ಲಕ್ಷ್ಮಿಯ ಸುಪುತ್ರ ಗಣಪನಿಗೆ ಭಾರೀ ಬಂದೋಬಸ್ತ್​: ಸಿಸಿಟಿವಿ ಕ್ಯಾಮೆರಾಗಳ ಕಣ್ಗಾವಲು, ಯಾಕೆ ಗೊತ್ತಾ? ವಿಡಿಯೋ ನೋಡಿ

ತೆಲುಗು ದ್ವಿರಾಜ್ಯಗಳಲ್ಲಿ ವಿನಾಯಕ ಚೌತಿ ಆಚರಣೆಯನ್ನು ವಿಜೃಂಭಣೆಯಿಂದ ನಡೆಸಲಾಗುತ್ತಿದೆ. ಬೀದಿ ಬೀದಿಗಳಲ್ಲಿ ಗಣೇಶನನ್ನು ಕೂಡಿಸಿ, ಸಂಭ್ರಮಿಸುತ್ತಿದ್ದಾರೆ ಭಕ್ತರು. ಪೆಂಡಾಲ್​​ಗಳಲ್ಲಿ ವಿರಾಜಮಾನ ಗಣಪನು ಭಕ್ತರಿಂದ ಹರಕೆ ಸ್ವೀಕರಿಸಿ, ತಥಾಸ್ತು ಅನ್ನುತ್ತಿದ್ದಾನೆ. ಈ ಮಧ್ಯೆ, ಕರ್ನೂಲ್ ಜಿಲ್ಲೆಯ ಮಿಮಿಗನೂರು ಪಟ್ಟಣದಲ್ಲಿ ಮಿಟ್ಟಿ ವಿನಾಯಕೋತ್ಸವ ಭಾರೀ ಸದ್ದು ಮಾಡುತ್ತಿದೆ. 4ನೇ ವಾರ್ಷಿಕೋತ್ಸವದ ಸಂದರ್ಭದಲ್ಲಿ ಇಲ್ಲಿನ ಭಕ್ತ ಮಂಡಳಿ 54 ಲಕ್ಷ ರೂಪಾಯಿ ನೋಟುಗಳಿಂದ ಗಣಪನನ್ನು ಅಲಂಕರಿಸಿದ್ದಾರೆ.

ದೇವಸ್ಥಾನದಲ್ಲಿ ವಿನಾಯಕನ್ನು ವಿನೂತನವಾಗಿ ಅಲಂಕರಿಸುವ ಸಲುವಾಗಿ ಶಕ್ತಿ ವಿನಾಯಕ ಮಂಡಳಿಯ ಸದಸ್ಯರು ಕಳೆದ ಕೆಲವು ತಿಂಗಳುಳಿಂದ ವಿವಿಧ ಬ್ಯಾಂಕ್‌ಗಳಿಂದ ಹೊಚ್ಚ ಹೊಸ ನೋಟುಗಳನ್ನು ಸಂಗ್ರಹಿಸಿದ್ದಾರೆ. ಗರಿಗರಿ ನೋಟುಗಳಿಂದ ಹೊಸ ವೈಭವದಿಂದ ಕಂಗೊಳಿಸುತ್ತಿರುವ ವಿನಾಯಕ ಭಕ್ತರನ್ನು ಆಕರ್ಷಿಸುತ್ತಿದ್ದಾನೆ. ಸ್ಥಳೀಯ ಕೋರ್ಟ್ ರಸ್ತೆ ಪ್ರದೇಶದಲ್ಲಿ ಶಕ್ತಿ ಯೂತ್ ಕ್ಲಬ್ ಸದಸ್ಯರು ಕರೆನ್ಸಿ ವಿನಿಮಯ ಕಚೇರಿಯಂತೆ ಈ ಗಣಪನನ್ನು ಸ್ಥಾಪಿಸಿದ್ದಾರೆ.

ಇದನ್ನೂ ಓದಿ: Ganesha Chaturti 2024 – ಲಕ್ಷ್ಮಿದೇವಿಯ ಮಗ ಗಣೇಶ, ಏನಿದು ತಾಯಿ-ಮಗನ ಸಂಬಂಧ!?

ಪಟ್ಟಣದಲ್ಲಿ ಈ ಮೂರ್ತಿಯು ವಿಶೇಷ ಆಕರ್ಷಣೆಯಾಗಿದೆ. ಈ ವಿಗ್ರಹ ತಯಾರಿಕೆಗೆ 54 ಲಕ್ಷ ರೂ. ವೆಚ್ಚವಾಗಿದೆ. ಈ ಮೂರ್ತಿಯನ್ನು ನೋಡಲು ಸುತ್ತಮುತ್ತಲ ಗ್ರಾಮಗಳಿಂದಲೂ ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಆಗಮಿಸುತ್ತಿದ್ದಾರೆ ಎಂದು ವಿನಾಯಕ ಮಂಡಳಿ ಸಂಘಟಕರು ತಿಳಿಸಿದ್ದಾರೆ.

ಶ್ರೀ ಶಕ್ತಿ ವಿನಾಯಕ ಮಂಡಳಿಯು ಕರ್ನೂಲ್ ಜಿಲ್ಲೆಯ ಕೋರ್ಟ್ ರಸ್ತೆಯಲ್ಲಿ 54 ಲಕ್ಷ ಕರೆನ್ಸಿ ನೋಟುಗಳೊಂದಿಗೆ ಗಣೇಶ ಮೂರ್ತಿಯನ್ನು ಸ್ಥಾಪಿಸಿದೆ. ಸಹಸ್ರಾರು ಭಕ್ತರು ವೀಕ್ಷಿಸುತ್ತಾ ಹರ್ಷೋದ್ಗಾರ ಮಾಡುತ್ತಿದ್ದಾರೆ. 25 ದಿನಗಳ ಕಾಲ ಎರಡು ಮತ್ತು ಒಂದು ರೂಪಾಯಿ ನಾಣ್ಯಗಳ ಜೊತೆಗೆ 500, 200,50, 20,10 ರೂಪಾಯಿಗಳ ಕರೆನ್ಸಿ ನೋಟುಗಳನ್ನು ಬಳಸಿ ಲೆಕ್ಕ ಮೂರ್ತಿಯನ್ನು ಅಲಂಕರಿಸಲಾಗಿದೆ. ಈ ಧನಲಕ್ಷ್ಮಿ ಗಣಪತಿ ರೂಪ ನೋಡುಗರನ್ನು ಅಪಾರವಾಗಿ ಆಕರ್ಷಿಸುತ್ತದೆ.

ಮತ್ತಷ್ಟು ಆಧ್ಯಾತ್ಮ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ

Published On - 12:52 pm, Mon, 9 September 24