ರವಿಚಂದ್ರನ್ ತಂದೆ ಅಂದು ಮಾಡಿದ್ದ ಸಹಾಯವನ್ನು ಖುಷ್ಬೂ ಇನ್ನೂ ಮರೆತಿಲ್ಲ; ‘ಕ್ರೇಜಿ ಸ್ಟಾರ್’ ಹೇಳ್ತಾರೆ ಕೇಳಿ..
ನಟಿ ಖುಷ್ಬೂ ಬಗ್ಗೆ ರವಿಚಂದ್ರನ್ ಅವರು ಮನಸಾರೆ ಮಾತನಾಡಿದ್ದಾರೆ. ತಮ್ಮ ಮತ್ತು ಖುಷ್ಬೂ ನಡುವಿನ ಸ್ನೇಹ ಎಂಥದ್ದು ಎಂಬುದನ್ನು ಅವರು ವಿವರಿಸಿದ್ದಾರೆ.
‘ರಣಧೀರ’, ‘ಅಂಜದ ಗಂಡು’ ಮುಂತಾದ ಸಿನಿಮಾಗಳಲ್ಲಿ ರವಿಚಂದ್ರನ್ ಮತ್ತು ಖುಷ್ಬೂ ಜೊಡಿಯಾಗಿ ನಟಿಸಿದ್ದರು. ಆ ಸಿನಿಮಾಗಳಿಂದ ಕರುನಾಡಿನಲ್ಲಿ ಖುಷ್ಬೂ ಖ್ಯಾತಿ ಹೆಚ್ಚಿತು. ಇಂದಿಗೂ ರವಿಚಂದ್ರನ್ ಜೊತೆ ಅವರಿಗೆ ಆತ್ಮೀಯ ಒಡನಾಟ ಇದೆ. ಇಬ್ಬರೂ ಫ್ಯಾಮಿಲಿ ಫ್ರೆಂಡ್ಸ್ ಆಗಿ ತಮ್ಮ ಸ್ನೇಹವನ್ನು ಮುಂದುವರಿಸಿದ್ದಾರೆ. ಟಿವಿ9 ನಡೆಸಿದ ಸಂದರ್ಶನದಲ್ಲಿ ಆ ಬಗ್ಗೆ ರವಿಚಂದ್ರನ್ ಮಾತನಾಡಿದ್ದಾರೆ. ರವಿಚಂದ್ರನ್ ತಂದೆ ಎನ್. ವೀರಾಸ್ವಾಮಿ ಅವರು ಆ ಕಾಲಿದಲ್ಲಿ ಮಾಡಿದ ಒಂದು ಸಹಾಯವನ್ನು ಖುಷ್ಬೂ ಇಂದಿಗೂ ಮರೆತಿಲ್ಲ ಎಂದಿದ್ದಾರೆ ಕ್ರೇಜಿ ಸ್ಟಾರ್.
‘ಖುಷ್ಬೂ ನನಗೆ ಫ್ಯಾಮಿಲಿ ಫ್ರೆಂಡ್. ಅಂದು ಹೇಗೆ ಮಾತನಾಡಿಸಿದ್ದಳೋ ಈಗಲೂ ಹಾಗೆಯೇ ಮಾತನಾಡಿಸುತ್ತಾಳೆ. ನಮ್ಮ ಫ್ಯಾಮಿಲಿ ಮತ್ತು ನಮ್ಮ ತಂದೆ ಬಗ್ಗೆ ಅವಳಿಗೆ ದೊಡ್ಡ ಗೌರವ ಇದೆ. ಯಾವಾಗಲೋ ಇಲ್ಲೊಂದು ಅಪಾರ್ಟ್ಮೆಂಟ್ ತೆಗೆದುಕೊಳ್ಳುವಾಗ ನಮ್ಮ ಅಪ್ಪ ಆಕೆಗೆ ಸಹಾಯ ಮಾಡಿದ್ದರು. ಅದನ್ನೆಲ್ಲ ಆ ಹುಡುಗಿ ಇನ್ನೂ ಮರೆತಿಲ್ಲ. ಇವತ್ತು ಜನರು ಕೋಟಿ ರೂ. ಸಂಪಾದನೆ ಮಾಡುತ್ತಿರಬಹುದು. ಆದರೆ ಅಂದು ನಾವು ಕೊಟ್ಟ ನೂರು ರೂಪಾಯಿಯೇ ಎಷ್ಟೋ ಮುಖ್ಯ ಆಗುತ್ತದೆ. ಆ ನೂರು ರೂಪಾಯಿಯ ಮೌಲ್ಯ ಎಂದಿಗೂ ಕಡಿಮೆ ಆಗುವುದಿಲ್ಲ. ಹೀಗೆ ಚಿಕ್ಕ ಸಹಾಯವನ್ನು ನೆನಪಿನಲ್ಲಿ ಇಟ್ಟುಕೊಂಡವರು ಜೀವನದಲ್ಲಿ ಬೆಳೆಯುತ್ತಾರೆ ಎಂಬುದಕ್ಕೆ ಖುಷ್ಬೂ ಉದಾಹರಣೆ’ ಎಂದು ರವಿಚಂದ್ರನ್ ಹೇಳಿದ್ದಾರೆ.
ಇದನ್ನೂ ಓದಿ:
‘ಪ್ರೇಮಲೋಕ’ ಚಿತ್ರಕ್ಕೆ ಜೂಹಿ ಚಾವ್ಲಾ ಆಯ್ಕೆ ಆಗಿದ್ದು ಹೇಗೆ? ರವಿಚಂದ್ರನ್ ತೆರೆದಿಟ್ಟ ರೆಟ್ರೋ ಸ್ಟೋರಿ
‘ಕುಡಿಯೋ ಎಂದು ಅಂಬರೀಷ್ ಯಾವತ್ತೂ ಒತ್ತಾಯ ಮಾಡಲಿಲ್ಲ, ಅದು ದೊಡ್ಡಗುಣ’; ರವಿಚಂದ್ರನ್
Published On - 9:58 am, Mon, 13 September 21
