತ ಸೂಕ್ತ ಸಲಹೆ ನೀಡುವ ಬದಲು ದಾರಿ ತಪ್ಪಿಸುತ್ತಾರೆ. ಅಂಥವರು ತನ್ನ ಮಗನನ್ನು ಯಾವತ್ತೂ ಪಣಕ್ಕೆ ಇಟ್ಟಿಲ್ಲ. ಇದು ಅರ್ಥ ಆಗುವವರಿಗೆ ಗೊತ್ತಾಗುತ್ತದೆ. ಅವರು ನಿರ್ಮಾಣ ಮಾಡಿದ ಒಂದು ಚಿತ್ರವನ್ನೂ ಇನ್ನೊಂದು ಚಿತ್ರದ ಎದುರು ರಿಲೀಸ್​ ಮಾಡಿಲ್ಲ. ಆದರೆ ಕಂಡವರ ಮಕ್ಕಳನ್ನು ಹಾಳು ಮಾಡಿದ್ದಾರೆ. ‘ಕಿಚ್ಚ ಹುಚ್ಚ’, ‘ಮುಕುಂದಾ ಮುರಾರಿ’ ಚಿತ್ರಗಳ ವಿರುದ್ಧ ಬೇರೆ ಸಿನಿಮಾಗಳನ್ನು ರಿಲೀಸ್​ ಮಾಡಿಸಿದ್ರು. ಸುದೀಪ್​ ಅವರನ್ನು ಹಾಳು ಮಾಡಬೇಕು ಅಂತ ಇಷ್ಟೆಲ್ಲ ಕುತಂತ್ರ ನಡೆಸುತ್ತಾರೆ’ ಎಂದು ಜಾಕ್​ ಮಂಜು ಹೇಳಿದ್ದಾರೆ.

ಇದನ್ನೂ ಓದಿ:

‘ಕೋಟಿಗೊಬ್ಬ 3’ ವಿರುದ್ಧ ಷಡ್ಯಂತ್ರ ಆಗಿದೆ; ‘ಸಲಗ’ ತಂಡ ಇದರಲ್ಲಿ ಭಾಗಿ ಆಗಿಲ್ಲ: ಜಾಕ್​ ಮಂಜು ಸ್ಪಷ್ಟನೆ

Kotigobba 3: ಕಿಚ್ಚನ ಒಂದೇ ಒಂದು ಟ್ವೀಟ್​ನಿಂದ​ ಹೆಚ್ಚಿತು ‘ಕೋಟಿಗೊಬ್ಬ 3’ ಕ್ರೇಜ್​; ಅಂಥ ವಿಶೇಷ ಇದರಲ್ಲೇನಿದೆ?