‘ವಿವೇಕ್ ಮೂಗಲ್ಲಿ ರಕ್ತ ಬಂದಾಗ ನಮಗೆ ಗಾಬರಿ ಆಯ್ತು; ಅಜಯ್ ರಾವ್ ಅಲ್ಲೇ ಇದ್ದರು’: ರಂಜಿತ್ ನೇರ ಮಾತು
Updated on: Aug 14, 2021 | 5:37 PM
ಶೂಟಿಂಗ್ ವೇಳೆ ನಡೆದ ಅವಘಡದಲ್ಲಿ ಗಾಯಗೊಂಡಿದ್ದ ರಂಜಿತ್ ಅವರು ಈಗ ಚೇತರಿಸಿಕೊಂಡಿದ್ದು, ಟಿವಿ9 ಜೊತೆ ಮಾತನಾಡಿದ್ದಾರೆ. ‘ವಿವೇಕ್ ಬಿದ್ದಾಗ ಅಜಯ್ ರಾವ್ ಬರಲಿಲ್ಲ ಎಂದು ನಾನು ಅವರ ಮೇಲೆ ತಪ್ಪು ಹೊರಿಸುತ್ತಿಲ್ಲ. ಆದರೆ ಅವರ ಒಂದು ಮಾತಿಗೆ ಸ್ಪಷ್ಟನೆ ನೀಡಿದ್ದೇನೆ ಅಷ್ಟೇ’ ಎಂದು ರಂಜಿತ್ ಹೇಳಿದ್ದಾರೆ.
ರಚಿತಾ ರಾಮ್ (Rachita Ram) ಮತ್ತು ಅಜಯ್ ರಾವ್ (Ajay Rao) ನಟನೆಯ ‘ಲವ್ ಯೂ ರಚ್ಚು’ (Love You Racchu) ಸಿನಿಮಾದ ಚಿತ್ರೀಕರಣದ ಸಂದರ್ಭದಲ್ಲಿ ವಿದ್ಯುತ್ ತಂತಿ ತಗುಲಿ ಫೈಟರ್ ವಿವೇಕ್ (Fighter Vivek) ಮೃತಪಟ್ಟರು. ಆ ವೇಳೆ ನಟ ಅಜಯ್ ರಾವ್ ಅವರು ಸ್ಥಳದಲ್ಲಿ ಇದ್ದರೋ ಇಲ್ಲವೋ ಎಂಬ ಬಗ್ಗೆ ಅನೇಕರ ಮನದಲ್ಲಿ ಅನುಮಾನ ಇದೆ. ಆ ಬಗ್ಗೆ ಗಾಯಾಳು ರಂಜಿತ್ ಮಾತನಾಡಿದ್ದಾರೆ. ‘ಅಜಯ್ ರಾವ್ ಬರಲಿಲ್ಲ ಎಂದು ನಾನು ಅವರ ಮೇಲೆ ತಪ್ಪು ಹೊರಿಸುತ್ತಿಲ್ಲ. 200 ಮೀಟರ್ ದೂರದಲ್ಲಿ ಇದ್ದೆ ಅಂತ ಅವರು ಹೇಳಿದ್ದನ್ನು ನ್ಯೂಸ್ನಲ್ಲಿ ನೋಡಿದೆ. ಆ ಮಾತಿಗೆ ನಾನು ಸ್ಪಷ್ಟನೆ ನೀಡಿದ್ದೇನೆ ಅಷ್ಟೇ. ಅವರು ನಮ್ಮಿಂದ 10ರಿಂದ 15 ಮೀಟರ್ ದೂರದಲ್ಲಿ ಇದ್ದರು. ಅವರಿಗೂ ಬರೋಕೆ ಆಗಲ್ಲ. ಯಾಕೆಂದರೆ ಅವರ ಕಾಲಿಗೆ ಪಟ್ಟಾಗಿದೆ’ ಎಂದು ರಂಜಿತ್ ಹೇಳಿದ್ದಾರೆ.
‘ವಿವೇಕ್ ಬಿದ್ದಾಗ ಎಲ್ಲರಿಗೂ ಗಾಬರಿ ಆಯಿತು. ಏನು ಮಾಡಬೇಕು ಎಂದು ಯಾರಿಗೂ ಗೊತ್ತಾಗಲಿಲ್ಲ. ಮುಖ್ಯವಾಗಿ, ವಿವೇಕ್ಗೆ ಮೂಗಿನಲ್ಲಿ ರಕ್ತ ಬಂದಾಗ ಗಾಬರಿ ಹೆಚ್ಚಾಯಿತು. ಅವನಿಗೆ ಪ್ರಜ್ಞೆ ಇರಲಿಲ್ಲ. ನಮಗೆಲ್ಲ ಅದರಿಂದ ಶಾಕ್ ಆಯಿತು. ಬಿದ್ದಾಗ ಅವನು ಸ್ವಲ್ಪ ಉಸಿರಾಡುತ್ತಿದ್ದ. ಆಸ್ಪತ್ರೆಗೆ ಬಂದು ಬೆಡ್ನಲ್ಲಿ ಮಲಗುವವರೆಗೂ ಅವನು ನನ್ನ ಪಕ್ಕದಲ್ಲಿ ಇದ್ದ. ಡಾಕ್ಟರ್ ಚಿಕಿತ್ಸೆ ಶುರುಮಾಡಿದ್ದರು. ಅವನು ಬದುಕಿದ್ದಾನೆ ಎಂದುಕೊಂಡಿದ್ದೆ. ಆದರೆ ನಾನು ಐಸಿಯುಗೆ ಹೋದ ಬಳಿಕ ಅವನು ಡೆತ್ ಆಗಿದ್ದಾನೆ ಅಂತ ಗೊತ್ತಾಯಿತು’ ಎಂದು ಆ ದಿನವನ್ನು ರಂಜಿತ್ ನೆನಪಿಸಿಕೊಂಡಿದ್ದಾರೆ.
ಇದನ್ನೂ ಓದಿ:
‘ಲವ್ ಯೂ ರಚ್ಚು’ ಫೈಟರ್ ವಿವೇಕ್ ಸಾವಿಗೆ ಅಸಲಿ ಕಾರಣ ಏನು? ಪ್ರತ್ಯಕ್ಷದರ್ಶಿ ರಂಜಿತ್ ತೆರೆದಿಟ್ಟ ಸತ್ಯ
ಮುಂಜಾಗ್ರತ ಕ್ರಮ ಕೈಗೊಂಡಿರಲಿಲ್ಲ, ವಿವೇಕ್ಗೆ ನ್ಯಾಯ ಸಿಗುವವರೆಗೆ ಶೂಟಿಂಗ್ಗೆ ಬರಲ್ಲ’; ಅಜಯ್ ರಾವ್
