ಶಕ್ತಿಧಾಮದಲ್ಲಿ ಶಿವರಾಜ್ಕುಮಾರ್ ಧ್ವಜಾರೋಹಣ; ಮಕ್ಕಳ ಜತೆ ಗಣರಾಜ್ಯೋತ್ಸವ ಆಚರಣೆ
Shivarajkumar: ಶಕ್ತಿಧಾಮವನ್ನು ಡಾ. ರಾಜ್ಕುಮಾರ್ ಕುಟುಂಬ ನೋಡಿಕೊಳ್ಳುತ್ತಿದೆ. ಇಂದು (ಜ.26) ಅಲ್ಲಿನ ಮಕ್ಕಳ ಜೊತೆ ಸೇರಿ ಶಿವರಾಜ್ಕುಮಾರ್ ಅವರು ಗಣರಾಜ್ಯೋತ್ಸವ ಆಚರಿಸಿದ್ದಾರೆ.
ದೇಶದೆಲ್ಲಡೆ ಇಂದು (ಜ.26) ಗಣರಾಜ್ಯೋತ್ಸವ (73rd Republic Day) ಆಚರಣೆ ಮಾಡಲಾಗಿದೆ. ಧ್ವಜಾರೋಹಣ ಮಾಡಿ, ರಾಷ್ಟ್ರ ಗೀತೆ ಹಾಡಿ, ದೇಶಕ್ಕಾಗಿ ಶ್ರಮಿಸಿದ ಎಲ್ಲರನ್ನೂ ಸ್ಮರಿಸಿಕೊಳ್ಳಲಾಗಿದೆ. ನಟ ಶಿವರಾಜ್ಕುಮಾರ್ ಅವರು ಮೈಸೂರಿನ ಶಕ್ತಿಧಾಮದಲ್ಲಿ 73ನೇ ವರ್ಷದ ಗಣರಾಜ್ಯೋತ್ಸವ ಆಚರಿಸಿದ್ದಾರೆ. ಪತ್ನಿ ಗೀತಾ ಶಿವರಾಜ್ಕುಮಾರ್ (Shivarajkumar) ಜೊತೆ ಸೇರಿ ಅವರು ಧ್ವಜಾರೋಹಣ ಮಾಡಿದ್ದಾರೆ. ಬಳಿಕ ಆಶ್ರಮದ ಮಕ್ಕಳಿಗೆ ಸಿಹಿ ಹಂಚಿ, ಅವರ ಜೊತೆ ಒಂದಷ್ಟು ಹೊತ್ತು ಕಾಲ ಕಳೆದಿದ್ದಾರೆ ಶಿವಣ್ಣ. ಅನೇಕ ಸಿನಿಮಾಗಳಲ್ಲಿ ‘ಹ್ಯಾಟ್ರಿಕ್ ಹೀರೋ’ ಬ್ಯುಸಿ ಇದ್ದಾರೆ. ಆದರೆ ಇಂದು ಗಣರಾಜ್ಯೋತ್ಸವದ ಪ್ರಯುಕ್ತ ಬಿಡುವು ಮಾಡಿಕೊಂಡು ಮಕ್ಕಳಿಗಾಗಿ ದಿನವನ್ನು ಮೀಸಲಿದ್ದಾರೆ. ಮಕ್ಕಳ ಜೊತೆ ಶಿವಣ್ಣ ಜಾಲಿ ರೈಡ್ ಮಾಡಿದರು. ಅವರ ಜೊತೆ ಬೆರೆತ ಶಕ್ತಿಧಾಮದ (Shakthidhama) ಮಕ್ಕಳು ಖುಷಿಖುಷಿಯಾಗಿ ಕಾಲ ಕಳೆದರು.
ಇದನ್ನೂ ಓದಿ:
‘ನನಗೆ ಲೀಡರ್ ಪಟ್ಟ ಬೇಡ; ನಿಮ್ಮ ಜತೆ ನಾನೂ ಒಬ್ಬನಾಗಿ ಇರುತ್ತೇನೆ’: ಶಿವರಾಜ್ಕುಮಾರ್
James Special Poster: ‘ಜೇಮ್ಸ್’ ಹೊಸ ಪೋಸ್ಟರ್ ರಿಲೀಸ್; ಪುನೀತ್ ಫ್ಯಾನ್ಸ್ಗೆ ಗಣರಾಜ್ಯೋತ್ಸವದ ಗಿಫ್ಟ್
